AMOS 1:6 - Khumi Common Language Bible

⁶ Areng my, “Kaza mary i khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly khumi cheng vui jeungreichi ai, Edom khumichi teng y miseaung y jo u nai ne.

AMOS 1:6 Iomraidhean Croise

2 NENG SATANG 28:18

Huni neng khala my Philistia chengchi ly Juda pri tokalawi hawi nidym mang y awm nai mawi kheutangra i marychi ai tiu u bo. Nichi ly Beth Sheme mary, Aijalon mary, Kedaro mary, Sokoh mary, Timnah mary. Kimazo mary hawi avangchi peang vui iy, huni marychira y khuteng sa u nai ne.

JEREMIA 47:1

Kaza mary ai Aikupta samrang my tiu y kyh rai khala y, Philistin chengchi molam y Areng ly kai teng y leu ang pei nai ne.

Ezekiela 35:5

“Nang ly Israela pri y paleung ka-e khai jojo. Huni pri ly mymy i hawi y sa nai deaungkho y, pajeng naira avum iy ka-jeira tym nai neng khala, nang ly huni pri i khumichi ai padei hai bo.

JOELA 3:4

Turu mary, Sidon mary hawi Philistia pri meingtym tleirei i khumichi awi, nangchi ly kai ai ati sa ai nai atho sa u nai mo? Kai ai vawitheung tha ai nai atho sa u nai a? Huna nai atho sa u lawh baly, kai ly nangchi ai vawitheung tha manme ai!

JOELA 3:6

Juda khumichi hawi Jerusalem mary i khumichi ai, mymychi pri i dengdairei palo paraira mang y hawi iy, Krip chengchi teng y jo u nai ne.

AMOS 1:11

Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

AMOS 1:3

Areng my, “Damaska mary i khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly Kilead pri i khumichi ai pahyp y naimy ana kalikachi na bo.

AMOS 1:7

Hunai deaungkho y kai ly Kaza mary apaichi salo y mai kani nai hai iy, Kaza amtangra yhmchi ai maidym satlawi palawn vui ai.

AMOS 1:9

Areng my, “Turu khumichi ly kamngo sa nai bo y sa panawi u bi nai deaungkho y, kai ly nichi ai meitang khyp kapajeng ai. Nichi ly khumi chengvui jeungreichi ai Edom pri mang y pri pala pawn nai ne. Naibaly nichi ly mychi naimy amsawi amnai asa nai sumneang ai taphra vui bo.

OBADIA 1:11

Paleung ka-echi ly huni khumichi i mary apai katheu taphra nai thym khala, nang ly sahawi mang angdo nai ne. Nang ly Jerusalem mary i yhmtheaung katuichi la vui iy mychi tengtawi phy apaji nai cheng takhrachi kamta, hawi y nai khumi ne.

ZEKHARIAH 9:5

Hina nai ai Asakelon mary ly niu iy, jei hyn ai. Kaza mary py niu i, paleung mawn, kaso theu ai. Ekron mary py hunai kamta ne iy, ni i athang khai naichi phra pawn ai. Kaza mary ly samrang kangpreang leu baw ai i, Asakelon mary ly khumi angso savai tlang naimy awm ai.

AMTAW 8:26

Naibaly Areng i kani pri i amtaw thau nai leaungrei my Philipa teng y, “Angthau ly, tokalawi mang, Jerusalem dengdairei Kaza avang y theu nai lam y tako ba; huni ly daichi ka-vym ne,” napi.

1 SAMUELA 6:17

Philistia chengchi ly muku uisalu myn pangrei ai mary ha harei y harei, Asadod mary, Kaza mary, Asakelon mary, kath mary hawi Ekron marychi ai dawn hai pathyp iy, mymychi i vui kamngo lawi nai katalamra palawn iy, Areng teng y tha pi u.