1 SAMUELA 4:2 - Khumi Common Language Bible

² Philistia chengchi my tiu i, Israela chengchi sum iy, khumi leaung sang palyhrei tavai keung y dei u bo.

1 SAMUELA 4:2 Iomraidhean Croise

TANGAM NAI LEU 3:40

Achi ly amychi i tako nai lam dawn pasym iy, Areng teng y ali u teang sina.

Levi 26:37

Preang nai khumi by y naimy leaung leaungrei adeng mengmeaung iy atlym u ai. Mani paleung ka-e ai py amtang pajau ai ny y.

Kati Nai 14:45

Naibaly huni meingtym y awm u nai Amalek chengchi hawi Kanan chengchi ly nichi ai tiu nai pajau i, nichi ai Hormah mary y khrairei preang u nai ne.

JOSUA 7:12

Hunichi deaungkho y Israela chengchi ly paleung ka-echi ai pajau y nai ne. Mychi naimy tama naira avum ai nai khumichi ne i, paleung ka-echi teng i dengdairei preang u nai bo. Nangchi ai lo moh, nanai leu kang pei i py, nangchi um vui nai vawnsaichi taphra pawn y baly, kai ly nangchi hawi vanrei awm ai ny y!

1 SAMUELA 17:21

Philistia cheng hawi Israela chengchi ly tavai atiu ai nai mo atha leungtang naimy, meingtym la u bo.

1 SAMUELA 17:8

Koliatha ly angdo iy Israela chengchi teng y, “Nangchi ly hini meingtym y ati aly y jeu u nai mo? tavai atiu u ai nai a? Aw Sawla i miseaungchi awi, kai ly Philistia cheng ne; kai hawi atiu ai nai nangchi theung i khumi leaungrei vawi takhra u.

1 SAMUELA 4:1

Huni neng khala y Israela chengchi ly Philistia chengchi ai tiu ai nai amsa u bo; Israela chengchi ly Ebenezar mary y, Philistia chengchi ly Aphek mary y tai u nai ne.

1 SAMUELA 4:10

Philistia chengchi ly athorei my tiu u i, Israela chengchi ly sum u nai y, mychi i yhm mang y angpreng u. Huni atiu nai ly khumi padei pawi lawm na i, Israela tavaimi leaung meaungkateaung thomrei dei u.

1 SAMUELA 4:3

Dei y nai tavaimichi ly tai nai meingtym y tym u teang nai khala, Israela lu sa nai keungchi my, “Areng ly ati mana nai deaungkho y, vaini achi ai Philistia chengchi teng y sum hai lawh mo? Achi ly Siloh mary y awm nai Areng i Leu Maikawm Pawm lo u sina; naibaly mymy ly achi hawi vanrei chei ai i, paleung ka-echi teng i nai achi ai atleu ai,” nanai thui u bo.