AMOS 8:8 - Khumi Common Language Bible

⁸ Hina nai kamngochi sa nai molam y kaleih pui theu i, pri verei i khumichi ly paleung si paleung mawn naira avum u ai. Pri verei ly Aikupta pri i Naing tavo tui kamta, anem lawh, asang lawh iy ahyn kanangkang na ai.

AMOS 8:8 Iomraidhean Croise

SAM 18:7

Naibaly Tameuh i kado theu nai molam y, khaileaung amchyh na pa-rei kalei theu hai. Mawichi ly kheutang mang dengdairei amchyh. Sabawmra nga ai nai kai i aeu nai raawi, mymy ly thai bo.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

JEREMIA 12:4

Kaichi i pri ly jengha nai mana tanrei kra iy, li hlauchira i achachi py, mana tanrei kakra ngamchi ajawi ai mo? ‘Kaichi i sa nai ly Tameuh my niu y leang,’ nanai thui u nai hini pri khumichi i hawi y nai molam y, tavochi hawi daichi mawichi dei nai ne.

JEREMIA 46:7

Tui lem nanai tavo kamta py, Naing tavo tui kamta py, tavai thau nai khumi ly ami mo?

JEREMIA 46:8

Tui lem nanai tavo kamta py, Naing tavo tui kamta py, tavai thau nai ly Aikupta pri ne. Aikupta pri my, ‘Kai ly tavai thau iy khaileaung pri verei kup be ai. Marychi hawi mary i khumichi ai taphra ai.

JEREMIA 51:29

Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

DANIELA 9:26

Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

HOSEA 10:5

Samari mary i khumichi ly Bethavan mary y awm nai muku si katai myn tama vui nai molam y, jei i vo tangam u ai. Huni myn ai chiu nai khumichi hawi pathyp pi nai keungchi ly muku si katai myn i vui y vo u ai. Huni muku si katai myn i sa thai naira tama iy, pri takhra mang y syn vui nai khala, nichi ly tangam u ai.

HOSEA 4:3

Hunai deaungkho y hini pri ly jengha ai i, heng nai amjy cheaungkhangchi dei u be ai. Amso tawnbawichi, tavochi hawi, pangli theung y awm nai ngochi malawn py dei u ai,” napi.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

AMOS 9:5

Kani pri tavailuchi i Areng ly khaileaung y abi nai deaungkho y, kaleih pui theu bo; khaileaung y awm nai bawibawichi py vo ai. Khaileaung pri verei ly Aikupta pri i Naing tavo kamta, anem lawh, asang lawh ai. 1

NAHUM 1:8

Mymy ly khri pa-rei ho nai tavo tui kamta, paleung ka-echi ai phra hai. Mymy ai ka-awi sa nai khumichi ai, dei khora y tha nai ne.

MATTHAI 24:30

huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.