Zẹfanaya 3:8 - FỊAFỊA BAỊBỤLỤ

⁸ KỊNỊNYANAḄỌ ḅe ḅẹẹarị, “Paa koruu; à saakị tẹ ḅẹrẹ ḍuko sịẹ-sịẹ ma sịḅị sẹịn ḅarị ene mẹ koruu. Àrị ì ḅioḅẹngbọ mịẹ kụrọma tẹ sịẹ-sịẹ ma na amadapụ daarị ayọ ma na kobiri ḅo, mịẹtẹ ị̀ ịganị mẹ kụrọ ini ịnọ ḅẹ ḅara. Ì owi ịganị mẹ ḅẹ kọrị-fịnị bebe tomikiri mẹ guluguluma ḅa.”

Zẹfanaya 3:8 Iomraidhean Croise

Devidi-Anume 12:5

KỊNỊNYANAḄỌ ḅe ḅẹẹarị, “Kụma mịọkụ à ḅo ḅa, in mịẹ ḅẹ ọkụ ofori apụ ma ponomarị ẹrẹsị, tẹ ịn ḅaa ḅẹ ḍọkịarị apụ fụka ye ḅụ iningiarị. In ḅii sime-ḅara ḅụ à ḍụkụ tẹ ye ịn la ḅịa.”

Devidi-Anume 123:2

Fịrịmẹnjịḅọ ọ̀ sịḅịdaḅọ ḅụ sịrẹrẹ ḅara, fịrịmẹnjị-ẹrẹḅọtụḅọ á sịḅịda-ẹrẹḅọ ḅụ sịrẹrẹ ḅara, mị-ḅara ḅụ wa tọrụ sakị í ḍiki-ḍiki-ḍiki ḅa, Yei KỊNỊNYANAḄỌ, wamịna Tamụnọ, nwenii ị́ ọkụrụkụrụ nyana wa pịrị sakị la.

Devidi-Anume 27:14

KỊNỊNYANAḄỌ ḅe kẹ ḅiokpọmaa. Ò mininii, ḅioḅẹngbọ ḅịkị ma. KỊNỊNYANAḄỌ ḅe kẹ ḅiokpọmaa.

Devidi-Anume 37:34

KỊNỊNYANAḄỌ ḅe kẹ ḅiokpọma tẹ ọ̀ tọn aị ma kokoo: ọ̀ kụn kẹ ị́ pịrị ḅa amakiri mẹ kẹ ị́ pịrị ḅụ, tẹ ị́ ẹrị ḅa si-sịḅịḅio-sụa ḅọ ḅe ini ò dee pakama tẹẹ.

Devidi-Anume 37:7

Inema tẹ KỊNỊNYANAḄỌ ḅe koruu, ọ̀ mịẹ ḅa: lọkọlọkọarị apụ ma gotẹ ị́ ḅụụ-fụkama ma, anịanịa amịna si amịẹaị ịn tọn ḅara pakarị apụ ma.

Devidi-Anume 62:1

Àrị inema tẹ Tamụnọ koruarị, ori ị̀ ḅọrọma ḅẹ ḅara; ori ngẹrị ḅụ mie à sịrẹrẹ wararị.

Devidi-Anume 62:5

Tamụnọ ngẹrị ḅụ mie à sịrẹrẹ wararị; ori mie à kẹ ḅiokpọmarị.

Devidi-Anume 79:5

KỊNỊNYANAḄỌ, ị́ ịganị wa pịrị gbamaso ḅa aro? Ị́ ịganị mẹ fịnị kọrị ḅara kọrị tọrọkọ-tọrọkọ mu ḅẹ?

Devidi-Anume 79:6

Ị́ ịganị mẹ pịkị sịẹ ma tẹ sunsin ị́ pịrị-a apụ ma da, kẹ ị́ tẹkẹ-a apụ ọgọnọ sara.

Egberima-Ẹkwẹn 20:22

Ḅarana tomḅọ kẹ ị́ mịẹ siye ḅẹ gbẹẹ-ye kẹ mḅọ gbẹẹ ma. KỊNỊNYANAḄỌ ḅe kẹ ḅiokpọmaa, ori anị tẹlẹma ḅa.

Sọlọmọnị Ḅẹlẹtẹịn Nume 8:6

Ị́ ḅioḅẹngbọ gbaịn ḅẹlẹma goyegoye pịrị, ì nye sikima tẹ; Gbọrụḅọ-sọ na olo sọ ma, ì sikima tẹ. Ḅẹlẹma fị kụrọ ḅara kụrọm; ye gotẹ lẹlẹ pịkị ọkọ kẹ fị kụrọ kọnm. Anị veremuma kọrị paka tẹ orumo ḅara kẹ ye dọkịmarị.

Ayịzaya 14:26

Mie à kẹ ye tọn tomikiri mẹ pịrị ḅara, tẹ ị̀ ḅara-kọngọ paa sụụn-paka wararị kẹ sịẹ-sịẹ ma fomu.”

Ayịzaya 30:18

Anịsọ KỊNỊNYANAḄỌ ḅe paa koruarị ori ọkụrụkụrụ nyana ọ́ pịrị. Ọ̀ tẹlẹma wararị ò ḍiki sịḅị-jịrị, sakị mamgba ò kuraye mịẹarị ẹrẹsị. Ḅioḅẹlẹ sime KỊNỊNYANAḄỌ ḅe kẹ ḅiokpọmarị apụ ma pịrịm.

Ayịzaya 34:2

KỊNỊNYANAḄỌ ḅe ịganị nyana sịẹ-sịẹ mamgba na ịna ọmụ-ogbo mamgba na pịrị wararị. Ọ̀ tọn pẹlẹ tẹ ịn fịị gulugulu ḅa.

Ayịzaya 63:6

Ị̀ ịganị ḅụ à bebe sịẹ-sịẹ ma nanga kọsịmam. À nwẹnị ịna ḍumo ọmbie mẹ ọsụma kiri ḅio sara.”

Jerimaya 10:25

Ị́ ịganị pịkị siin sunsin ị́ pịrị-pịrị-a apụ ma ọgọnọ gbana pịkị ị́ sịkịarị apụ ma ọgọnọ sọ. Ini ị́ atomi ḅaa tẹẹ; Ịn gbọrsịḅị wa ḅaa-guluguluma tẹ wamịna ama kaan-sara tẹ yọ sọ tẹẹ.

Hosiya 12:6

Mie ḅụ mịọkụ, Jekọbụ furo-ḅẹ-apụ, ọmịnị ọmịna Tamụnọ kẹ ḅiokpọma tẹ pịkị ọ̀ dama-mu. Ọ́ ḅioḅẹngbọ-kẹ-sịrẹrẹ-niḅi ḅara sime tẹ jụmọ la kiri kẹ mḅọ pịrị tẹ inema tẹ koru, ọmịna Tamụnọ ḅe ye mịẹ ḅa.

Jowẹlị 3:2

À sịẹ-sịẹ mamgba kobiri tẹ ịn kẹ ‘KỊNỊNYANAḄỌ Ḅe Ḅẹrẹkọn-arị’ sịn tụndụ-suku mẹ ḅo ḅa. Anị anga ḅụ àrị ịn kọn ḅa, ịn kẹ ị̀ atomi mịẹ aị mamgba gotẹ. Ini Izirẹlịapụ ma gala-galama tẹẹ, kịnị tọrụ nimi-a asịẹ ḅụ tẹ ị̀ amakiri, Izirẹlị mẹ kẹ pakịrị-pakịrị ḍiya tẹẹ.

Mayịka 7:7

Kụma yẹrị kịngẹ ọkụma, à tọrụ saakị KỊNỊNYANAḄỌ ḅe ḍiki ḅa, arị ị̀ ḅọrọma mẹ ọkị-ḅo ḅarị Tamụnọ ḅe koru ḅa; ị̀ Tamụnọ ḅe ori ị̀ naa ḅa.

Habakọkụ 2:3

Anị kẹ kẹẹ koroma anị ḅo paka tẹ ye sọ ḅẹ sakị tọrọkọ-jụ ḅo ḅa ẹrẹsị. Kụma sakị mẹ sarasarama ḅoarị, tẹ à kẹ ị́ ḍiearị ye mẹ ḅo karakara ye sọ ḅa. Ẹbịsịya anị fọnya ḅo-a ḅara kịka ḅa, kụma anị koruu, gbarị-a ḅara ḅụ anị paka ḅa, anị sime ala ḅịa.

Zẹfanaya 1:18

Anị ene mẹ ḅụ, KỊNỊNYANAḄỌ ḅe ori owi-ịganị ḍie-pakama ḅarị sakị mẹ ḅụ, ịna seleḅa na golu na kịngẹ sọ ịn ḅọrọma ḅịa. Ori ịganị ḅụ fịnị bebe tomikiri mẹ guluguluma ḅa. Ò tomikiri ḍumo simearị ḅọ goḅọ-goḅọ ḍumo kẹ ḅo kunoma lama ḅaa-a bẹkẹ kunoma.

Hegayị 2:22

tẹ amadapụ daarị ayọ ma pịkị-ḅo tẹ ịna kụrọ kẹ ḅo kunoma lama ḅa. Àrị ịna kirimẹnjị-ọmụarụ ma na arị dọkụarịapụ ma na pịkị iḅo ḅa; asụ ma fịị ḅa, tẹ arị dọkụ mẹnjịarị apụ ma jụmọ-jụmọ ḅaa ḅa.

Matiyo 25:32

tẹ tomikiri ḅẹ asịẹ mamgba ḅụ simearị atomi ma ḅo ọ̀ tọrọkọ kobiri ḅa. Anịtẹso ori ịn kẹ maa anga ḍiya ḅa, anie anana-ḍikiḍikiḅọ oḅori ma ḅụ amịna anana sẹlẹ sikima ḅara.

2 Pita 3:10

Kụma furuḅọ ḅo ḅara mie KỊNỊNYANAḄỌ ḅe Ene mẹ ḅo ḅarị ḅara. Anị Ene mẹ ḅụ So ma ịmaịn-faa ḅa, ḅeri-iningima ḅẹ ḅara ḅẹ fieye ḅụ, tẹ So-tọrụ simearị aị mamgba dọkị gulugulu-faa ḅa, tẹ kiri mẹ na anị ḅio sime ye goyegoye na ịmaịn-faa ḅa.

Mịẹfinji 16:1

Anịtẹso Tamụnọ-warị mẹ ḅio gbọrụ opu pọkọ sime tẹ sọnọma enjẹlị ma ḅẹẹarị tẹ à naam, “Ó mu ịn Tamụnọ ịganị ma kẹ sụa wararị sọnọma abọlị ma ḅio simearị aị ma ọsụma tomikiri mẹ ḅụ sara-a!”

Mịẹfinji 16:14

Ini ma anie ḅụụ-buama-aị mịẹ-mịẹ oru si-atẹmẹ. Mịna tẹra si-atẹmẹ ma nwẹnị mu tomikiri sime amadapụ mamgba kobiri ḅo mịnẹ in ḅo Kụrọmamgba Nyana Tamụnọ ḅe opu Ene mẹ ḅẹ ọmụ mẹ gbin.