1 SAMUELA 7:3 - Khumi Common Language Bible

³ Samuela my Israela chengchi teng y, “Nangchi ly Areng teng y paleung hawi verei, jeu aliteang ai nai ngai baly cheng takhrachi i tameuhchi ai py, kani anglo Asatare i mynchi ai py, khai su ai nai tla; Areng teng y nangmychi ai aau patyp iy, mymy ai naini chiu u baly mymy ly nangchi ai, Philistia chengchi kiu i nai atleu ai,” napi.

1 SAMUELA 7:3 Iomraidhean Croise

ATITI AWM ANGCHEI NAI 35:2

Naibaly Jakob ly my i yhm dengtheungchi hawi mymy hawi vanrei awm nai khumi bawibawichi teng y, “Nangchi teng y awm nai tameuh takhrachi ai ly aphi u pawn; nangmychi py apachai u ly ateaung kachaichi amthyp u.

1 ARENG KEH 11:33

Kaimy hina nai kamta sa nai ly Solomon ly kai ai khai su iy cheng takhrachi i tameuh, Sidon tameuh nu Asetare, Moba khumichi i tameuh Khemosa hawi Ammon khumichi i tameuh Mole ai chiu vui lawh nai deaungkho y ne. Solomon ly kai i leu pei naichi akhi vui bo. Ni ly hawi y naichi sa iy kai i reitachi hawi leu pei naichi ai, ni i ampo Davida i leu tangai nai kamta tangai y lawh.

1 ARENG KEH 8:48

Leu kabeaung y nichi ly huni pri y awm nai khala, uikheih tatang naimy mychi i amsi pajochi teng y nangmy pei nai hini pri mang y, nangmy vawi takhra nai hini mary mang y, kaimy sa nai hini Achura Yhm mang y, mo tha iy chiu sa hnei takeng lawh baly,

2 ARENG KEH 17:39

Nangchi i Tameuh, kai Areng i leu tangai u ai nai tla. Kai py nangchi ai paleung ka-echi kiu i nai atleu ai,” napi.

2 ARENG KEH 23:15

Samrang Joseah ly Israela chengchi ai kamngo lam mang y pahawi nai keung, Neba i chapo samrang Jeroboam i Bethela meingtymra y sa nai chiu naira meingtymchi py, taphra pawn. Joseah ly maichamchi panawi pawn iy, Aser tameuh nu teng y talam nai tamkhawn py mai leng vui bo.

1 NENG SATANG 22:19

Hunaibaly nangchi i Areng Tameuh i kalop ra y paleung hawi verei so u. Areng i amyn tahm pasang ai nai Achura yhm so u. Huna khala naini nangchi ly Areng i Leu Maikawm Pawm hawi mymy ai chiu naira y teaung nai takhra vawnsai ateaung alangchi ai, Achura yhm theung y khai ai nai nga u ai,” napi.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 19:3

Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

2 NENG SATANG 20:33

Na i py myn chiu nai meingtymchi taphra y. Khumichi ly mymychi amsi pajochi i Areng Tameuh ai chiu ai nai paleung apei y nai ne.

2 NENG SATANG 30:19

“Aw kaichi amsi pajochi i Areng Tameuh, huni khumichi ly kachai aso y teu i py, nang ai paleung hawi verei chiu naichi ne nai deaungkho y, nang ly neaung hawi parai nai saho y, nichi ai ly pahen pi kyh ba,” nanai chiu sa bo.

LEU KACHENG 16:1

Khumi ly amy i paleung y dawn tau naichi sa pajau; na i py kangkhym y ly Tameuh i kangai naini lawm ai nai tla.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 36:3

Juda khumichi ly mychi i vui kaimy dawn yb nai ka-jeira satang thai u lawh baly, mychi i hawi y naira khai su tan khai u su lym ai. Huna nai khala y kai ly nichi i hawi y sa nai kamngochi pahen pi ai,” napi.

JEREMIA 4:1

Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

Ezekiela 14:6

“Huna nai y Israela chengchi teng y thui pi; sa thai naira angym nai kai, Areng my leu pei nai ly uikheih u. Amso ngai hawi nai nangchi i sa naichi ai nyn va vui ly mynchi py khai su.

Ezekiela 18:31

Nangchi i sa reng nai kamngochi khai su iy, paleung kangtha hawi paleung ka-dawn kangtha mang y amtlau u. Aw Israela chengchi awi, nangchi ly ati mana nai y dei ai nai ngai u lawh mo?

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

MATTHAI 15:8

‘Hini khumichi ly nichi i labeaung y ly kai ai tahm ang khai i, Mymychi i paleung ly kai hawi palo parai veng;

MATTHAI 4:10

Hunaibaly Isu my mymy teng y, “Setan, tako la! ‘Nang i Areng Tameuh ai phai chiu ly, mymy i kalop harei phai so khyh,’ nanai tajiu nai awm,” napi.

MATTHAI 6:24

“Ami py yhmkeung leaung nyhrei i kalop so abom thai y leang: ni ly leaungrei ai niu ngai y iy, leaungrei ai ngai ai, ti y baly leaungrei ai ly ama hai iy, leaungrei ai ly tahm khai y ai. Tameuh i kalop hawi yhmtheaung i kalop so u abom thai y leang.

LUKA 4:8

Naibaly Isu my ni teng y, “Nang i Areng Tameuh ai phai chiu ly, mymy i kalop harei phai so khyh, ‘nanai tajiu nai awm,’” nanai pathang bi.

JOHAN 4:24

Tameuh ly Phailo ne; mymy ai chiu nai keungchi ly phailo hawi meitang khyp naimy ni ai chiu ai nai tla,” napi.

Leu Thui Nai 10:20

Nangchi i Areng Tameuh ai jei kaji iy, mymy ai naini chiu u ai nai tla. Mymy ai ka-ym awm iy mymy i amyn hawi phai leu adeu u.

Leu Thui Nai 13:4

Areng teng y abang u ly mymy ai phai taham khai u; mymy i reitachi patawm u ly mymy i leu tangai u. Mymy ai chiu u ly mymy ai ka-ym awm u.

Leu Thui Nai 4:29

Hu y nangchi ly nangmychi i Areng Tameuh ai kadeaung u ai. Nangchi i paleung phailo verei hawi hau u baly, mymy ai avum u ai.

Leu Thui Nai 6:13

Nangchi i Areng Tameuh ai tahm khai u ly mymy ai phai chiu u; mymy i amyn y naini tau iy vaineng adeu u.

JOSUA 13:31

Kilead pri ka-hyhrei hawi, Oka samrang my peang nai Bashan pri i mary puichi napi nai, Asataroth mary hawi Edrei marychi py abawi. Hunichi abawi nai khu ka-peang ly Manase i chapo Makhira i yhm dengtheung ka-hyhreichi i vui phy ne.

JOSUA 24:14

Josua my thui bi i, “Vai nangchi ly Areng ai jei kaji naimy tahm khai iy, mymy i kalop ai paleung hawi verei, ka-ym awm naimy so u. Mesopotamia pri hawi Aikupta pri y nangchi i amsi pajochi my chiu nai tameuhchi ai khai su iy, Areng ai naini chiu u.

JOSUA 24:23

Josua my, “Hunaibaly nangchi teng y awm nai tameuh takhrachi ai khai su iy, Israela chengchi i Areng Tameuh teng y ahihawi iy chiu u,” napi.

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.

TARA CHIH NAI KEUNGCHI 10:6

Israela chengchi ly Bala tameuh, Moba tameuh, Asatare tameuh, Suria tameuh, Sidon tameuh, Ammon tameuh, Philistia tameuhchi ai chiu u i, Areng ai khai u su bi nai ne. Nichi ly Areng ai khai su iy mymy ai chiu nai anawn u veng bo.

TARA CHIH NAI KEUNGCHI 2:11

Huna nai khala Israela chengchi ly Areng i tlang tleaung y kamngo sa u i, Bala tameuhchi ai chiu u.

TARA CHIH NAI KEUNGCHI 2:13

Nichi ly Areng ai chiu nai kalop khai su iy, Bala tameuhchi hawi Asatare tameuhchi ai chiu u bo.

1 SAMUELA 31:10

Naibaly nichi ly huni tavai ateaungchi Asatare i achura yhm y khai iy, Sawla i veu ai ly Beth Shan mary apaira y banghau bo.