AMOS 3:9 - Khumi Common Language Bible

⁹ Asadod hawi Aikupta pri samrang i yhmchi theung y awm nai khumi bawibawichi teng y hina nai thui. “Samari mary tengpang y awm nai mawi aheungchira y akachu u ly huni mary theung y sa nai kamngochi hawi khru-nganglang naichi ai khen u cham.”

AMOS 3:9 Iomraidhean Croise

2 SAMUELA 1:20

Huni satang ly kath mary theung y py, Asakelon mary lamchira y py, thui u moh. Philistia neampachychi amo theu ai nai ngo u moh sy; Tameuh by y nai khumichi i chaniuchi, amo theu ai nai ngo u moh sy.

LEU KACHENG 1:13

Achi ly vang kateng yhmtheaung katui amjy cheaungkhangchi nga u ai; achi i yhm theung y lawmra i nga nai vawnsaichi hawi kawi hai u sina!

LEU KACHENG 11:16

Pahen naira awm nai neampachy ai ly amichi my tahm khai reng. Na i py neampachy kamleaung ly kangji nga reng nai ne. Khumi napjangchi ly mana khala py, tangka ko ai ny y; na i py angjeng nai khumi ly nang ai.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

JEREMIA 31:5

Nangchi ly Samari mawichi saleung y kreip akhochi sa u teang ai i, huna nai sa nai khumichi ly huni akhochira i theu nai athaichi cha u ai.

JEREMIA 46:14

“Aikupta marychi napi nai Mikadol, Memphi hawi Tapaneh marychi teng y, ‘Nangchi ly nangmychi i vui amtang ai nai angvei u rym; nangchi teng y awm nai ngiereichi ly tavai keung y phra hai ai!

JEREMIA 50:2

“Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

Ezekiela 36:8

Na i py Israela mawichira y dengkeaung keungchi ly ngam sai angpho ali teang iy, kai i khumi nang Israela chengchi i vui, athaichi athai ai. Nangchi ly kra y nai sala y nangmychi i pri y vawi ai nai nga u ai.

Ezekiela 37:22

Kai ly nichi ai huni pri Israela mawichira y, pri harei lawm hai ai. Nichi ai peang ai nai samrang leaungrei awm ai. Khumi cheng nyhrei, pri nyhrei awm bi ai ny y.

HOSEA 7:1

“Kai i khumichi ai nang chawn hai teang iy, Israela khumichi i no-na tama hai ai ngai nai tleirei y, kai ly nichi i hawi y nai hawi kamngo sa nai ai naini kaniu nai ne. Nichi ly mychi tengtawi atapawp u leungtang nai ne. Yhmchi ateng vau iy yhmtheaung katuichi paviu u. Lam aki aleaung naichi teng i py lawm u bo.

AMOS 1:8

Asadod hawi Asakelon marychi peang nai khumichi ai katamyh vui ai. Kai ly Ekron mary ai py kapajeng ai. Awm asai rai nai Philistia khumi ngiereichi py, dei u be ai,” napi.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

AMOS 6:1

Zion mary y tlamsa tlamja naimy awm u nai khumichi awi, Samari mawi salo y chymme naimy awm u nai khumichi awi, mipuichi my ahui amang nai khumichi awi, khumi chengchi theung y tahm asang nai Israela chengchi awi, nangchi i vui ka-jei awm nai neng kani lawm ai!

AMOS 6:3

Hawi y nai neng kani ang tym ai bo, nanai nangchi ym u y; nangchi i sa nai sai ly huni neng kani tym hai ai nai kasa bo.

AMOS 8:6

Vang teng y nai choh pui chomaw ai vang palyn iy jo ai. Kalai kangngym pe pajau y nai khumi kamawn ai hau iy, miseaung palawn ai nai phainai bomrei vang by y nai hawi van ai,” nanai thui u bo.

MIKHA 6:10

Khumi hawi y naichi i yhmchira y, teng y nai kalop hawi nga nai vawnsaichi awm. Nichi ly teng y nai sie khyrychi teaung u bo. Huni teng y nai sie khyrychi ai kai ly niu ngai nai ne.

1 SAMUELA 5:1

Philistia chengchi ly Leu Maikawm Pawm nga vui chum baly, Ebenezar mary i dengdairei mychi i awm nai Asadod mary mang y kajeaung u i,