AMOS 2:7 - Khumi Common Language Bible

⁷ Nichi ly atho di nai khumi hawi jeaungmang nai khumichi ai chiu iy, khumi kamawnchi ai nui u pawn nai ne. Ampo hawi chapo ly miseaung neampachy leaungrei hawi i ahawi mei naimy, kai i amyn kachai ai tahm anem hai bo.

AMOS 2:7 Iomraidhean Croise

2 SAMUELA 12:14

Na i py nang i huni kamngo sa tamang nai ly Areng ai khri pa-rei mei aniu y naira tym hai lawh nai deaungkho y, nang i deaungdi ly dei ai,” nanai pany hai chum baly,

1 ARENG KEH 21:4

Ahab ly Naboth i leu molam y paleung ka-dawn hawi y; kado theu naimy yhm mang y vawi bo. Ni ly angpang mang y engleng i, ira tleaung y aseaung iy biu py cho y bo.

LEU KACHENG 28:21

Meimai khen nai ly hawi y. Na i py phyrei tara chih nai keungchi ly un langseaung maidenreichy nga ai nai molam, tau hawi y nai sa u nai ne.

ISAIA 10:1

Nangchi ly taham si! Kai i khumichi ai ana ai nai, teng y nai reitachi sa u bo.

ISAIA 10:2

Hina nai kamta nangchi ly khumi kamawnchi ai mychi nga ai avo naichi ngo thai y ai nai, nangchi ly reita kateng tara chih ai nai so u y. Lumai cheaungtichi hawi nuro nukai chochi i vawnsaichi py la pi pawn nai ne.

ISAIA 3:14

Areng ly mymy i khumichi theung i miteaung cheng naichi hawi lu sa naichi ai tara chih ai. Nichi teng y mymy ly “Nangchi ly kreip akho baichi lawm u bo. Nangchi i yhmchi py khumi kamawnchi teng i lawm nai vawnsaichi hawimy kawi na bo.

ISAIA 3:15

Nichi teng y kai i khumichi ai ana ai nai, khumi kamawnchi tlang tleaung y neng ka-pe dyp ai nai py sa thai naira by y. Huni ly ati cheaungkhang sa thai nai keung kai, Areng my pei nai leu ne,” napi.

Ezekiela 22:11

Nang theung i phyrei khumichi ly ami i aju chanau ai taphra iy phyrei ly mymychi i lengngo ai py, ampo vanrei amhm takhra nai tuicho lengsangchi ai py parawi iy tamang u bo.

Ezekiela 36:20

Nichi i tym naira tleirei y khumichi my, ‘Hini khumichi ly Areng i khumichi ne; na i py mymy i pri i nai theu u ai nai tla,’ nanai thui u nai deaungkho y, kai i amyn kachai ly tahm by y na bo.

HOSEA 4:14

Na i py kai ly nichi ai kapajeng y ai. Ati mana nai mo na baly nangmychi naimy tameuh takhra ai chiu nai meingtym i bimanuchi hawi amkawm iy, tameuh takhra teng y vanrei, apathyp u nai deaungkho y ne. ‘Tau cheng naira by y nai khumi ly phra ai’ nanai thui achih nai kamta ne.

Levi 18:15

Nangmy i lengngo hawi py ta-pui ta-chi apho ngau y.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Levi 18:8

Ngampo i aju katheangchi hawi ta-pui ta-chi apha nai molam y, ngampo ai kangji pei moh, takhrachi hawi py pajang sa iy, ngampo ai tahm khai y nai so moh.

Levi 20:3

Ami mi py my i cho chanau ai Mole tameuh teng chiu ai nai pei nai molam y, kai i Tabynako ai chai hai y iy kai i amyn thui tamawn lawh baly, kai ly ni ai meimai hi pi vui iy kai i khumichi theung i nai nyn va vui ai.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

AMOS 5:12

Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

AMOS 8:4

Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

MIKHA 2:9

Nangchi ly kai i khumichi i neampachychi ai, mychi khrei nai yhm i dengdairei patheu u iy, mychi i cho chanauchi mo mang y hawi ai athang khai nai amtheaung nairachi phra hai bo.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

ROM AVANGCHI TENG Y PAWLA I CHA PA NAI 2:24

Tameuh i amyn ly nangchi deaungkho y Cheng Takhrachi theung y taphra nai bo he, nanai tajiu nai kamta.

I KORINTH 5:1

Naibaly angai nai ly, Cheng Takhrachi theung y py awm vai y nai, khumi leaungrei ly amhm to ai la nai, huni angai nai ly nangchi theung y awm, nanai leu amthang bo.