AMOS 5:8 - Khumi Common Language Bible

⁸ Areng ly ka-si taukichi ai sa. Mymy ly ka-si niprawn hawi eupui eulo ka-jeaung ka-si ai py sa nai ne. Mymy ly kaveng ai kangvang lawm hai iy, kanithun ai py vum lawm hai bo. Mymy ly pangli tui bawibawichi ai palau iy, khaileaung salo y leih nai ne. Mymy i amyn ly Areng ne.

AMOS 5:8 Iomraidhean Croise

JOBA 12:22

Mymy ly vengpang nanai meingtymchi ai angvang hai.

JOBA 37:13

Tameuh ly khaileaung salo y tui nga ai nai kani nai hai bo; mymy ly khumichi ai kamngo pajeng ai nai py ne sy, hawi hai ai nai py ne sy, kani nai hai nai ne.

JOBA 38:34

Nang ly aeu naimy khupanymchi ai leu pei iy, khri pa-rei kani nai hai pajau a?

JOBA 9:9

Ka-si deung, eupui eulo ka-jeaung, ka-si niprawn hawi tokalawi mang y awm nai ka-si bawibawichi ai, Tameuh ly kani khusangra bang hau nai ne.

SAM 104:20

Nang ly vum sa pi nai deaungkho y, veng nai thym khala daichi amso mawichi ly theu u bo.

SAM 105:28

Tameuh my pri verei y khuveng theu hai bo; na i py Aikupta khumichi ly mymy i leu pei nai tangai u y.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 59:10

Achi ly mei kamjuchi kamta, pathang meimang iy tako u nai ne. Achi ly kanithun tang y malawn py vum y kamta, pathuikhe iy avah u bo. No-na by y nai khumichi i sala y kaichi ly veng pam nai tavau pri y tym nai kamta ne.

JEREMIA 16:21

Areng my, “Huna nai tym lawh baly kai ly kaimy i phum-ang nang parai nai ai, nichi teng y kapei ai, pany hai bebe ai. Kai ly Areng ne, nanai nichi pany u ai,” napi.

JEREMIA 33:2

Khaileaung ai sa iy meingtym karira y khai nai keung Areng ly kai teng y leu ang pei. Areng my,

AMOS 4:13

Mawichi ai sa iy ali aho hai nai keung ly Tameuh ne. Mymy ly my i dawn naichi ai khumichi teng y pany hai bo; mymy ly kanithun ai vum mang y angpeang hai bo. Mymy ly kani khaileaung i asang keh nai mang aleaung nai ne. Mymy i nang parai nai amyn ly ati cheaungkhang sa thai nai Areng Tameuh ne.

AMOS 8:9

Kai ly huni kani y kanithun teng nai khala kani dym hai ai i, kanithun nai khala my khaileaung pri verei, kaveng my khiu hai ai, nanai kai sa thai naira angym nai Areng my leu pei bo.

AMOS 9:6

Areng ly kani mang y mymy i yhm sa nai ne. Khaileaung salo y alumkum nai kani khusang ai khai bo. Pangli tuichi ai palau iy khaileaung salo y leih bo. Mymy i amyn ly Areng ne!

MATTHAI 4:16

kaveng y ateh naichi ly khri pa-rei kangvang niu u i, Deira meingtym hawi ka-khui y ateh naichi i tlang tleaung y kangvang theu bo,” nanai thui nai ly tym thai ai nai sa nai ne.

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.