1 SAMUELA 22:3 - Khumi Common Language Bible

³ Davida ly hu i dengdairei Moba pri Mizapa mary y chei iy, Moba samrang teng y, “Kai i vui Areng my ati mana pasym pi mo, nanai pany y nai sala y, kai i amhm ampo ni ai, nang teng y awm ai nai pei kyh ba,” nanai takeng.

1 SAMUELA 22:3 Iomraidhean Croise

ATITI AWM ANGCHEI NAI 47:11

Naibaly Josepha ly samrang i leu pei nai kamta, ampo hawi amjochi ai, Ramese mary kang sa, Aikupta pri y khaileaung hawi keh nai meingtym pei iy awm hai bo.

2 SAMUELA 8:2

Naibaly Samrang ly Moba khumichi ai tiu nai pajau i, patiu naira i nga nai khumichi ai khaileaung y atlym hai iy, phy thomrei y phy nyhreichi ai padei hai bo. Hunai deaungkho y Moba khumichi ly Davida i anui y awm i, kahm pei u nai ne.

THEU NAI 20:12

“Nang i Areng Tameuh my pei nai pri y heng sau ai nai, nang i amhm, ampo ai tahm khai.

I TIMOTHEI 5:4

Na i py neampachy lumai ami py katu chanauchi awm i khyly, nichi i dengtheung y Tameuh ai dawn ryhryh naira y awm nai hawi, mymychi ai tapen nai keungchi i tlang tleaung y kahawi sa ta-vawi ai naira amtiu u sy; huni ly Tameuh i mei ka-niu y kawn ai ataing nai ne.

TARA CHIH NAI KEUNGCHI 11:29

Huna nai khala Areng i phailo ly Jephetha teng y tym. Jephetha ly Kilead pri hawi Manase pri tako prei iy, Kilead pri Mizapa mary y vawi ali teang bo. Naibaly Ammon pri mang y tavai tiu ai nai amsa.

RUTHI 4:10

Huni bo y Mahalon i aju tavau, Moba cheng neampachy Ruthi ly kai i aju lawm bo. Huna nai kamta huni yhmtheaung katuichi ly kadei khumi i yhm dengtheungchi amtym ai. Kadei khumi i kangpreang py mymy i chengchi hawi my i saleaung khutengra y, avaw by y pa-rei peung jojo ai. Vaini nangchi ly hini molam y pany nai keungchi ne bo,” napi.

RUTHI 4:17

Yhm deaungpa neampachychi my huni deaungdi ai ly Obed, nanai amyn pathi iy Neampachychi my, “Naomi ly deaungdi leaungrei tapen!” nanai khumi luteng tleirei y thui u nai ne. Obed i chapo ly Jese, Jese i chapo ly Davida ne.

1 SAMUELA 14:47

Sawla ly Israela pri y samrang lawm nai bo y, ni ly meingtym tleirei y awm nai, my i paleung ka-echi napi nai Moba khumichi, Ammon khumichi hawi Edom khumichi ai py, Zobah samrangchi hawi Philistia khumichi ai py, tavai tiu nai ne. Ni ly mani meingtym y atiu nai py ne sy, tavai eaung.

1 SAMUELA 22:2

Ana patang naira avum nai khumichi, kalai awm nai khumichi hawi paleung no-ei nai khumichi ly ni teng y chei u bo; nichi bawibawi ly leaung chungvai palyhrei tahm awm. Davida ly nichi i lu lawm bo.

1 SAMUELA 22:4

Hunaibaly Davida ly amhm ni ampo ai, Moba samrang teng y daw jo bo; amhm ampo ni ly Davida tapiu theung y aheu nai ryrei, Moba samrang teng y awm hawi jo nai ne.

1 SAMUELA 3:18

Naibaly Samuela ly ati sai py takhawi y naimy, leu pei nai ngierei amti pi bo; Eli my, “Mymy ly Areng ne; mymy i ngai nai kamta so hai sy,” napi.