AMOS 4:1 - Khumi Common Language Bible

¹ Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 4:1 Iomraidhean Croise

1 ARENG KEH 16:24

Samari mawi ai Shemer napi nai khumi teng i tangkacho sang tariurei hawi van. Omari ly huni mawi y lengseaung apai tapang nai mary kakhaw sa i, huni mawi ai peang nai keung Shemer i amyn la iy Samari mary, nanai amyn pathi nai ne.

JOBA 20:19

Ni ly khumi kamawnchi ai ana iy tahm khai y naimy, ami i sa yb nai yhm hlauchi lawm vui nai deaungkho y, my i yhmtheaung katui amtym ai ny y.

JOBA 24:4

Nichi ly khumi kamawnchi i nga sang naichi paka pi vui iy, khumi kamawnchi ai kamjau kamteang paryh iy, aheu hai bo.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 140:12

Aw Areng, nang ly khumi kamawnchi i hawi naira hawi, kamawn katichi i vui nga sang naichi ai ama hai, nanai kai ly pany bo.

SAM 22:12

Kai i paleung ka-echi ly Bashan meingtym i ka-jei awm parai nai si kataichi kamta, kai ai ang taki na bo.

LEU KACHENG 22:7

Khumi kamawnchi ly khumi kanangchi i, miseaungchi lawm u bo. Tangka alai nai khumi ly paseng nai keung i miseaung lawm nai ne.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

ISAIA 5:8

Nichi ly taham si! Mymychi teng y awm yb nai yhmchi, li hlauchi vuikanai nawi pa-rei sa naichi awi, kra y naimy khumi takhrachi i vui awm naira meingtym awm ai ny y. Nangmychi tlairei, hini pri theung y awm u ai nai tla ai.

ISAIA 56:12

Hini nei cha ala naichi my, ‘Jeu u, achi ly kreip hang la iy nei u tleaungleaung sina. Khawndam ly vaini tleaung y hawi keh ai,’ nanai pavui tapai naichi ly thui u nai ne.

ISAIA 58:6

“Kai i kawn nai biu hai nai ly pahyp y naimy ana nai ka-dawnchi khai su nai, peang nai sai teng y nai ai khai su nai, ana naira avum naichi ai atleu nai,

JEREMIA 50:11

Areng my leu pei nai ly “Babulon mary i khumichi awi, nangchi ly kai i pri ai lawm u bo. Nangchi ly choh ati nai si nu kamta py, hang nai keaungngo kamta py, amo theu naimy aki aleaung u teu i py,

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

JEREMIA 51:34

Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

JEREMIA 6:6

Ati cheaungkhang sa thai nai keung Areng ly hini samrangchi teng y, Jerusalem mary ai katanmeuh pajau ai nai dengkeaungchi paliu iy, abyhra angawmchi sa ai nai leu pei bo. Mymy ly “Hini mary ly pahyp y naimy ana nai kawi nanai deaungkho y, kai ly hini mary ai kapajeng ai.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

Ezekiela 18:12

Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

Ezekiela 22:27

Achora miteaung kehchi ly amso mawichi ai kei piupa nai kasuichi hawi atawm. Nichi ly mymychi nang chawn ai nai molam y khumi ai padei u nai ne.

Ezekiela 22:29

Huni meingtym y awm nai khumichi ly kamjau kamteang sa iy lawm u. Nichi ly khumi kamawnchi ai ana iy, cheng takhrachi ai kamjau kamteang ana u nai ne.

Ezekiela 22:7

Nang teng y awm nai mary theung i amimi py, amhm ampo ai tahm khai nai by y. Nang teng y awm nai cheng takhra khumichi ai nang ly li-tapawp iy, neampachy lumaichi hawi nurochochi ai ana bo.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

Ezekiela 39:18

Huni pawi ly len parai nai cha nei pawi ne i, nichi ly tavaimi risachi i ngan cha iy pri peang nai samrang i thi nei u ai. Huni tavaimi risachi hawi pri peang nai samrangchi ly Bashan pri i veung hawi nai tawnbawichi napi nai beram katai, beramcho, mi-ichi, sichi kamta dei u ai.

JOELA 3:3

Nichi ly langheng y hawi naichi ai ami teng y au ai mo, nanai tambe va u bo. Bimachi ai vang pei ai nai hawi, kreip hang vang pei ai nai molam y deaungdi neampacho, neampachychi ai miseaung y jo u nai ne.

AMOS 3:1

Aw Israela khumichi awi, nangchi cheng vuijeungrei ai Aikupta pri i dengdairei ang pahawi nai Areng my, nangchi i molam y leu ang pei nai tangai cham.

AMOS 3:3

Khumi leaung nyhrei ly adeu yb y naimy, khuleaung vanrei chei hawi thai na a?

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

AMOS 6:1

Zion mary y tlamsa tlamja naimy awm u nai khumichi awi, Samari mawi salo y chymme naimy awm u nai khumichi awi, mipuichi my ahui amang nai khumichi awi, khumi chengchi theung y tahm asang nai Israela chengchi awi, nangchi i vui ka-jei awm nai neng kani lawm ai!

AMOS 6:6

Kreip hang khau verei nei iy, hawi keh nai mui katui amthym u bo. Na i py Israela pri phra nai ai ly paleung si y naimy awm u lawh ly!

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

Kati Nai 21:33

Naibaly Israela chengchi ly Basan pri mang y amsa u; huna nai khala Basan samrang Oka ly tavai amsa iy Israela chengchi ai Edrei meingtym y tavai tiu u bo.

Leu Thui Nai 24:14

“Nangchi i mary theung y awm nai khumi kamawn Israela cheng tham nai khumi ai py, cheng takhra tham nai khumi ai py, li-tapawp moh.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.