AMOS 7:3 - Khumi Common Language Bible

³ Areng ly paleung amtlau i, “Nang i niu naichi tym y leang mang,” napi.

AMOS 7:3 Iomraidhean Croise

ATITI AWM ANGCHEI NAI 6:7

Naibaly mymy ly “Kaimy i sa nai hini khumichi ai khaileaung tleaung i nai katamyh vui ai; tavochi hawi amso mawichi ai py tamyh ai; nichi ai sa nai deaungkho y kai pipi paleung hawi y,” nanai thui bo.

1 NENG SATANG 21:15

Mymy ly Jerusalem mary y taphra ai nai kani pri amtaw thau leaungrei ai pato iy, paleung amtlau vui i, “Hini ryrei my hawi bo, anawn jau, taphra bi moh jau!,” nanai kani pri amtaw thai ai leu pei bo. Kani pri amtaw thau ly Jebusi cheng Araunah i choh ati nai talang sahawi y angdo nai ne.

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 78:38

Na i py Tameuh ly mymy i khumichi ai pahen nai ne. Nichi i kamngochi pahen pi iy, nichi ai myh kang hai y leaung. Mymy i kado theu nai ly avawrei am-yh pi iy, nichi i tlang tleaung y kado theu y naimy awm pi nai ne.

SAM 90:13

Nang i kado theu nai ly mana tanrei kra na pa-rei, rym y naimy awm ai mo? Aw Areng, nang i miseaungchi ai pahen kyh ba!

THEU NAI 32:14

Naibaly Areng ly kado katheu rym i, mymy i khumichi ai pajeng y naimy lawi hai bo.

JEREMIA 26:19

Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

JEREMIA 42:10

‘Nangchi ly hini pri y awm jo ai nai ngai u lawh teu baly, kai ly nangchi ai taphra y naimy palum ai. Kai ly nangchi ai akyn y naimy pati ai. Nangchi i tlang tleaung y kang tym hai nai ka-jeirachi molam y, kai ly khri pa-rei paleung mawn parai.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

JOELA 2:14

Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

AMOS 7:6

Areng ly paleung amtlau i, “Hina nai py tym hai y leang,” ang napi.

JONA 3:10

Tameuh ly huni khumichi i sa nai saichi ai py, hawi y nai saichi khai su nai ai py, niu nai khala y paleung amtlau i, leu pei nai kamta nichi ai pajeng y nai ne.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

JAKOB 5:16

Hunaibaly no hawi ang sa pi thai ai nai nangchi i kamngo ly mang mang ahui u ly, mang mang py chiu aso u. Khumi kahawi i chiu sa nai ly khrikhri pa-rei atiti sa thai.