1 SAMUELA 2:2 - Khumi Common Language Bible

² Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.

1 SAMUELA 2:2 Iomraidhean Croise

2 SAMUELA 22:3

Kai i Tameuh ly kai ai atleu nai deaungkho y, kai ly chymme naira nga bo. Mymy ly khupui kamta kai ai ama hai; mymy ly kai mang y asa hai iy kai ai chymme naimy ang khai bo. Mymy ly kai i atleu keung ne; kai ai ama hai iy pahyp y naimy ana naira i py atleu bo.

2 SAMUELA 22:32

Areng leaungrei naini Tameuh ne; Tameuh naini achi i abyhra ne.

2 SAMUELA 7:22

Aw Areng, nang ly khri pa-rei nang parai na ly! Kai i thai nai ryrei nang hawi atawm nai Tameuh, nang ny y baly Tameuh takhra by y.

1 ARENG KEH 8:23

“Aw Israela chengchi i Areng Tameuh, kani mang y py, khaileaung y py, nang hawi atawm nai tameuh ly by y; nang i khumichi ly nang i leu ai paleung hawi verei tangai nai khala y, nang ly nichi hawi asa nai Leu Maikawm ai khaw hai iy, nang i pahen nai patei pi ba.

SAM 111:9

Mymy ly mymy i khumichi ai tlamsa naira pei chum baly, nichi hawi deungtasarei Leu Maikawm asa bo. Mymy ly kachai ne iy sa thai naira len parai na a!

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 18:31

Areng naini Tameuh ne; Tameuh naini achi i abyhra ne.

SAM 71:19

Aw Tameuh, nang i leu meitang adyh adawi nai ly kani mang y khrairei tym nai ne; ati mana nai mo nabaly nang ly nang parai nairachi sa nai deaungkho y ne. Nang hawi atawm nai khumi leaungrei py by y.

SAM 71:3

Nang ly kai i abyhra lengseaung pui ne; kai ai ama hai ai nai molam y, khaw parai nai lengseaung apai lawm ba; nang ly ai i abyhra, kai ai ama hai nai keung ne.

SAM 73:25

Kai i vui ly nang ny y baly kani pri mang y ami awm ai mo? Nang ly kai hawi vanrei awm baly, khaileaung pri y ati aly ngai rai mo?

SAM 86:8

Aw Areng, nang kamta Tameuh ly by y; nang i sa nai kamta mani tameuh py so vai y.

SAM 89:6

Aw Areng, kani pri mang y nang hawi atawm nai ami awm mo? mani kanicho ly nang hawi pata pajau ai mo?

SAM 89:8

Ati cheaungkhang sa thai nai keung Areng Tameuh, nang kamta phum-ang len parai nai ly by y; aw Areng, nang ly cheaungkhangra y ka-ym awm nai ne.

SAM 99:3

Khumi bawibawichi ly mymy i nang parai naimy ka-jei hawi nai amyn palo u ai; mymy ly chai parai nai ne!

SAM 99:5

Achi i Areng Tameuh ai ly palo u; mymy i areng atehra mo y lu meung iy chiu u! mymy ly chai parai nai ne.!

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

ISAIA 40:18

Tameuh ai ly ami hawi pata pajau ai mo? Mymy i mo-cha ai nangchi ati mana thui thai ai mo?

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

JEREMIA 10:6

Aw Areng, nang ka-tawm Tameuh harei py by y. Nang ly ati cheaungkhang sa thai nai keung ne. Nang i amyn ly nang parai iy phum-ang kawi angym nai ne.

Levi 11:44

Kai ly nangchi i Areng Tameuh ne; kai ly kachai ne i, nangchi py chai ai nai tla.

Levi 11:45

Kai ly nangchi i Tameuh lawm ai nai nangchi ai Aikupta pri i dengdairei pahawi nai keung Areng ne. Kai ly kachai ne i nangchi py chai ai nai tla.

Levi 19:2

Israela khumi mipuichi i vui leu pei nai ly “Nangchi i Tameuh, kai Areng ly kachai ne nai deaungkho y, nangchi ly chai ai nai tla.

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

ROM AVANGCHI TENG Y PAWLA I CHA PA NAI 4:8

Areng my kamngo palawn y nai khumi ly taham hawi,” napi.

Leu Thui Nai 3:24

“Sa thai naira awm nai Areng awi, nang i sa ai nai nang parai iy lyh ai hawi naichi ly kai ai pany huihai nai ryrei patei kyh ba. Kani mang py, khaileaung mang py nang ka-tawm nang parai nai Tameuh by y leang!

Leu Thui Nai 32:20

Areng my, ‘Hini khumichi ly paleung tang iy, ka-ym by y naichi ne; kai ly nichi ai kasabawm y leang bo,’ ‘Naibaly nichi ati lawm u na mo, nanai kakhen cham ai.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 4:35

Areng naini Tameuh ne, nanai, tameuh takhra by y, nanai, hunichi hawimy nangchi ai pany hai bo.

Leu Thui Nai 4:39

Hunai deaungkho y Areng ly kani hawi khaileaung salo i Tameuh ne. Tameuh takhra by y leang, nanai py pany u jo ba.

I PETERA 1:16

ati mana nai mo nabaly, “Kai ly kachai ne nai deaungkho y nangchi py kachai awm ai nai tla,” nanai tajiu nai awm chy bo.