1 SAMUELA 12:3 - Khumi Common Language Bible

³ Vai, kaimy awm nai thym khala y, sa tamang nai kamngo saisairei awm lawh teu baly, Areng i mo y py, mymy khai takhra pi nai samrang i mo y py, nangchi ly kai ai neng hai iy thui pi u; kai ly ami i si kala vui nai awm mo? Ami i keaungngo kano kasau ai, teng y naimy kala vui lawh mo? Kai ly khumi leaungrei ai li-tapawp nai mo, ana nai mo kasa vai a? unchi kala vai a? hina nai saisairei kasa nai awm lawh baly, kai ly hunichi kape teang ai,” napi.

1 SAMUELA 12:3 Iomraidhean Croise

2 SAMUELA 22:22

Kai ly Areng i reita leu pei naichi tangai nai ne; kaimy i Tameuh ai nithun thun vai y leang.

NEHEMIA 5:11

Nichi pe ai awm nai tangka, choh, kreip hang hawi olive asitui kalai bawibawichi pe hai y naimy pahen pi vui sina. Nichi i lichi, kreip akhochi, olive akhochi hawi yhmchi ai vaimy pei pi u teang sina,” napi.

SAM 15:5

Nichi ly katy lo y naimy, mychi i tangka alai ai nai pei reng; kamngo by y nai khumichi ai pasum ai nai molam, un langseaung la iy pany hai pi nai leu thui vai y. Huna nai khumichi ly chymme naimy awm jo ai.

THEU NAI 20:17

“Ami i yhm hlau paleung no moh; ami i aju py, miseaungchi ai py, tawnbawichi py, keaungngo kano kasauchi py, mymy i atitichi py paleung no moh,” napi.

THEU NAI 23:8

Un cha nai khumi ly tara lam kateng niu y i, khumi kahawi ai phra hai pajau deaungkho y, un cho moh.

LEU KACHENG 15:27

Tau hawi y nai leaungsai hawi, kamran nga ai nai atho sa nai ly my i yhm dengtheungchi ai patangra tym hai ai; un langseaung lo y nai khumi ly heng sau ai.

Levi 6:4

Hunichi theung i sai sairei sa tamang nai khumi ly pei pi ali teang ai nai tla. Huni ly kamngo tla, nanai apany nai kani y, my i la vui nai tangka bo y yhmkeung teng y chungphy apomrei peh ai nai tla.

Kati Nai 16:15

Hunaibaly Mosi ly nini i tlang tleaung y khri pa-rei kado theu i Areng teng y, “Hini khumichi i talam nai kapathyprachi ly kawn pi mo kyh. Kai ly nichi theung i leaungrei ai py hawi y nai kaso y leang. Nichi teng i keaungngo kano kasau harei py kalo pi vai y leang,” napi.

MATTHAI 22:21

Naibaly mymy ly nichi teng y, “Tumbaly Kaisara i atitichi ly Kaisara teng y pei u ly: Tameuh i atitichi ly Tameuh teng y pei u bei,” napi.

LUKA 19:8

Naibaly Zakai ly angdo i Areng teng y, “Khen cham Areng, kai i yhmtheaung ka-hyhrei kamawnchi teng y kapei ai; naibaly ami teng i py atiti um paviu teu i py pyh palyhrei kaheung teang ai,” napi.

AMTAW 20:33

Ami i muku tangka mo ateaung mo kai paleung no y leang bo.

II KORINTH 12:14

Khen cham, hini ly nangchi teng y kang jeu ai nai tlen thomrei angveirym nai ne: naibaly kai ly nangchi ai myn ji kang patei y leang mang; ati mana nai mo nabaly nangmychi teng i nga ai nai kang hau nai ny y leang, nangmychi ai kang hau nai teu: chanauchi my ly amhm ampo i vui pateung pi achu ai nai tlo y leang, amhm ampo my naini chanauchi i vui pateung pi achu ai nai tla.

Leu Thui Nai 16:19

Nichi ly tara chih nai khala teng y nai hawi meimai khen ai nai tlo y, un tangka py cha ai nai tlo y. Huni un langseaungchi ly khumi kachengchi hawi khumi kahawichi i mei paju hai iy, tara lam tamang hai reng nai ne.

I THESALONIKA 2:10

Nangchi ym nai khumichi i tlang tleaung y kaichi ly chai parai nai hawi, hawi parai nai hawi, cheh ai by y nai pa-rei awm nai sai ly nangchi hawi Tameuh py pany hai nai keung ne;

I THESALONIKA 2:5

Naibaly nangchi my pany u chum nai kamta ly kaichi ly palo hawp nai leu mo, heu nai paleung ano naira mo tlen py teaung vai y; Tameuh my pany hai nai keung lawn bo;

I PETERA 5:2

Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

1 SAMUELA 10:1

Naibaly Samuela ly Olive asitui adym sa iy, Sawla i lu y lei chum baly ni ai pachawm naimy, “Areng ly nang ai mymy i khumi Israela chengchi i samrang y khai takhra pi bo; nang ly mymy i khumichi ai peang iy, paleung ka-echi my ana naira i nai, ama ha ai nai tla ai. Areng ly nang ai mymy i khumichi ai peang nai keung lawm hai iy khai takhra pi bo, nanai ka-ma-ra ly hini ne.

1 SAMUELA 12:4

Khumi mipuichi my, “Ny y leang, nang ly kaichi ai tapawp nai py, kaichi ai ana nai py awm vai y leang; ami i vawnsai py la pi vui nai by y leang,” napi.

1 SAMUELA 12:5

Samuela my, “Kai i tlang tleaung y ati sai py kamngo by y leang, nanai nangchi niu nai ly Areng my pany; mymy i khai takhra pi nai samrang py pany nai ne,” nanai thui pi baly, mipuichi my, “Ne mang, Areng ly kaichi i pany hai nai keung ne,” nanai thui u bo.

1 SAMUELA 2:35

Kai i tlang tleaung y ka-ym awm iy, kai i kangai sa ai nai pathyp pi nai keung leaungrei ai, kaimy vawi takhra ai. Ni ai katu chanau thawn hai ai. Huni khumichi ly kaimy khai takhra nai samrang i mo y kalop sa u jojo ai.

1 SAMUELA 24:11

Kai i ngaai awi, khen cham rai, kai i kiu y syn nai baichu kangjiu tawmchy ai khen cham! Kai ly nang ai padei ai nai nga teu i py, hini baichu tawnchy ai naini kao khyh; nang ai tiu ai nai hawi padei ai nai kai ly paleung ka-dawn by y, nanai hinira y samrang nang ly pany ai nai avo. Kai ly nang ai sairei py tamang vai y teu i py, nang ly kai ai padei ai nai hau nai ne.

1 SAMUELA 24:6

Hunai deaungkho y mymy i khumichi teng y, “Areng my khai takhra nai samrang, kai i yhmkeung ai dei ai nai pa-rei so y ai nai, Areng my kai ai paka sy! Samrang ly Areng my khai takhra nai samrang ne nai deaungkho y, kai ly ni i tlang tleaung y ka-jeira maidenreichy py, tym hai ai nai avo y!,” napi.

1 SAMUELA 24:7

Hunai deaungkho y Davida ly mymy i khumichi teng y, Sawla ai tiu ai nai avo y, nanai hawihai palai pany hai bo. Naibaly Sawla ly ang thau iy, tapiu i nai theu teang bo.

1 SAMUELA 26:11

Areng my khai takhra nai samrang ai padei y ai nai, kai ai Areng my paka na sy. Ani ly samrang i tivi hawi tui adym la iy, theu hawi sina,” napi.

1 SAMUELA 26:9

Na i py Davida my, “Nang ly samrang ai padei ai nai avo y! Areng ly mymy i khai takhra nai samrang ai padei nai khumi ai ly pajeng takengkei ai.