AMTAW 1:3 - Khumi Common Language Bible

³ Hunichi teng y ly mymy i ngari patang nai bo y neangneang pany kyp naira y mymy ly heng teang, nanai amteng hai iy, kani vui palyhrei sala y mymychi teng y amteng pi i, Tameuh i peang nai satang thui pi;

AMTAW 1:3 Iomraidhean Croise

1 ARENG KEH 19:8

Naibaly Elija ly ang thau iy cha chum baly Sinai mawi kachai mang y kani 40 rei tako ai nai atho awm bo.

MATTHAI 21:43

Hunai deaungkho y kang thui pi, Tameuh i peang naira ly nangchi teng i nai la pi veng ai i, huni pri i athai kamta athai ai nai cheng teng y au ai.

MATTHAI 28:9

Naibaly khen cham, Isu ly nini hawi avum i, “Noso hawi a?” napi. Hunaibaly nini ly mymy i kheu pakhi y amkhaw iy chiu hawi bo.

MATTHAI 3:2

“Uikhei u, kani pri my peang nai ly kasa bo,” napi.

MATTHAI 4:2

Naibaly mymy ly kani y kani vui palyhrei, vum y vum vui palyhrei biu hai nai bo y kajeu alam bo.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

JOHAN 20:26

Naibaly kani tajarei bo y abangnaichi ly yhm angtheung y awm bi i, Thoma py nichi teng y awm teang. Naibaly Isu my jeu i katheu kho veng i py nichi theung y angdo iy nichi teng y, “Nangchi teng y paleung awmnem naira awm sy,” napi.

JOHAN 21:1

Hunai bo y Isu ly Tiberi ang y abangnaichi teng y amteng bi i, hina nai ka-tawm amteng.

JOHAN 21:14

Huni ly Isu my kadeichi theung i nai angthau bi nai bo y abangnaichi teng y pa-thom amteng nai ne.

AMTAW 13:31

naibaly kalili pri i dengdairei Jerusalem y mymy hawi vanrei kalau teang naichi ly kani kra parai nai sala y mymy ai niu reng; hunichi ly vai khumichi teng y mymy i satang pany hai nai keungchi ne.

AMTAW 19:8

Naibaly ni ly achura yhm y kun reng i, Tameuh i peang nai satang ka-thui thui pi nai hawi, parawi tanga nai hawi lo thom ryrei vam parai pa-rei leu thui.

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

AMTAW 28:31

mymy teng y kun nai ngierei ai kawn iy, Tameuh i peang nai satang thui pi, Areng Isu krista i leu py vam parai pa-rei my patiu i, ami py mymy ai paka y.

AMTAW 8:12

Na i py nichi ly Tameuh i peang nai hawi Isu Krista i amyn Satang Kahawi py Philipa my thui pi nai ym u khala ly, neampacho py neampachy py baptisma nga u bo.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

Leu Thui Nai 9:18

Nangchi ly Areng ai hi vui iy kado theu hai nai deaungkho y, kai ly kani vui palyhrei ati sai py cho nei y naimy khaileaung y ambeu iy kachiu bi nai ne.

Leu Thui Nai 9:9

Areng hawi nangchi asa nai Leu Maikawm leu saichi tajiu nai lengseaung phei nyhrei la ai nai, kai ly mawi salo y lyn kalau nai ne. Mawi salo y kani vui palyhrei, ati sai py cho nei y naimy kaawm bo.

KOLOSA 1:13

Mymy ly achi ai kaveng aly peang naira i nai ang law hai i, mymy i Chapo tamen parai nai i peang naira y achi ai ang khai vui bo;

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly: