Zẹfanaya 3:6 - FỊAFỊA BAỊBỤLỤ

⁶ KỊNỊNYANAḄỌ ḅe ḅẹẹarị, “À sịẹ-sịẹ ḅaa fama tẹẹ; àrị ịna opu ama ma kan guluguluma tẹẹ, onu ma na tawa ma na tẹ kirikọn-aị ma sii kọsịtẹ simearị. Opu ama ma ini arị koroma mangị-so tẹẹ; etela ma kịnị ofori ḅara kẹ emi — kiri kọn gbọrụḅọ-sọ ofori.

Zẹfanaya 3:6 Iomraidhean Croise

Ayịzaya 14:26

Mie à kẹ ye tọn tomikiri mẹ pịrị ḅara, tẹ ị̀ ḅara-kọngọ paa sụụn-paka wararị kẹ sịẹ-sịẹ ma fomu.”

Ayịzaya 37:36

KỊNỊNYANAḄỌ ḅe gbọrụ enjẹlị nwẹnị Asiriya ḅẹ ọmụapụ ma sime yọ mẹ mu tẹ ọmụapụ ma ḅẹ kịnị tẹra puku fa suei na sọnọ ẹndẹ na ḅaa. Ene ḅaa sakị inimgba anịanga fịị sara wararị!

Ayịzaya 6:11

À nwẹnị gbela, “KỊNỊNYANAḄỌ, ọkị mu tọ-sakị la ye anị nwẹn kẹ mị-ḅara sime ḅẹ?” Ọ̀ nwẹnị pakịrị, “Nwenii ama ma fa tẹ gbin koro-sime; nwenii warị ma kịnị ḅarị anga-a tẹ koro-sime; nwenii amakiri mẹ ḅioju papaa koro-sime.

Jerimaya 9:12

À nwẹnị ḅẹẹ, “KỊNỊNYANAḄỌ, tiye ẹrẹsị ị́ amakiri mẹ sima kọsịma tẹ anị kẹ ịkpa samụnọ ḅara samụnọmatẹ gbọrụḅọ-sọ ye-muarị tẹ ḅarị anị ḅụ mẹnjị tolu-ḅọrọ-a? Tụḅọ ye-nimi ḅo anị fiearị ye naa ḅiri la ḅẹ? Ị́ anị ḍuko finji pịrị tẹ inetẹ anị ḍuko jen-apụ pịrị ḅẹ ḅọ tụḅọ?”

Lẹvitikọsị 26:31

Anịsakị arị ọmịna opu ama ma kẹ gulugulu fatẹ ye ayọ ḅara wẹrị ḅa, tẹ ọmịna fịafịa ayọ ma mịẹtẹ arị faa ḅa, anịsakị ọmịna ḅụụ-ḅẹlẹma akụnụ ḅarị ḅo ì nini la ḅịa.

Zẹfanaya 2:5

Filisiteniapụ ọ́ fa tẹẹ, ọmịnị tọrụ akaka angarị apụ. KỊNỊNYANAḄỌ ḅe ḅẹrẹ-pẹlẹ ọmịna ọgọnọ gbana tẹẹ. Ori ọ́ ḅaa guluguluma ḅa, tẹ ọmịna ḅụ gbọrụḅọ-sọ kiri kọn ḅịa.

Zẹkaraya 7:14

Erise ḅara ḅụ àrị ini ọfịn so mu ja sịẹ ḅụ angamam. Mị iḅi amakiri mẹ nwẹnị papaa fatẹ gbin koro sime, gbọrụḅọ-sọ anị ḅio anga-a ḅara ḅụ.”

Matiyo 23:38

Tẹ mie ḅụ, ị́ Tamụnọ-warị mẹ ini anị koroma mangị tẹ anị papaa gbiin-koro sime ḅa.

1 Kọrịntị 10:11

Nwẹn ịna aḅụụ paka aị mamgba ịn kẹ tọnma aị sọma wa pịrịarị, tẹ ini arị kẹẹ koroma tẹ kẹ wamịna ḅeri nụnụarị. Gbala wa nwẹn simearị tomikiri mẹ fa ḅẹ sakị laa ḅẹ tẹ.

1 Kọrịntị 10:6

Mịọkụ, mie mẹmgba tọnma ye sọ tẹ wamịna ḅeri nụnụarị, mịnẹ wa si-aị sọlịma ma, ịn wẹrịtẹ mịẹ ḅara,

Jọsụwa 23:4

Ḍikii, sime anga kẹ ọmịna afuro ma pịrị ḅara ḅụ, mịna opu asịẹ mamgba tẹ sịẹ-sịẹ ma na sime gboloma opu asịẹ tẹ Jodanị mẹ ḅụ ọkị mu ịrụa-ideriarị-anga ḅụ Gburo-gburotẹ Opu Tọrụ mẹ la ḅụ à pẹlẹ-siin tẹ aị ma à nwẹn ḍie kẹ ọ́ pịrị tẹẹ.