AMOS 4:7 - Khumi Common Language Bible

⁷ Nangchi i amti amjangchi i vui kanitui ngai keh nai neng khala y, kai ly kani khang hai vui bo. Mary hareira y naini kani nai hai iy, vai mary hareira y ly kani nai hai y nai keung ly kai ne. Li hareira y kani nai hai iy, vai li hareira y ly jengha nai ne.

AMOS 4:7 Iomraidhean Croise

THEU NAI 10:22

Mosi ly kani mang y kiu pheu i, Aikupta pri y kani thomrei veng cheng bo.

THEU NAI 10:23

Aikupta khumichi ly leaung leaungrei aniu y nai deaungkho y, kani thomrei sala ly mymychi yhm i nai asyh-aryh thai y na pa-rei my awm. Na i py Israela chengchi i awm nai mang y ly khuveng theu hai y leang.

THEU NAI 8:22

Na i py kai i khumichi awm nai Kosen meingtym y ly takhawi vui i, hunira y pathauchi awm ai ny y. Huna nai kasa khala naini, kai Areng ly hini pri y awm, nanai nang pany ai.

THEU NAI 9:26

Na i py Israela chengchi i awm nai Kosen meingtym y ly ji mang tlo y leang.

THEU NAI 9:4

Na i py kai i khumi Israela chengchi i tawnbawichi hawi Aikupta chengchi i tawnbawichi ai patleh takhra iy, Israela chengchi i tawnbawichi ly ha py dei y ai.

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 14:3

Khumi kanangchi ly mychi i miseaungchi ai pato iy, tui deu hai nai khala y, nichi ly tuikan y tym u i py tui avum y. Nichi ly tui kacheang ka-keu naimy ali u bo. Nichi ly paleung phra athosi naimy dawn tamang tyh na i, lu amym u nai ne.

JEREMIA 14:4

Ati mana nai mo nabaly kani heng nai deaungkho y, khaileaung ly jengha bo. Li hlau sa naichi ly paleung hawi y nai y, lu amym u bo.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.

ZEKHARIAH 14:17

Mani mo khumi cheng ly ati cheaungkhang sa thai nai Areng i peang nai anui y awm ai nai hawi, mymy ai chiu ai nai akhi u, huni khumi chengchi i pri ly kani khang ai.

JOHAN 4:35

Nangchi ly, ‘Choh tyn ai nai ly lo palyhrei awm rai,’ na u mo kana? Khen u cham, kang thui pi, angdeang u ly, hlau y khen u cham, vai py tyn ai nai aau jawn bo.

I KORINTH 4:7

Nang ai ly ami my tahm ang khai katlen mo? Nang ly jawm nga nai ny y baly nang ly ati awm mo? Naibaly nang ly jawm my nga baly ati mana nai jawm my nga nai ny y nai kamta am-e lawh mo?

Leu Thui Nai 11:17

Nangchi ly tameuh takhra ai chiu u lawh baly, Areng my kado ang theu hai ai. Mymy ly kani khang hai ai i, li hlauchi jengha iy amti amjangchi prau thai ai ny y. Huna nai khala Areng my pei nai pri ly paitiu khuta hawi teu i py, nangchi ly kra y naimy dei u ai.

JAKOB 5:17

Elija ly achi ka-tawm khumi teang teu, mymy ly kani nai y ai nai hawihai palai chiu sa pathyp i, saneng saneng thomrei, lo lo tariurei khaileaung y kani nai y bo.

AMTENG HAI NAI 11:6

Naibaly nini leu thui hawi nai sala ryrei ly kani nai y ai nai kani khang hai thai nai sa thai naira awm hawi: naibaly nini i ngai nai neng tleirei y tui ai thi palawn ai nai hawi, khaileaung pri y ly patang hai naira cheaungkhang tym hai ai nai py sa thai naira awm hawi mei.