AMOS 8:4 - Khumi Common Language Bible

⁴ Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

AMOS 8:4 Iomraidhean Croise

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

JOBA 24:4

Nichi ly khumi kamawnchi i nga sang naichi paka pi vui iy, khumi kamawnchi ai kamjau kamteang paryh iy, aheu hai bo.

SAM 10:7

Nichi i labeaung ly pasawi nai, tapawp nai, pajei pahyn naichi kawi na. Niu ngai y nai leu hawi chai y nai leu katheu tamangtang bo.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 14:4

Areng my, “Huni khumichi ly pany pacha y nai khumichi ne a? Huni khumi hawi y naichi ly pany thai naira by y nai khumichi ne a? Nichi ly kai i khumichi teng i lawm iy, heng u naichi ne. Kai teng y py chiu sa hnei takeng nai by y,” napi.

SAM 140:12

Aw Areng, nang ly khumi kamawnchi i hawi naira hawi, kamawn katichi i vui nga sang naichi ai ama hai, nanai kai ly pany bo.

SAM 56:1

Aw Tameuh, kai ly atiu naira avum nai deaungkho y, kai ai pahen kyh ba; paleung ka-echi ly kai ai kani tleirei ana pumpi nai ne.

LEU KACHENG 30:14

Phyrei khumichi ly kamawn kateuchi tlang tleaung y pahyp y naimy kho sa iy, mychi apacho pajau ai nai sa u reng nai ne.

ISAIA 1:10

Aw Jerusalem mary, nang ai peang nai samrangchi hawi nang i mary khumichi ly Sodom mary hawi Komora mary i khumichi hawi atawm. Nang ai Areng my leu pei nai tangai ba. Achi i Tameuh my parip nai tangai ba.

ISAIA 28:14

Vai, Jerusalem mary y hini khumichi ai peang nai, nangchi amlyh am-e nai khumichi awi, Areng my leu pei nai tangai u.

JEREMIA 28:15

Hunaibaly kai ly ananiah teng y, “ananiah awi, tangai ba! Areng ly nang ai ang pato nai ny y. Nang ly hini khumichi ai, nangmy ka-chawi leu ym ai nai sa nai ne i,

JEREMIA 5:21

Mei awm ta-jai iy niu thai y, kano awm ta-jai iy thai y nai khumi, nangchi khumi ka-khumchi awi, tangai u.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

Ezekiela 45:10

Khumi luteng ly sie khyry, takhu teaung kateng teaung ai nai tla.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

AMOS 5:12

Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

AMOS 7:16

Hunai deaungkho y Areng i leu pei nai tangai ba. Nangmy kai ai Israela khumichi mang abi iy ka-awi sa nai amo so moh, amo leu thui moh, napi.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

MIKHA 3:3

Nangchi ly kai i khumichi i ngan cha u. Nichi i pei leih iy hiuchi tawp piupa i, mawi biu kamta akei hawi abai u bo.

ZEKHARIAH 5:6

Kaimy, “Huni ly ati mo?” nanai deng. Kaini pri amtaw thau naimy, “Huni ly takhu harei ne iy pri vereichi i kamngo ai pata nai ne,” nanai pathang.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

JAKOB 5:6

Khumi kahawi ai ly nangchi my pasum iy padei i, ni my ly nangchi ai paka y leang.