AMTAW 10:2 - Khumi Common Language Bible

² Tameuh ai py dawn parai nai khumi, mymy hawi mymy i dengtheungchi bawibawi py Tameuh ai tahm khai, amichi teng y py mymy ly atiti neangneang pei reng, Tameuh teng y py chiu sa jojo.

AMTAW 10:2 Iomraidhean Croise

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

1 ARENG KEH 8:43

nichi i hnei takeng nai ly tangai pi kyh ba. Nangmy i awm nai kani pri mang dengdairei tangai pi iy, ni i hnei nai kamta pathang pi kyh ba. Huna i naini, khaileaung pri y awm nai khumi bawibawichi ly nang i khumichi kamta, nang ai pany u iy jei kaji naimy tahm khai u ai. Hunaibaly nang i vui kaimy kang sa pi nai hini Achura Yhm ly chiu sa nai meingtym ne, nanai nichi pany u ai.

2 NENG SATANG 6:33

nangmy awm nai kani pri mang dengdairei tangai iy, huni khumi i hnei nai kamta so pi ba. Huna khala naini khaileaung pri y awm nai khumi bawibawichi ly nang i khumichi kamta, nang ai pany iy nang i leu tangai u ai. Naibaly nichi ly nang i vui kai i sa nai Achura yhm ly nang ai chiu nai meingtym ne, nanai pany u ai.

JOBA 1:1

Uz pri y Joba napi nai khumi leaungrei awm; ni ly hawi naira angym i, Tameuh ai jei kaji nai khumi, hawi y naira asyn ai nai pany nai khumi ne.

JOBA 1:5

Pawi lui nai tleirei kani pa-nyh khawn y Joba ly kangthodyh ang thau iy, chapo chaniuchi i vui kachai sa nai kapathyprachi talam pi reng. Huna nai kamta Joba i sa nai sai ly mymy i chapo chaniu leaung leaungrei my, Tameuh ai dawndan y nai, mei aniu y nai kamngo so lawh na, nanai paleung mawn nai deaungkho y ne.

SAM 102:15

Khumi bawibawichi ly Areng ai jei kaji naimy awm u ai; khaileaung pri i samrang bawibawichi ly nang i sa thai naira ai jei kaji naimy tahm khai u ai.

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 25:5

Nang ly kai ai atleu nai Tameuh ne nai deaungkho y, nang i leu meitang kamta sa iy teaung thai ai nai kai ai patiu pi kyh ba. Kai ly nang ai ym jojo nai ne.

SAM 41:1

Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, Areng my sabawm ai.

SAM 55:17

Kai i tangam nai raawichi ly khawn, kanithun, vum, huni nengchi khala mymy teng y tym i, mymy ly ang tangai pi ai.

SAM 86:3

Nang ly kai i Tameuh ne; hunai deaungkho y kai ai pahen kyh ba; kai ly nang teng y kani khengrei chiu kasa nai ne.

SAM 88:1

Kai ai atleu nai keung Areng Tameuh, kai ly kani thun y aeu iy, vum y ly nang teng y ahihawi nai ne.

Parip nai leu 7:18

Hini amjy nyhrei ai amkyn ba. Nang ly Tameuh ai jei kaji nai khumi ne baly, ati py ne sy, eaung naira nga ai.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

DANIELA 6:10

Samrang ly hina nai lamai nip typ chum veng bo, nanai thai nai khala y, Daniela ly yhm y vawi jo bo. Ni i yhm salo sambeura, Jerusalem mary mang mo tha nai thaibeng pa-khochi awm. Ni ly huni sambeura y mymy i sa reng nai kamta, thaibeng pa-kho sahawi y kheukhu di iy, kanirei y tlen thomrei, Tameuh teng y chiu sa nai ne.

DANIELA 6:16

Hunaibaly samrang i leu pei nai kamta, Daniela ai khrangsi paeung nai angawm y aphi u bo. Samrang my Daniela teng y, “Nang i ka-ym awm naimy chiu nai Tameuh ly nang ai atleu pi na sy,” napi.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

MATTHAI 25:17

Hunai kamta teang, talent nyhrei nga nai keung py talent nyhrei kamran nga hai bo.

LUKA 18:1

Naibaly atho si y naimy chiu sa jojo ai nai tla, nanai pany hai ai nai mychi teng y pata nai leu thui i,

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

AMTAW 10:22

Naibaly nichi my ly, “Kornelia, tavaimi chungvaiei lu, khumi kahawi, Tameuh ai tahm khai nai, Juda cheng bawibawi theung i amyn kahawi awm nai, ni teng y kani pri i amtaw thau nai kachai leaungrei ly nang i leu thui nai pany ai nai hawi, mymy i yhm y nangmy ai palau ai nai py thui pi na a,” napi.

AMTAW 10:31

“Kornelia, nang i chiu sa nai ly tangai bo, naibaly nang i ami teng y atiti pei reng naichi py Tameuh i mo y pany jo naira lawn ai nai tym na a.

AMTAW 10:35

na i py cheng cheaungkhang theung y ami py mymy ai tahm khai iy kahawi sa nai ngierei ai ly ang kawn reng.

AMTAW 10:4

Naibaly Kornelia ly mymy ai khen ryry, naibaly jei i, “Areng, ati mo?” napi. Naibaly ni my ly mymy teng y, “Nang i chiu sa nai hawi nang i atiti pei reng naichi ly pany jo naira lawn ai nai Tameuh i mo y tym kalau bo.

AMTAW 10:7

Naibaly mymy hawi arum nai kani pri i amtaw thau nai ly leh bo nabaly, Kornelia ly mymy i miseaung theung i khumi leaung nyhrei hawi, mymy i kalop sa jojo nai tavaimichi theung i nai Tameuh ai dawn parai nai leaungrei ai py palau;

AMTAW 11:14

huni leu ly nang ai hawi, nang i dengtheung bawibawichi ai py hengra nga hai ai,’ nanai py ang thui pi.

AMTAW 13:16

Naibaly Pawla ly angdo i kiu y kali iy, “Israela khumichi hawi Tameuh ai tahm khai nai keungchi awi, tangai u.

AMTAW 13:26

“Amjo amnauchi awi, Abraham i kangpreang chanauchi awi, nangchi theung y Tameuh ai tahm khai nai bawibawichi awi, achi teng y hini heng nai leu ang pa nai bo he.

AMTAW 13:50

Na i py Judachi ly tahm asang nai hawi Tameuh ai tahm khai nai neampachychi ai hawi, avang miteaung kehchi ai py pachei i, Pawla hawi Barnaba nini ai ly ana hai piupa iy, mymychi i meingtym dengdairei nini ai patheu bo.

AMTAW 18:8

Naibaly achura yhm krykeung Krispa hawi mymy i dengtheaungchi bawibawi py Areng ai ym; Korinth avang i khumi neangneangchi py thai i ym iy, baptisma nga u bo.

AMTAW 2:5

Naibaly kani anui i cheng cheaungkhang theung i dengdairei Tameuh ai dawn parai nai Judachi ly Jerusalem y ni awm.

AMTAW 22:12

“Naibaly khumi leaungrei, Anania, Reita y Tameuh ai tahm khai nai hawi, hu y awm nai Judachi bawibawi teng y amyn kahawi amthang nai ly kai teng y ang jeu iy, kai i ahawi y angdo i, kai teng y,

AMTAW 8:2

Naibaly Tameuh ai dawn parai nai amichi my mo Stephana ai ly up u i, khrikhri pa-rei vo hai.

AMTAW 9:11

Naibaly mymy ly, “Khen cham Areng, kai hi y awm he,’ napi. Naibaly Areng my ly, mymy teng y, “Angthau ly, Lam Kataw napi naira y tako ly, Juda i yhm y Tarsa i khumi, amyn Sawla napi nai ai deng;

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

AMTAW 9:36

Naibaly Joppa avang y amyn ly Tabitha napi nai abangnai leaungrei awm; (Tabitha nanai sai ly Dorka ne;) huni neampachy i atiti kahawi sa nai hawi, atiti sabawm nai py neangneang awm.

KOLOSA 4:2

Chiu sa ai nai patlaw u moh ly, hunira y ly kawn nai leu thui u nai tarawi y atyp u;

I THESALONIKA 5:17

cheaungkhangra y kawn nai leu thui u jojo:

JAKOB 1:5

Na i py nangchi theung y ami py cheng naira avaw baly, khumi bawibawi teng y jo y nai hawi pasai y naimy pei reng nai keung Tameuh teng y hnei sy, naibaly ang pei takengkei ai.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.