AMOS 2:12 - Khumi Common Language Bible

¹² Na i py nang ly naziri khumichi ai kreip hang nei hai iy, amochi ai ly kai i leu pei nai thui y ai nai paka u bo.

AMOS 2:12 Iomraidhean Croise

ISAIA 30:10

Amochi ai py awm u pypy ai nai thui pi u bo. Nichi my, “Kaichi teng y leu kateng thui pi u moh. Kaichi thai ai ngai nai leu thui pi u. Kaichi ai kaimychi i tamang nai ka-dawnchi hawimy awm hai jo teu sy.

JEREMIA 11:21

Anatho mary i khumichi i vui Areng my leu pei bo. Ati mana nai mo nabaly huni mary i khumichi ly kai ai padei ai ngai nai deaungkho y, Areng i leu pei nai thui pi veangveang lawh baly kai ai padei ai, nanai thui u nai ne.

JEREMIA 35:5

Hunaibaly kai ly khau hawi kreip hang kawi meng nai rahumchi ai Rekhab nupaichi i mo y khai i, nichi teng y, Kreip hang maidenreichy nei u,” napi.

AMOS 7:13

Bethela mary y jeu iy amo leu thui bi moh jau. Hini meingtym ly samrang mymy kypkyp i chiu nai, cheng theaung achura yhm ne,” napi.

AMOS 7:16

Hunai deaungkho y Areng i leu pei nai tangai ba. Nangmy kai ai Israela khumichi mang abi iy ka-awi sa nai amo so moh, amo leu thui moh, napi.

MIKHA 2:6

Khumichi my, “Kaichi teng y leu thui pi moh, huni satangchi thui moh, Tameuh ly kaichi teng y kangji kangai hawi taham si naira tym hai ai ny y leang.

Kati Nai 6:2

Israela chengchi teng y hina nai reitachi pei pi nai ne. Nangchi theung y neampacho mo, neampachy mo, naziri kamkawm lawm ai nai vaineng abeu patyp iy, amymy ai Areng teng y aau lawh baly,

Kati Nai 6:3

huni khumi ly hm rah nei cha ai nai avo y. Kreip athai hawi sa nai pavui thai nai amjychi nei ai nai tlo y, kreip athai py, kreip athai kajei py cha ai nai avo y.