AMOS 7:1 - Khumi Common Language Bible

¹ Sa thai naira angym nai Areng teng i paleung mei y kaniu nai ne. Samrang i vui choh keungchi hlau chum nai bo i, acha keungchi sai ali teang nai neng khala y, Areng my akhutama kanghu ai sa nai ne.

AMOS 7:1 Iomraidhean Croise

ISAIA 33:4

Nichi i yhmtheaung katuichi ai py, tavai atiura i abawi nai vawnsaichi kamta palawn iy, lawm pi pawn nai avum u ai.

JEREMIA 24:1

Areng ly Achura yhm mo y panui nai thaidu athai teaung nyhrei kai ai patei nai ne. (Huni neng ly Babulon samrang Nebukhadnezar ly Jehojakim i chapo Juda samrang Jehojakhin ai Juda miteaung kehchi, Kupe kakawpchi, kalopra y kawp keh nai khumichi hawi vanrei, Jerusalem mary i dengdairei Babulon pri y langheng hawi nai bo i neng ne.)

Ezekiela 11:25

Kai ly kai teng y Areng my thui pi nai leaungsai ngiereichi ai pri palara avum nai khumichi teng y thui pi pateang nai ne.

JOELA 1:4

Akhu-tamachi ly kanghu harei bo y harei, amti amjangchi tleaung y satla. Akhu-tama kanghu harei cha nai bo y, cha kamthum ai ly takhra kanghu hareichi my cha bo.

JOELA 2:25

Nangchi i amti amjangchi ai akhutama kanghuchi my cha krai nai sanengchi khala, nangchi i phra nai ai, kaimy kang heung pi teang ai. Nangchi teng y huni akhutama kanghuchi ai, pato nai keung ly kai ne.

AMOS 4:9

“Kai ly ali kabi aho hai iy nangchi i amti amjangchi jei hai rawm bo. Nangchi i thaidu keung, olive keung, kreip akho hawi li hlauchi ly akhutamachi my taphra nai avum bo. Na i py nangchi ly kai teng y jeu y naimy awm u nai ne.

AMOS 7:4

Kai ly sa thai naira angym nai Areng teng i paleung mei hawi kaniu bi bo. Huni paleung mei niu naira y mymy ly mymy i khumichi ai mai hawi pajeng ai nai angveirym nai kaniu. Huni mai ly khaileaung anui suida pangli verei mai kang chum baly, khaileaung salo y py mai kang amteaung bo.

AMOS 7:7

Kai ly Areng teng i takhra amteng hai nai kaniu. Huni amteng hai naira y siju amto hawi pata i, sa nai lengseaung angpang sahawi y siju amto harei syn iy angdo nai mymy ai kaniu.

AMOS 8:1

Kai ly sa thai naira angym nai Areng teng i dengdairei, paleung mei y kaniu bi bo. Huni ly thengthai kangmynchi khai nai takhu ne.

ZEKHARIAH 1:20

Naibaly Areng ly kai ai, sakichi syn iy kalop sa nai khumi leaung palyhreichi ai patei.

MALAKHI 3:11

Kai ly mipochi ai nangchi i amti amjangchi taphra ai nai pei ai ny y; nangchi i kreip keungchi py athaichi pasu hai ai.