1 SAMUELA 4:12 - Khumi Common Language Bible

¹² Benjamin cheng theaung theung i khumi leaungrei ly tavai atiu nai meingtym i dengdairei angpreng prei bo. Ni ly paleung si nai ka-ma-ra baichuchi sei iy, lu y spryh aphui naimy Siloh mary y kanirei tym prei.

1 SAMUELA 4:12 Iomraidhean Croise

2 SAMUELA 1:2

Khawn khutawi baly Sawla i awm nai tavai taira i dengdairei, thawndeang leaungrei tym; ni ly my i baichu sei iy lu tleaung y spryh aphui naimy, paleung si nai sai amteng bo. Ni ly Davida teng y chei i, tahm khai nai khaileaung y meung.

2 SAMUELA 13:19

Tamar ly my i lu y maidym aphui i, ateaung py sei iy meimai y kiu hawi atamym naimy, vo nai tarawi y theu jo bo.

2 SAMUELA 15:32

Davida ly chiu nai meingtym, mawi y tym nai khala y, my i ka-ym awm nai khumi Akhi mary i awm nai Hushai ly mymy i ateaungchi sei iy lu y py spryh aphui naimy, samrang ai lamchung bo.

NEHEMIA 9:1

Huni lo kani 24rei kani y Israela chengchi ly mymychi i kamngo molam y, paleung si nai ka-ma-ra paisiuchi amchiu u iy, lu y spryh aphui u; naibaly nichi ly mymychi i kamngo hawi amsi pajochi i kamngochi pany hai iy uikheih u bo.

JOBA 2:12

Nichi ly kamlo mang dengdairei Joba ai niu u teu i py, mo ma u y na bo. Joba ne, nanai pany u nai khala, nichi ly vo tangam naimy, mychi i ateaungchi sei iy, mychi i lu tleaung y spryh tla hai ai nai pachaw u bo.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

Ezekiela 24:26

Huna nai kai sa nai kani y, dei naira i nai law tleaung nai khumi leaungrei ly atiti tym nai leaungsaichi ai nang teng y jeu iy ang thui pi ai.

Ezekiela 27:30

Nichi ly mymychi i lu tleaung y spryhchi aphui iy speung y jawn u i, nang i vui khrikhri pa-rei vo tangam u bo.

JOSUA 7:6

Josua hawi Israela lu sa naichi ly paleung bi nai y, mychi i ateaungchi sei u i, Areng i Leu Maikawm Pawm mo y paleung si nai, mychi i lu y spryh aprawn u naimy, kani dym pa-rei ambeu u bo.