AMOS 1:11 - Khumi Common Language Bible

¹¹ Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

AMOS 1:11 Iomraidhean Croise

2 NENG SATANG 20:10

“Vai ly Ammon khumi, Moba khumi hawi Edom khumichi ly kaichi ai tiu u bo. Kaichi i amsi pajochi Aikupta pri i dengdairei theu nai thym khala, amsi pajochi ai huni pri y kun ai nai nangmy pei y. Na i py nichi ly huni pri ai en vui iy taphra y naimy khai u bo.

2 NENG SATANG 20:11

Hina nai sa nai molam y nichi my vawitheung tha teang i, kaichi ai nang i pei nai pri dengdairei patheu ai nai ang tym u bo.

SAM 137:7

Aw Areng, Jerusalem mary ai peang vui nai neng khala y, Edom khumichi i sa nai sai pany pi jo kyh ba. “Hini mary ai khaileaung hawi angeng pa-rei panawi vui,” nanai huni khumichi i thui nai leu ai pany pi jo kyh ba.

SAM 85:5

Nang ly kaichi ai avawrei kado theu hai ai a? Nang i kado theu nai ly mana khala py rym y ai bo a?

Parip nai leu 7:9

Nang i kado theu nai ly am-yh vui; paleung ka-e khai nai ly akhum nai ne.

ISAIA 57:16

Kai ly kaimy i khumichi ai heng ai nai kapei. Nichi ai thui tamawn bi iy, kado theu hai jojo y leang bo.

HOSEA 8:3

nichi ly hawi naira ai khai u su veng bo i, paleung ka-echi ly nichi ai hui u ai.

JOELA 3:19

“Aikupta pri ly khutaha meingtym lawm iy, Edom pri ly phra ai i, khumi angso by y nai meingtym lawm ai. Ati mana nai mo nabaly huni prichi ly Juda pri ai tiu iy, khumi kahawichi ai padei u nai deaungkho y ne.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

ZEKHARIAH 1:15

Kai ly kaimy i khumichi tlang tleaung y tym ai nai kado theu nai kam-yh nai thym y, tlamsa naimy awm ai nga u nai khumi bawibawichi ly kai i khumichi avum nai ngari kamtang panawi ra bo. Naibaly kai ly huni khumichi ai khri pa-rei kado theu hai nai deaungkho y,

MALAKHI 1:2

Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

MALAKHI 1:4

Esaw i katu chanau Edom khumichi my, “Kaichi i mary ly phra pawn teu i py, hunichi ai kaichi my palum teang ai,” nanai thui u lawh teu baly, ati cheaungkhang sa thai nai Areng ly” Nichi so u palai teang teu sy; huni marychi ai kaimy taphra teang ai. Khumichi ly huni khumichi ai “Kamngo chochi” nanai py, Areng my kado theu hai jojo nai chengchi, nanai py palau ai,” napi.

EPHESI 5:1

Hunaibaly mymy i chanau ngai parai naichi kamta Tameuh i amtiu nai khumichi lawn u.

Leu Thui Nai 23:7

“Edom chengchi ly nangchi i amjy ne nai deaungkho y, nichi ai niu ngai y nai awm u moh. Aikupta khumichi ai py niu ngai y nai awm u moh. Nangchi ly vaichi khala nichi i pri y awm u vai nai ne.