AMOS 7:7 - Khumi Common Language Bible

⁷ Kai ly Areng teng i takhra amteng hai nai kaniu. Huni amteng hai naira y siju amto hawi pata i, sa nai lengseaung angpang sahawi y siju amto harei syn iy angdo nai mymy ai kaniu.

AMOS 7:7 Iomraidhean Croise

ATITI AWM ANGCHEI NAI 28:13

Naibaly Areng ly mymy sahawi y angdo naimy, “Kai ly Abraham hawi Isaka i Areng Tameuh ne, kaimy nang i aseaung nai khaileaung ly nang hawi nang i kangpreangchi teng y kang pei ai.

2 SAMUELA 8:2

Naibaly Samrang ly Moba khumichi ai tiu nai pajau i, patiu naira i nga nai khumichi ai khaileaung y atlym hai iy, phy thomrei y phy nyhreichi ai padei hai bo. Hunai deaungkho y Moba khumichi ly Davida i anui y awm i, kahm pei u nai ne.

2 ARENG KEH 21:13

Samari mary hawi Israela samrang Ahaz hawi katu chanauchi ai pajeng nai kamta, Jerusalem mary y kapajeng ai. Tamui changpyn iy pakhiu meuh nai samtang kamta, Jerusalem mary theung y khumi leaungrei py by y na pa-rei katamyh ai.

ISAIA 28:17

Huni langdeng i vui adyh adawi nai suju vuinawn, kataw kateng pata nai vuinawn palawn iy teaung ai. Naibaly kai ly ali pui khu pui kamta nangchi a-ym nai li-tapawp nairachi paleang pi pawn ai. Tavo tui leaung nai kamta nangchi i chymme nai py, phra hai pawn ai.

ISAIA 34:11

Huni pri ly beaungkuchi hawi o-achi awm naira lawm ai. Khaileaung palum y rai nai khala i kamta, Areng ly huni pri ai khaileaung ka-keu pui lawm hai ai.

TANGAM NAI LEU 2:8

Areng ly Zion mary apaichi panawi vui ai nai dawn yb nai deaungkho y, hunichi phra takengkei pawn ai nai siju hawi pata. Vai ly lengseaung yhm ka-sangchi hawi mary apaichi ly phra seaungkhrang mei bo.

Ezekiela 40:3

Mymy ly kai ai huni mary sahawi mang y hawi nai khala, kai ly kheupaja kamta angvang nanai khumi leaungrei ai kaniu. Ni ly suju vuinawn pata ai nai patara amto syn naimy, mary apai pa-khora y angdo bo.

AMOS 7:6

Areng ly paleung amtlau i, “Hina nai py tym hai y leang,” ang napi.

AMOS 7:8

Mymy ly kai teng y, “Amo awi, nang ly ati niu mo?” nanai deng. Kaimy, “Siju amto harei kaniu,” kanapi. Mymy py, “Kai i khumichi ly cheaungkai vui nai angpang kamta lawm vui nai patei ai nai, hini siju amto ai teaung nai ne. Nichi ai kapajeng y ai nai paleung amtlau bi y leang bo.

AMTENG HAI NAI 11:1

Naibaly kai teng y cheaungvawi kamta siju ang pei: naibaly ami my mo, “Angthau ly, Tameuh i achura yhm kalen pui hawi, maicham hawi huni theung y chiu naichi ai py pata.

AMTENG HAI NAI 21:15

Naibaly kai teng y leu thui nai keung ly avang pui hawi apai katheuchi hawi apai py pata ai nai, siju palawn ai nai muku cheaungvawi harei awm.