AMOS 3:2 - Khumi Common Language Bible

² “Khaileaung pri verei y awm nai khumi cheng bawibawichi theung y, nangchi cheng harei ai naini kang pany iy, kang pahen nai ne. Hunaibaly nangchi i kamngo sa nai ngierei molam y, kai ly nangchi ai kang pajeng ai nai tla ai,” napi.

AMOS 3:2 Iomraidhean Croise

ATITI AWM ANGCHEI NAI 10:32

Khumi bawibawichi ly kangpreang takhra akyhkyh teu i py, Nova i kangpreangchi ne; tuibai tuitleng bo i khaileaung pri verei y awm nai khumi cheng cheaungkhangchi ly Nova chapochi i kangpreangchi ne.

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

SAM 147:19

Mymy ly mymy i leu ai mymy i khumichi teng y py, reita leaungsai hawi reita leu pei naichi ai Israela teng y py, pei pi nai ne.

THEU NAI 32:34

Vai chei iy nang teng y kang thui pi nai meingtym y tym pa-rei nichi ai pahawi; kai i angel my nang ai lam patei ai; na i py hini khumichi i kamngolai kapajeng ai nai neng tym ai mang,” napi.

ISAIA 63:19

Nang ly kaichi i samrang ny y vui lawh nai kamta py, kaichi ly nang i khumichi ny y vui lawh nai kamta py, nang ly kaichi ai sa lawh bo.

JEREMIA 1:15

Kai ly tosyh mang i khumi cheng cheaungkhangchi ai kapalau bo,” nanai Areng my leu pei nai ne. Nichi i samrangchi ly jeu iy, mychi i samrang atehra ai Jerusalem mary ka-ki hawi, mary apai katheu pa-khochi sahawi y py, Juda marychi tengpang sahawi y py, khai u ai.

JEREMIA 10:25

Nang ai kado theu hai iy, nang ai chiu y nai chengchi tlang tleaung y nang i kado theu naira leih pi kyh ba. Nichi ly nang i khumichi ai tleh u bo. kaichi ai py tamyh pawn iy, kaichi i pri ai py phra seaungkhrang hai bo.

JEREMIA 11:22

Hunai deaungkho y ati cheaungkhang sa thai keung Areng my, “Kai ly nangchi i tlang tleaung y kang pajeng ai! Nichi i thawndeang ka-cheangchi ly tavai keung y dei u ai.

JEREMIA 13:21

Nangmychi i ahawi ka-dawichi ne, nanai khumichi my ly nangchi ai tiu iy ang peang ai nai Areng my ka-vo sa lawh baly, nangchi ati mana thui u ai mo? Nangchi ly deaungdi tapen nai neampachy kamta, no patang u ai.

JEREMIA 14:10

Areng ly nichi i molam y, “Nichi ly kai teng i nai preang ai nai ngai u; mychi i kheu kan pakym ai nai ngai u y. Hunai deaungkho y kai ly nichi ai kawn y. Nichi i sa tamang naichi kapany pi jo iy, nichi ai kapajeng ai,” napi.

JEREMIA 9:25

Areng my, “Aikupta khumichi, Juda khumichi, Edom khumichi, Ammon khumichi, Moba khumichi hawi tui by y nai daichi ka-vymra y awm nai sam kadawi khai nai khumichiai, kaimy pajeng ai nai neng kani tym ai. Huni khumi bawibawichi ly Leu Maikawm Pawm ka-ma-ra lawm nai lengkhym takip teu i py, kai i Leu Maikawm ai patawm u y. Huni khumi bawibawichi hawi Israela mipuichi ly kai i Leu Maikawm patawm u y,” napi.

Ezekiela 5:9

Ati mana nai mo na baly kai i paso nai mynchi molam y, nang ai kai ly jangni y kang pei vai y nai, vai mo mang py kang pei ali vai y ai nai pajeng naira kang pei ai.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

DANIELA 9:12

Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

HOSEA 2:13

Ni ly kai ai tami vui iy bala tameuh teng y rimuichi patawi naimy, muku, tangka ateaungchi amthyp iy, tavawichi nithun abang nai molam y, kai ly ni ai pajeng ai. Hini ly Areng my thui nai leu ne.

HOSEA 5:3

Kai ly Israela chengchi i satang pany nai deaungkho y, nichi i hawi y sa nai taphum ai nai ngo y. Nichi ly kai i tlang tleaung y ka-ym by y nai deaungkho y, kai hawi ataing y leang bo,” napi.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HOSEA 9:9

Nichi ly Kibeahmary y awm nai kamta, khri pa-rei sa tamang u nai ne. Tameuh ly nichi i kamngo pany pi jo iy, huni molam pajeng ai.

AMOS 2:4

Areng my, “Juda pri khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kai i leu pei naichi niu ngai y iy, kai i pei nai reita leuchi patawm u y. Mychi i amsi pajochi ahihawi iy, chiu nai teng y nai tameuhchi mang y mychi naimy abang i, lam tamang u bo.

AMOS 3:3

Khumi leaung nyhrei ly adeu yb y naimy, khuleaung vanrei chei hawi thai na a?

AMOS 6:1

Zion mary y tlamsa tlamja naimy awm u nai khumichi awi, Samari mawi salo y chymme naimy awm u nai khumichi awi, mipuichi my ahui amang nai khumichi awi, khumi chengchi theung y tahm asang nai Israela chengchi awi, nangchi i vui ka-jei awm nai neng kani lawm ai!

MIKHA 2:3

Hunai deaungkho y Areng my, “Nangchi patang naira avum ai nai kaimy sa ai. Huni patangra i nai nangchi law tleaung pajau ai ny y. Nangchi ly patang naira avum u ai. Huna nai khala nangchi ly amlyh am-e u pajau ai ny y.

NAHUM 3:4

Ninevi mary napi nai bimanu ly pajeng naira avum bo. Ni ly khumichi i paleung tlawn na pa-rei, mo-cha hawi nai deaungkho y, khumi neangneangchi i paleung ai parawi i, amtlau hai bo.

AMTAW 17:26

khaileaung salo verei y awm ai nai thi vanrei y my khumi cheaungkhang ai sa iy, mymychi i vui neng hawi awm naira jyh py khai pi;

ROM AVANGCHI TENG Y PAWLA I CHA PA NAI 2:9

patang naira hawi khri pa-rei paleung mawn naira py tym ai, ami py atiti kamngo sa nai ngierei i tlang tleaung y tym ai i, Judachi teng y tym manme ai, naibaly Krikchi teng y py tym teang ai;

I KORINTH 8:3

na i py ami py Tameuh ai tamen baly mymy kypkyp ai ly ang pany.

Leu Thui Nai 10:15

Na i py Areng i tamen naira ly nangchi i amsi pajochi tlang tleaung y khri pa-rei len nai deaungkho y, khumi neangneangchi theung i nai nangchi ai vawi takhra nai ne i, nangchi ly vaini khrairei mymy i khumichi ne.

Leu Thui Nai 26:18

Areng ly adeu nai kamta, nangchi ai mymy i khumi ne, nanai vaini pany pi bo. Nangchi ly reita leu pei nai ngiereichi tangai ai nai leu pei nai ne.

Leu Thui Nai 32:9

Na i py Jakob i kangpreangchi ai, mymy i vui y vawi takhra bo.

Leu Thui Nai 4:32

“Tameuh ly khaileaung salo y khumi ai sa nai neng khala i ka-so, nangchi ai tapen y rai nai neng sala, hini khaileaung pri verei y hinatan pa-rei lyh ai awm naichi tym vai a? Khaileaung pri verei y hau cham rai. Hina nai kamta atiti satangchi ami thai vai mo?

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?