1 SAMUELA 2:3 - Khumi Common Language Bible

³ Areng ly ati cheaungkhang pany nai sai angym nai ne iy, khumichi i sa nai ngierei tara chih pi i, nangchi ly aeu iy amlyh u moh. Labeaung mang paleung len nai leu theu moh sy.

1 SAMUELA 2:3 Iomraidhean Croise

1 ARENG KEH 8:39

nichi i chiu sa nai ly tangai pi kyh ba. Nang i khumichi ly amsi pajochi teng y pei ai nai pri y awm nai ryrei, nangmy ai jei kaji ai nai nichi i chiu sa nai tangai pi kyh ba.

JOBA 31:6

Tameuh ly kai ai sie khyry kateng hawi neh cham lawh baly, kai teng y kamngo by y, nanai pany ai.

SAM 147:5

Achi i Areng ly nang parai iy sa thai naira angym nai ne; mymy i cheng naira ai saju angka pata ai nai ngo y.

SAM 17:10

Nichi ly pahen nai paleung by y naimy, amlyh am-e nai leu katheu u.

SAM 31:18

Paleung len amlyh naimy khumi kahawichi ai thui preaung reng nai khumi katapawpchi i labeaung ai tamyh vui ba.

SAM 44:21

meitang khyp, nangmy pany ai nai ne. Ati mana nai mo nabaly, nang ly khumichi i dawn paviu nai katauchi pany nai deaungkho y ne.

SAM 75:5

Amlyh am-e u moh,” napi.

SAM 94:4

Kamngo sa tamang nai khumichi ly mana tanrei paleung len amlyh iy, mychi i sa tamang nai kamngochi ai amlyh naimy awm u ai a?

LEU KACHENG 16:2

Khumi ly amy i sa nai ngiereichi ly teng, nanai dawn reng; na i py Areng ly khumi i patyp naichi ai chih pi nai ne.

LEU KACHENG 24:12

Hini kalop ly kai hawi ati sai py abi y leang, nanai nang thui ai. Na i py Tameuh ly nang i paleung ai pany i ang chih ai. Mymy ly nang ai ang kry nai deaungkho y, nang i paleung ai pany. Hunaibaly mymy ly nang i kabo kaja hawi nai, hawi y nai kamlau ang pei ai.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

ISAIA 26:7

Aw Areng, nang ly khumi kahawichi i lam taw hai bo; nichi i tako nai khuleaung lam py, adyh parai nai ne.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

Ezekiela 35:13

Nang ly kai ai ka-awi sa iy atyhtyh naimy amlyh nai leu katheu nai py, kai ly thai nai ne,” napi.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

DANIELA 5:27

Sie khyry neh, nanai i awm nai sai ly nang ai neh naira y ang neh i, kaji by y veng bo, nanai ne.

MALAKHI 3:13

Areng my, “Nangchi ly kai i satang ai hawi y nai satangchi palawn iy thui u bo. Na i py nangchi my, ‘Kaichi ly nang i satang ati mana kathui u mo?’ nanai deng u.

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

JOSUA 22:22

“Sa thai naira len parai nai keung ly Tameuh ne! Mymy ly Areng ne. Sa thai naira len nai keung ly Tameuh ne! Mymy ly Areng ne. Achi i maicham ai ati mana nai y sa ai nai tla mo, nanai mymy ly pany. Nangchi ai py pany hai ai nai ngai. Kaichi ly Areng ai tiu iy, ka-ym by y baly tlang heng ai nai pei moh!

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

TARA CHIH NAI KEUNGCHI 9:38

Huna nai khala Zebula my, “Nang i leu ali len nai ly vai, ma mang y tym pawn mo? Hini Abimelek i miseaung y achi mana awm u nai mo? nanai thui nai khumi ly nang ny y a? Huni khumichi ly nangmy khumi aniu y na pa-rei thui nai khumichi ne. Vai, nang ly theu iy, nichi ai tiu jau ba,” napi.

1 SAMUELA 16:7

Na i py Areng my ni teng y, “Hini khumi i jeng asang nai hawi, mo-cha hawi nai ly khen moh; kai ly khumi kamta chih nai ny y; huna nai y kai aly ngai y; khumi ly angam mang i awm nai sai khen reng; kai ly paleung ai khen nai ne,” napi.