AMTAW 1:9 - Khumi Common Language Bible

⁹ Naibaly huni leu thui pajau iy mychi niu ryhryh nai tarawi y ni ai kani mang y pahawi kaleu bo, naibaly khupanym my mychi niu pajau y naira y pahawi vui bo.

AMTAW 1:9 Iomraidhean Croise

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

THEU NAI 19:9

Areng my Mosi teng y, “Ani i leu arum nai ly khumichi thai u iy, vai i dengdairei nang ai ym u ai nai kaimy tamai angjawi mang nang teng y kang satla kathiu ai,” napi. Mosi ly Areng teng y mipuichi i pathang nai leu amti pi bo.

THEU NAI 34:5

Areng ly tamai angjawi mang dengdairei satla kathiu i, Mosi sahawi y angdo iy, Areng mymy i amyn nang parai nai sai amteng hai bo.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

DANIELA 7:13

Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

LUKA 21:27

Huna nai khala y ly Khumi i Chapo ly atiti sa thai naira hawi, khri pa-rei nang parai naira hawi khupanym theung y jeu nai niu u ai.

JOHAN 6:62

Khumi i chapo ly mymy i jangni i awm naira y lyn kalau nai nangchi niu lawh baly mana sa u ai mo?

AMTAW 1:11

Nini my ly, “Kalili pri i khumichi awi, ati mana nai angdo naimy kani mang y khen u ryry lawh mo? Hini Isu, nangchi teng i dengdairei kani mang y pahawi kalau nai ly, kani mang y kalau nai nangchi i niu nai kamta mymy ly ang jeu takengkei teang ai,” napi.

AMTAW 1:2

mymy ly Phailo kachai i saho y ni i vawi nai amtaw thau naichi teng y leu pei pajau iy, kani mang y pahawi kalau vui nai kani tym pa-rei nai leu ly kaimy tajiu bo.

I THESALONIKA 4:17

huni bo y ly achi vai heng naichi ly Areng ai lamchung ai nai kani laileaung y mymychi hawi vanrei khupanym theung y achi ai ang la kalau ai; hunaibaly achi ly Areng teng y deungtasarei awm jojo ai.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 11:12

Naibaly nini ly kani mang i dengdairei raawi pajeng parai nai ly nini teng y, “Hi mang y lyn hawi kalau,” napi nai thai hawi bo. Naibaly nini ly khupanym theung y kani mang y lyn hawi kalau bo, nini i paleung ka-echi my py nini ai niu u bo.

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.