2 SAMUELA 3:3 - Khumi Common Language Bible

³ Chapo pa-nyh ly Khilet ne i, ni i amhm ly Karamela mary Nabala i aju tavau Abikaila ne. Chapo pa-thom ly Abasalom ne; ni i amhm ly keshura samrang Talamai i chaniu Maaka ne.

2 SAMUELA 3:3 Iomraidhean Croise

2 SAMUELA 13:1

Davida i chapo Abasalom ly amyn Tamar napi nai, mo-cha kahawi tuicho awm. Davida i chapo Amanon ly huni tuicho ai khri pa-rei khrei.

2 SAMUELA 14:23

Naibaly ni ly ang thau iy keshura mary y chei i, Abasalom ai Jerusalem mary y vawi hai bo.

2 SAMUELA 14:24

Na i py samrang ly Abasalom ai samrang i yhm y awm y ai nai leu pei. Samrang my, “Kai ly ni ai niu ai nai ngai y,” napi. Huna nai y Abasalom ly my i yhm y awm teu i py, samrang teng y kun ai nai ngo y.

2 SAMUELA 14:32

Abasalom my, “Kai i vui samrang teng y atli pi ai ngai nai deaungkho y, kang palau hai bo. Kai ly ati mana nai y keshura mary khai su iy, hini meingtym y tym lawh mo? Huni mary y awm nai ly kai i vui hawi keh alam ai. Samrang hawi avum ai nai, kai i vui so pi. Kai, kamngo awm lawh baly, samrang ly kai ai padei teu na sy,” nanai Juaba teng y thui pi bo.

2 SAMUELA 15:7

Saneng palyhrei nai bo khala y Abasalom ly samrang Davida teng y, “Samrang awi, kai ly Areng teng y adeu nai kamta sa ai nai, Hebron mary y chei ai nai pei ba.

2 SAMUELA 15:8

Kai ly Suria pri keshura mary y awm nai thym khala y, Areng my kai ai Jerusalem mary y tym hai teang baly, Hebron mary y chei iy nang ai kang chiu ai, nanai kai ly adeu nai ne,” napi.

2 SAMUELA 18:33

Samrang ly khri pa-rei paleung si tangam naimy, mary apai katheu amphu salo y awm nai takun theung mang y chei iy vo bo. Huna nai lyn kalau nai thym y, “Aw kai i chapo! kai i chapo Abasalom! Abasalom kai i chapo! nang i jeng y kai dei ai nai ngai. Kai i chapo Abasalom! kai i chapo!” nanai vo tangam bo.

2 SAMUELA 2:2

Naibaly Davida ly my i aju leaung nyhrei, Jezarela mary i Ahinoam hawi Karamela mary Nabala i aju lumai Abikaila ai hawi iy, Hebron mary y chei.

1 ARENG KEH 2:15

Adonijah my, “Kai ly samrang lawm ai nai avo nai ne; lawm ai, nanai py Israela chengchi my athang khai nai ly nang pany. Na i py Areng i kangai ly kai, samrang lawm y naimy, kai i amnau naini samrang lawm nai ne.

1 NENG SATANG 3:1

Samrang Davida ly Hebron mary y awm nai thym khala nga nai chapochi i amyn ka-thui thui pi ai na baly: Jezarela mary i Ahinoam my tapen nai Amanon, Karamela mary i Abikaila my tapen nai Daniela, Keshura samrang Talamai i chaniu Maaka my tapen nai Abasalom, Haki my tapen nai chapo Adonijah, Abitala my tapen nai chapo Shephatiah, Ekala my tapen nai chapo Ithaream.

Leu Thui Nai 3:14

Manase theaung i Ja-ira ly keshura hawi Makah khujyh khrairei kau nai Bashan pri, napi nai Arkoba pri verei peang vui nai ne. Ni ly avangchi ai my i amyn pathi i, vai khrairei Ja-ira avangchi, nanai amyn lo bo.)

JOSUA 13:13

Na i py Israela chengchi ly Kisuri cheng hawi Maaka chengchi ai patheu y nai deaungkho y, vaini khrairei Israela pri y awm u nai ne.

1 SAMUELA 25:42

ang thau kaliki iy keaungngo kano kasau tleaung y atang. Naibaly neampachy miseaung leaung pangrei ai hawi iy, Davida i savaichi hawi abang i, Davida i aju lawm bo.

1 SAMUELA 27:8

Hunanai neng thym khala y Davida hawi mymy i khumichi ly keshura cheng, Kirazi cheng hawi Amalek chengchi i khu ka-peangchi ai, Aikupta pri sahawi i Sura mary y khrairei, tiu u reng nai ne.