AMOS 4:10 - Khumi Common Language Bible

¹⁰ “Kaimy Aikupta pri y tym hai nai kamtang ly nangchi teng y py tym hai bo. Nangchi i thawndeang deaungdichi ai, tavai keung y kaimy padei nai ne. Nangchi i keaungngochi py la pi veng. Nangchi i tavai taichira y, nangmychi mang i khumi tlaiveu kamui ly nangmychi teng y amseaung hai bo. Na i py nangchi ly kai teng y jeu y naimy awm u nai ne.

AMOS 4:10 Iomraidhean Croise

2 ARENG KEH 10:32

Huni neng khala Areng ly Israelachi i khu ka-peang jum hai bo. Suria samrang Hazaela ly

2 ARENG KEH 13:3

Hunai deaungkho y Areng ly Israela chengchi ai kado theu hai i, Suria samrang Hazaela hawi ni i chapo Benhada deung y, Israela chengchi ai avawrei tavai sum hai bo.

2 ARENG KEH 13:7

Suria samrang i khaileaung spryh kamta taphra naira avum nai deaungkho y, Jehoaha teng y keaungngo risa leaung vuipangrei, tavai ka-ri horei hawi tavaimi leaung 10,000 rei naini awm khyh bo.

2 ARENG KEH 8:12

Hazaela my, “Areng awi, ati mana nai y vo nai mo?” napi. Elisa my, “Nang ly Israela chengchi i tlang tleaung y hawi y parai nai ka-jeira tym hai ai, nanai kai ly pany nai ne. Nang ly nichi i lengseaung yhmchi ai mai leng iy, hawi parai nai thawndeang deaungdichi ai tleh ai; deaungdichychi ai athyh teng iy padei ai. Neampachy jeubomchi ai py kajeu seikra iy padei ai,” napi nai pathang.

THEU NAI 10:27

Areng ly samrang ai paleung tang hai cheng nai deaungkho y, Israela chengchi ai chei ai nai pei y bi nai ne.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

THEU NAI 14:4

Kaimy samrang i paleung tang hai cheng nai deaungkho y, ni ly nangchi ai ang hui ai; naibaly samrang ly kai i eaung naira niu ai i, ni i tavaimichi py kai i nang parai nai saichi niu u ai. Huna nai khala Aikupta chengchi py, kai ly Areng ne, nanai pany u ai,” napi. Israela chengchi ly Areng my leu pei nai kamta sa u bo.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

THEU NAI 8:19

Huna nai khala atam kakawpchi my samrang teng y, “Hini ly Tameuh my sa nai ne!” napi. Na i py samrang ly paleung tang cheng jojo i, Areng my thui nai kamta, Mosi nini Aron i leu tangai pi y nai ne.

THEU NAI 9:12

Na i py Areng ly samrang i paleung tang hai taleang bi i, Areng my Mosi teng y leu pei yb nai kamta, Israela chengchi ai chei ai nai pei y bi nai ne.

THEU NAI 9:17

Na i py nang ly tahm apasang veangveang i, kai i khumichi ai chei ai nai pei y lawh.

ISAIA 34:3

Nichi i veu ly up y naimy khaileaung y veaung tlawn iy, muieung ai. Mawichi py thichi hawi pasen jawn na ai.

ISAIA 50:11

Khumi takhrachi ai tamyh pawn ai nai dawn paviu nai khumi bawibawichi awi, nangchi ly nangmychi i dawn paviu nai hawimy, myh kang u ai. Areng mymy kypkyp my, hini atitichi tym hai ai. Nichi ly ngari kamtang avum u ai.

ISAIA 9:12

Nisi mang i Suria pri hawi nidym mang i Philistia prichi ly Israela pri tamyh vui ai nai angvei u rym bo. Huna nai y Areng i kado theu nai ly rym y. Nichi ai parip ai nai mymy i kiu pheu nai ly awm jo rai nai ne.

ISAIA 9:13

Israela chengchi ly uikheih u y. Ati cheaungkhang sa thai nai Areng ly mymychi ai pajeng teu i py nichi ly mymy teang y ali u teang y.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 11:22

Hunai deaungkho y ati cheaungkhang sa thai keung Areng my, “Kai ly nangchi i tlang tleaung y kang pajeng ai! Nichi i thawndeang ka-cheangchi ly tavai keung y dei u ai.

JEREMIA 15:3

Nichi i tlang tleaung y ka-jeira hawi parai nai sai palyhrei katym hai ai nai, kai Areng my leu pacheang yb nai bo. Nichi ly tavai keung y dei u ai. Nichi i veuchi ai uichi my tawn ai. Huni kadei veuchi ai tavochi my patiu ai. Huni bo i nai ly mawi kasichi my cha ai.

JEREMIA 16:4

Nichi ly jei ai hawi nai kanghawi avum iy dei u ai. Ami py nichi i vui vo tangam u ai ny y. Nichi i veuchi py up ai ny y. Huni veuchi ly khaileaung salo y si ei pakheng mang nai kamta awm ai. Nichi ly tavai keung y dei u ai; ti y i py tahum takangra y dei u iy nichi i veuchi ly tavochi hawi daichi mawi kasichi i teicha lawm ai.

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

JEREMIA 48:15

Moba pri hawi marychi ly phra iy nichi i vui vawi patyp nai thawndeang deaungdichi ly tleh naira avum u ai. Kai ly ati cheaungkhang sa thai nai keung, napi nai samrang ne. Huni ly kai i thui nai leu ne.

JEREMIA 49:26

Hunaibaly huni neng kani tym nai khala y deaungdi ka-cheangchi hawi tavaimi risa bawibawichi ly mary lamchira y tleh nai avum u ai.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 6:11

Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

JEREMIA 9:22

Khumi tlaiveuchi ly li prangra i sieichi pakheng achu mang nai kamta py choh tyn nai khumichi my aphi su nai choh kawmchi, ami my py pakym achu y nai choh kawmchi kamta py, ajangtang naimy awm ai. Hini ly kaimy thui pi ai nai Areng my pei nai leu ne,” napi.

HOSEA 11:5

“Nichi ly kai teng y vawi u ali teang y nai deaungkho y, Aikupta pri mang y vawi u ai nai tla ai. Asuria samrang ly nichi ai peang ai.

JOELA 2:20

Kai ly tosyh ngan mang jeu nai akhutama kanghuchi tama hai vui ai. Akhu-tama phyreichi ai khutaha meingtym mang y paryh vui ai. Nichi i mo kamtheungchi ai, pangli kadei theung mang y, nithun mang amtleng naichi ai ly mrethe pangli theung mang y tla hai ai. Nichi i nganchi ly veaung iy mui ai. Nangchi tlang tleaung y nichi my sa nai molam y, kai ly nichi ai tamyh ai.

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

Levi 26:25

Nangchi ly kai i Leu Maikawm taphra nai molam y, nangchi teng y tavai takai tym hai ai. Huna nai khala nangchi ly marychi mang preang iy abyh u baly, kai ly nangchi teng y asi sa iy hawi thai y nai no-nachi kang tym hai ai i, nangchi ly paleung ka-echi teng y tym u ai.

AMOS 4:6

“Kai ly nangchi i mary tleirei y takang theu hai i py, nangchi ly kai teng y jeu u teang y.

AMOS 8:3

Huni kani y samrang yhm i khulym thui nai raawichi ly vo nai raawichi mang y lawm vui ai. Meingtym tleirei y kadei veuchi awm ai i, huni veuchi ai kangviu y aphi u ai,” nanai leu pei bo.

HAKAI 2:17

Kai ly nangchi atho sa iy pati nai amti amjang ngiereichi ai ali kabi hawi py, kaleung my cha iy jeirawm hai nai py, ji amai hawi py taphra bo. Na i py nangchi uikheih u y.

Leu Thui Nai 28:21

Nangchi teng y no kanghawi harei bo y harei tym nai deaungkho y, nangchi peang ai nai pri y leaungrei py heng nai awm ai ny y.

Leu Thui Nai 28:22

Areng ly nangchi teng y bau iy keaungno nai chym thai nai no-nachi tym hai ai. Kani khang nai, ali kabi aho nai pajengrachi deaungkho y, nangchi i amti amjangchi py phra ai. Nangchi myh kang ai nai pa-rei hini kamtangchi avum hai ai.

Leu Thui Nai 28:60

Mymy ly Aikupta pri y nangchi avum reng nai ka-jei awm nai no-nachi ai nangchi teng y ang tym hai bi ai nai deaungkho y, nangchi ly amcheng u pajau ai ny y.

Leu Thui Nai 7:15

Areng ly nangchi ai noso cheaungkhang i nai alaw hai ai; Aikupta pri y nangchi niu nai no kanghawi avum ai ny y. Na i py nangchi i paleung ka-e ngiereichi ly no kanghawi man u ai.