AMOS 4:12 - Khumi Common Language Bible

¹² “Hunai deaungkho y, aw Israela khumichi awi, kai ly nangchi ai kang pajeng ai nai tla ai. Hunai kamta pajeng ai nai deaungkho y, kai i tara chih naira avum ai nai angvei u rym!” napi.

AMOS 4:12 Iomraidhean Croise

ISAIA 32:11

Nangchi ly paleung kabi paleung ka-mawn by y iy, paleung savairu naimy awm u bo. Na i py vai ly jei hyn naimy awm u! Nangchi i ateaungchi aleng iy akeng y kanih kamawnchi apam u.

ISAIA 47:3

Nang ly tahm panem naira avum ai i, kangji nga iy tlang ka-keu awm nai ly khumichi my niu u ai. Kai ly nang ai vawitheung tha ai. Kai ai ami my py paka pajau ai ny y,” napi.

ISAIA 64:2

Nichi ly mai salo y kado thlauthlo nai tui kamta, kaso theu u ai. Jeu ly paleung ka-echi teng y nang i sa thai naira patei pi ba. Khumi cheng cheaungkhangchi ai, nang i mo y kaso theu hai ba!

JEREMIA 5:22

Kai ly Areng ne. Nangchi ly ati mana nai y kai ai jei u y nai mo? Kai i mo y ati mana nai y kaso theu u y mo? Kai ly pangli i vui khujyh, pangli tui sadawn pajau y ai nai khujyh kakhaw ly speungchi hawi jyh pi nai ne. Pangli ly tui sampyh len teu i py, huni khujyh ai ly sadawn pajau y. Tui sampyhchi ly amsau na teu i py, huni khujyh katlen pajau y nai ne.

Ezekiela 13:5

Huni amochi ly mary apaichi anawi nai kry y; mary apaichi py pathyp u teang y. Hunai deaungkho y Areng i kani y tavai atiu u nai khala, Israela pri ai ama hai pajau ai ny y.

Ezekiela 22:30

Kai ly kaimy i khumichi awm nai pri y kado theu nai hawimy taphra ai nai tau nai khala, huni pri y lengseaung apai tapang pajau nai keung hawi, mary apai sa naira y angdo iy amtang pajau nai keung ai kahau cham bo. Na i py leaungrei ai py avum y.

HOSEA 13:8

Cho tama nai tavym kamta, nangchi ai kang be puipa ai. Khrangsi kamta avum nai meingtym y kei iy, daichi mawi kasi kamta theng piupa ai.

AMOS 2:14

Khri pa-rei angpreng rang parai nai khumichi malawn py tleaung ai ny y. Atho ham nai khumichi py atho bai ai i, tavaimi risachi py mychi i tlang atleu u pajau ai ny y.

MATTHAI 24:44

Hunai deaungkho y nangchi py aeng ryhryh naimy awm u, nangchi i dawn y nai neng khala y ly Khumi i Chapo ly ang jeu ai.

MATTHAI 5:25

Nang ly nang ai seu nai keung hawi lam y tako hawi nai thym khala y ly aly hai praw, ti y baly seu nai keung ly nang ai tara chih nai keung teng y ang tym hai iy, tara chih nai keung ly pajeng nai keung teng y ang au ai i, theaung y ang peaung lawh na.

AMTENG HAI NAI 3:3

Nang i nga chum nai hawi thai chum nai py adawn vau ly; huni ai ly patawm jojo iy uikhei ly. Naibaly nang ly atyp y baly kai ly khumi kangviu kamta kang jeu ai, naibaly kai i kang tym ai nai neng nang pany ai ny y.