1 SAMUELA 4:3 - Khumi Common Language Bible

³ Dei y nai tavaimichi ly tai nai meingtym y tym u teang nai khala, Israela lu sa nai keungchi my, “Areng ly ati mana nai deaungkho y, vaini achi ai Philistia chengchi teng y sum hai lawh mo? Achi ly Siloh mary y awm nai Areng i Leu Maikawm Pawm lo u sina; naibaly mymy ly achi hawi vanrei chei ai i, paleung ka-echi teng i nai achi ai atleu ai,” nanai thui u bo.

1 SAMUELA 4:3 Iomraidhean Croise

2 SAMUELA 15:25

Naibaly samrang ly Zadok teng y, “Leu Maikawm Pawm ai mary theung y syn teang. Areng my kai ai aly ngai baly, kanirei nai khala y Leu Maikawm Pawm ai py, Pawm anawn nai meingtym ai py, khen ai nai ang pei ai.

1 NENG SATANG 17:1

Vai ly samrang Davida ly mymy i yhm y awm nai ne. Kanirei nai khala ni ly amo Nathan ai palau iy, “Kai ly saitleang keung hawi sa nai yhm y awm. Tameuh i Leu Maikawm Pawm ly tai theung y awm nai ne!” napi.

SAM 74:1

Aw Tameuh, nang ly ati mana nai y kaichi ai, hina nai kamta khai su lawh mo? Nang ly nangmy i khumichi ai avawrei kado theu hai jojo ai bo a?

SAM 74:11

Ati mana nai y nang ly kaichi ai sabawm ai nai akhi lawh mo? Ati mana nai y nang i kiu ly nithun mang y, atakawi me vui lawh mo?

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

ISAIA 58:3

Huni khumichi my, “Areng ly achi ai mana khala py niu y lawh baly, achi ly ati mana nai y biu hai u ai bo? Mymy ly achi i tahm apanem nai ai pany pi y lawh baly, ati mana nai achi ly biu hai patang atyhtyh ai mo?,” napi. Areng my nichi teng y, “Meitang khyp nangchi ly biu hai nai thym khala, amy i vui kamran hau iy, nangmychi i vui kalop sa nai khumichi ai ana u bo.

ISAIA 59:1

Areng ly nangchi ai atleu pajau y na pa-rei atho di nai ny y. Nangchi kasabawmra nga ai nai aeu iy, hnei takeng nai raawi thai y na pa-rei kano pang y leang!

ISAIA 59:2

Mymy thai y nai ly nangchi i kamngo nai deaungkho y teu. Nangchi ai Tameuh hawi taprei hai nai py, nangchi i kamngo my ne. Nangchi ly mymy ai chiu ai nai dawn nai khala y, Tameuh hawi nangchi ai taprei nai ly nangmychi i sa nai kamngo my ne.

JEREMIA 3:16

Naibaly nangchi ly huni pri y khumi neangneang peung nai khala y, khumichi ly kai i Leu Maikawm Pawm satang, thui u, dawn u, pany u ai ny y. Huni Leu Maikawm Pawm ai aly ngai u ai ny y. Pawm takhra ly sa u ai ny y.

JEREMIA 7:4

Achi ly chymme na a! ‘Hini Achura yhm ly Areng i Achura yhm ne, Areng i Achura yhm ne, Areng i Achura yhm ne!’ nanai thui naichi i tapawp nai leu ym u moh.

Kati Nai 10:33

Khumi mipuichi ly Sinai mawi kachai dengdairei theu iy, kani thomrei ka-teng tako u bo. Nichi ai tai naira meingtym pei ai nai Areng i Leu Maikawm Pawm ly nichi i momang y tako hai jojo.

Kati Nai 10:35

Leu Maikawm Pawm amsa hai nai tleirei, Mosi my, “Aw Areng, ang thau ly nang i paleung ka-echi ai ahei seaungkhrang hai iy, nang ai niu ngai y nai khumichi ai preang hai pawn! nanai py,

Kati Nai 31:6

Naibaly Mosi ly pathyp pi nai keung Eleaza i chapo Phineha ai Israela tavaimi kamkawm ai lu sa hai bo. Ni hawi vanrei Tabynako i vui ateaung alangchi hawi, tavai pachyh nai bawchi py syn u bo.

Leu Thui Nai 29:24

Huna nai khala pri tleirei i khumi cheng bawibawichi my, ‘Areng ly nichi i pri ai ati mana nai taphra lawh mo? Ati mana nai hina tanrei ka-jei awm nai kado theu hai lawh mo?,’ nanai deng u ai.

Leu Thui Nai 31:26

“Tameuh i reita leu pei nai cha-iu lo u ly nangchi i Areng Tameuh i Leu Maikawm Pawm sahawi y khai u; huni cha-iu ly mymy i khumichi i vui y pany ai hawi nai ka-ma-ra ne i, huni meingtym y awm jo ai nai tla.

II TIMOTHEI 3:5

nichi ly Tameuh ai dawn ryhryh naira awm nai kamta ne teu i py, huni i sa thai naira ai ly apha u vui bo; hunai kamtachi ai ly hi vui.

HEBRAI 9:4

hunira y ly rimui pakhyh nai muku laawm hawi, muku bih nai leu mailkawm pawm py awm: huni theung y Manna awm naira muku laawm hawi, Aron i cheaungvawi ampho nai hawi leu maikawm lengseaung phei nyhrei py awm.

JOSUA 4:7

nangchi my Areng i Leu Maikawm Pawm Jordan tavo angpeang hai nai thym khala y, tavo tui leaung nai anawn vui nai sai thui pi ai nai tla; hini lengseaungchi hini meingtym y awm lawh nai sai ly Israela chengchi ai avawrei pany hai jo ai,” napi.

JOSUA 6:6

Josua ly pathyp pi nai keungchi ai palau iy nichi teng y, “Leu Maikawm Pawm angjeaung u ly nangchi theung i leaung saryhreichi ly bawchi syn naimy, Leu Maikawm Pawm i mo mang tako u,” napi.

JOSUA 7:7

Naibaly Josua my, “Salo kangteng Areng! kaichi ai ati mana nai y Jordan tavo angpeang hai lawh mo? Amori chengchi i kiu y au ai nai a? Kaichi ai tama hai ai nai a? Kaichi ly Jordan tavo vai mang y naini kaawm u jo baly hawi ai.

JOSUA 7:8

Aw Areng, Israela chengchi ly paleung ka-echi teng i dengdairei, preang ai nai tla lawh nai deaungkho y, kai ly ati kathui ai mo?

I PETERA 3:21

huni atawm hai nai baptisma ly Isu Krista i angthau bi nai deaungkho y vai ly nangchi ai paheng nai ne: huni ly tlang i anyng pachai nai ny y naimy, hawi nai hawi y nai pany naira kachai nga ai nai, Tameuh i mo y ahui nai ne lawh veng;

JUDA 1:5

Naibaly nangchi ly tlenrei ati cheaungkhang pany be teu i py, Areng my ly Aikupta pri i dengdairei khumichi ai lawi hai iy, huni bo y ym y naichi ai ly ang tama hai, nanai pany hai vau ai nai kang ngai hai.

1 SAMUELA 1:24

Ni ly deaungdi kanu-li chum bo nabaly, saneng thomrei awm nai si katai harei, takodei teaungnyh pa-thom sie tariu rei, kreip hang mawipeih adym harei syn naimy deaungdi hawi vanrei, Siloh mary y chei hai bo. Deaungdi Samuela ly khri pa-rei theang ala rai.

1 SAMUELA 14:18

Sawla my pathyp pi nai keung Ahijah teng y, “Ephod hi y jeu hai,” napi. (Huni kani y Ahijah ly Ephod ai, Israela chengchi i mo y syn pi.)

1 SAMUELA 4:2

Philistia chengchi my tiu i, Israela chengchi sum iy, khumi leaung sang palyhrei tavai keung y dei u bo.