AMOS 2:4 - Khumi Common Language Bible

⁴ Areng my, “Juda pri khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kai i leu pei naichi niu ngai y iy, kai i pei nai reita leuchi patawm u y. Mychi i amsi pajochi ahihawi iy, chiu nai teng y nai tameuhchi mang y mychi naimy abang i, lam tamang u bo.

AMOS 2:4 Iomraidhean Croise

2 ARENG KEH 17:19

Na i py Juda khumichi malawn py, Areng Tameuh i reita leu pei naichi tangai u y; nichi ly Israela khumichi i sa nai reitachi naini amtiu u.

2 NENG SATANG 25:14

Amazia ly Edom chengchi ai tiu naira i vawi nai khala, huni khumichi i chiu nai mynchi syn. Samrang ly hunichi ai chiu nai, mui katuichi leng patlum nai ne.

2 NENG SATANG 30:7

Nangchi ly Areng Tameuh i leu atangai y nai amsi pajochi hawi, takhra Israela chengchi kamta so u moh. Nangchi pany u nai kamta mymy ly huni khumichi ai pajeng nai ne.

NEHEMIA 1:7

Kaichi ly nang i tlang tleaung y hawi y keh nai kamngo kasa u; nang i leu pei naichi katangai u y; nang i miseaung Mosi i dengdairei Reita leu pei naichi patawm u y bo.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 44:20

Ni i sa nai ly maidym cha nai kamta, ati sai py ny y. My i akhum nai ka-dawn ly mymy ai lam tamang hai. Hunai deaungkho y ni ai sabawm ai nai avo pajau y bo. Ni ly my i kiu y syn nai myn ly tameuh pipi ny y, nanai pany y.

JEREMIA 16:11

Naibaly nichi teng y Areng my, ‘Nangchi i amsi pajochi ly kai ai khai su iy tameuh takhrachi ai chiu u bo. Nichi ly kai ai khai su i, kai i leu py tangai u y bo.

JEREMIA 16:12

Na i py nangchi ly nangmychi i amsi pajochi tleaung y malawn py, khri pa-rei hawi y nairachi sa u nai ne. Nangchi bawibawi ly paleung tang, hawi y iy kai i leu tangai u y.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 6:19

Khaileaung i khumichi awi, tangai u! Hini khumichi ly kai i leu tangai y, kai i parip nai leu py khai u su bo. Hunai deaungkho y kai ly nichi nga ai ataing nai ka-jeira ly nichi i tlang tleaung y katym hai ai.

JEREMIA 8:2

Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.

JEREMIA 8:9

Nangchi i khumi kachengchi ly kangji nga u bo. Nichi ly paleung khrukhra naimy deaung y man u bo. Nichi ly kai i leu khai u su bo i, vai nichi ly ati cheng naira awm u jau mo?

JEREMIA 9:14

Nichi ly paleung tang iy mymychi i amsi pajochi my thui pi nai kamta, bala tameuh mynchi ai chiu u bo.

Ezekiela 13:22

“Nangchi ly kaimy paleung phra hai ai ngai y nai kai i khumichi ai leu ka-chawi teaung iy, paleung phra atho di hai bo. Nangchi ly khumi hawi y naichi ai, hawi y nairachi khai su y ai nai atho pei nai deaungkho y, nichi i hengra chau hai bo.

Ezekiela 20:13

Na i py nichi ly daichi ka-vym y my kai ai amtang u nai ne. Kai i leu pei nai tangai nai ngiereichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Hunai deaungkho y kai ly nichi ai daichi ka-vym y, kai i kado katheu pajeng naira avum hai iy tamyh pawn ai nai adawn vai nai ne.

Ezekiela 20:16

Huna nai vaineng ka-beu nai ly nichi ly mymychi i myn chiu ai nai ngai u keh i, kai i leu pei naichi khai su iy kai i Reita ai py taphra; Anawn kani ai py tahm khai u y nai deaungkho y ne.

Ezekiela 20:18

Daichi ka-vym theung i nai nichi i cho chanauchi teng y, ‘Nangchi i amsi pajochi i sa nai reitachi teaung u moh; nichi i reita tanynchi py patawm u moh. Nichi i mynchi ai chiu nai hawimy chai hai y nai so u moh.

Ezekiela 20:24

Huna nai kasa nai ly nichi kai i leu pei naichi khai su iy, kai i Reita py taphra; Anawn kani ai tahm khai y iy amsi pajochi chiu nai mynchi chiu lawh nai deaungkho y ne.

Ezekiela 20:30

Israela chengchi teng y kai i leu pei nai amti pi; nangchi ly ati mana nai y amsi pajochi sa tamang iy chai hai y nai kamta, nangmychi ai chai hai u y lawh; nichi i chiu nai chai y nai mynchi ai chiu u lawh mo?

Ezekiela 22:28

Amochi ly lengseaung apaira y theung kangleung pajui nai khumichi kamta, huni kamngochi apha hai u bo. Nichi ly paleung mei y niu naira teng y naichi ai niu iy teng y nai leuchi thui pi pateang bo. Nichi my mymychi ly sa thai naira angym nai Areng i leu kathui u nai ne, na u teu i py, huni leuchi ly khumichi teng y kathui pi vai y.

Ezekiela 22:8

Meingtym kachaichi ai tahm khai y iy Anawn kani py ja vai y.

HOSEA 12:2

Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.

HOSEA 12:3

Nichi i amsi pajo Jakob ly amhm taku theung y awm nai khala my, amjo Esaw hawi ajo hawi bo. Jakob ly tleaungri acheang nai khala y, Tameuh ai ka-awi sa iy ajo hawi nai ne.

HOSEA 6:11

“Juda khumichi awi, nangchi sa nai kamngochi molam y, nangchi ai py pajeng ai nai neng kani khai yb bo.

AMOS 1:3

Areng my, “Damaska mary i khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly Kilead pri i khumichi ai pahyp y naimy ana kalikachi na bo.

AMOS 3:2

“Khaileaung pri verei y awm nai khumi cheng bawibawichi theung y, nangchi cheng harei ai naini kang pany iy, kang pahen nai ne. Hunaibaly nangchi i kamngo sa nai ngierei molam y, kai ly nangchi ai kang pajeng ai nai tla ai,” napi.

MIKHA 6:12

Yhmtheaung katui nang nai khumichi ly khumi kamawnchi tlang tleaung y thi pajawp u bo. Nangchi bawibawi ly tapawp nai khumichi ne.

HABAKKUK 2:18

Mynchi ly atira y teaung ai mo? Hunichi ly khumichi my sa nai teu i, katapawpra ny y baly ati sai py katheu thai y. Amy i sa naira ai ym nai ly ati kamran nga ai mo? Huni ly leu katheu thai y nai tameuh ne na a!

ROM AVANGCHI TENG Y PAWLA I CHA PA NAI 1:25

nichi ly Tameuh i leu meitang ai ly ka-chawi hawi katheung iy, Sa Nai Keung ai chiu nai tleaung y ly mymy i sa nai ai chiu iy huni i kalop sa u lawh. Sa Nai Keung ai ly deungtasarei palo nai ne. Amen.

I THESALONIKA 4:8

Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.

I PETERA 1:18

nangchi i amsi sangumchi i pei pateang nai, nangchi i ati sai py ny y nai reita i dengdairei ly atiti mawn thai nai amjychi, tangka hawi muku y ny y naimy,

TARA CHIH NAI KEUNGCHI 10:6

Israela chengchi ly Bala tameuh, Moba tameuh, Asatare tameuh, Suria tameuh, Sidon tameuh, Ammon tameuh, Philistia tameuhchi ai chiu u i, Areng ai khai u su bi nai ne. Nichi ly Areng ai khai su iy mymy ai chiu nai anawn u veng bo.