Zẹfanaya 3:4 - FỊAFỊA BAỊBỤLỤ

⁴ Ịkịankoroapụ ma ḅẹrẹtọn pịrị ḅọ ofori apụ ḅara kẹ amịna ḅụụ ọkị tẹ mbasịarị agbamịẹapụ ma fịafịa ye mẹ pilemarị, tẹ Tamụnọ oloko mẹ fangala ḅo anị sọye mịẹ ịn pịrị ḅẹ ḅara wẹrịarị.

Zẹfanaya 3:4 Iomraidhean Croise

Ayịzaya 9:15

Omongitẹ kụn kẹ pịrị na-iḅi apụ ma anie sịḅị mẹ — tẹ etemi mẹ nwẹnị iruo aị tolumarị ịkịankoroapụ ma!

Jerimaya 23:32

Yẹrị, KỊNỊNYANAḄỌ ḅe, ḍukoarị ye pokii! Ịkịankoroapụ ma tẹ amịna iruo aḍawọ ma ḍuko arị apụ ma, arị ini na tụḅụrụarị. In mịna aḍawọ ma ḍuko tẹ ịna iruo-aị ma na ḅụụ-boma na kẹ ị̀ atomi da irimarị. Yẹrị ịn fịrịma-a, anịanịa tọn ịn pịrị in mu, tẹ gbala-gbala gbọrụ ḅarasụa sọ ịn nyana tomi ma pịrị-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 34:19

Juda na Jeruselemu na ḅẹ sịḅịdapụ ma na, amada-warị mẹ ḅẹ fịrịmẹnjị-opuapụ ma na, agbamịẹapụ ma na, amakiri mẹ ḅẹ atomi mamgba na tẹ nambulo ḅe maa apakịrị ma ogboku mẹnjị ḅọrọ apụ ma,

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Kururu Owu-apọkọ 2:14

Ị́ ịkịankoroapụ iruo ịkịan na, oḅori kẹ ị́ sịn ịkịan na, koro-koro ị́ pịrị tẹẹ; ini amụ ị́ mịẹ-irima mẹ mịẹ pakama-a kẹ sime ị́ pịrị aị pịkịma-ḅo, kụma iruo aị na, kịnị irima aị na mie ini ẹrị-ẹrị ị́ pịrị yee.

Izikẹlị 22:26

Agbamịẹapụ ma ì oloko kan-arị, tẹ kụn nyana fịafịa ye nwẹn-sịn ye pịrị-a. Ịn kịrị mịẹ-a tọn-tọnye na tọn-tọn-a ye na ogboku. Fịafịa ye na fịafịa-a ye na ḅẹ kịrị in toluma-a, ịn pịkị Ịnyọsara-Ene mẹ ḍiki-tọrụsin-arị. Ma ma dogi-ḅo ye anie Izirẹlịapụ ma ḅarị ị̀ mangịma-a.

Izikẹlị 22:6

Izirẹlị sịḅịdapụ mamgba ịna soku-ḅẹ ịnyọ kẹ ḅiokpọmarị tẹ kura-a ḅara kẹ kịnị ḅaarị.

Izikẹlị 44:23

“Agbamịẹapụ ma ye kẹ ị̀ atomi toluma tẹ ịn fịafịa ye na fịafịa-a ye na ogboku simearị kịrị nimi, pịkị Tamụnọ tẹkẹ mịẹ-mịẹ ḅụ fịafịa ye na fịafịa-a ye na.

Hosiya 9:7

Fomu-ḅara sakị ḅo tẹẹ, tomi sime ịn pịrị gbẹẹ-ye ọkị ḅẹ sakị mẹ. Anie mẹ pakarị sakị, Izirẹlị anị nimi ḅa! Ọ́ ḅẹẹarị, “Ḅị ịkịankoroḅọ ḅe oḅori ḅọ. Ḅie tẹmẹ-jikematẹ tomḅọ ḅe ọ̀ sịḅịḅio-kuḅua.” Ọmịna si ḍụḅa ḅaka ḅara ẹrẹsị ọmịnị tomi ma ì ḍiki-ḅioḅuarị.

Mayịka 2:11

Iruo-iruo oḅori-kẹ-kịnịsịn-arị tomḅọ tẹ ḅẹẹm, “À tọnwa iru na, fịaị na ịkịan koro ọ́ pịrị ḅa nwẹn ḅẹẹ ḅọ” mie ịkịankoroḅọ sọ mịna atomi ma pịrị ḅarị ḅọ!

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Malakayị 1:6

Kụrọ mamgba nyana KỊNỊNYANAḄỌ ḅe agbamịẹapụ ma ḅẹẹm, “Owiḅọtụḅọ amịna ḍaḅọ kụn-arị, tẹ fịrịmẹnjịḅọ pịkị amịna sịḅịdaḅọ kụn-arị. Yẹrị ọmịna ḍaḅọ — tiye ẹrẹsị ọmịnị ị̀ kụn-a? Yẹrị ọmịna sịḅịdaḅọ — tiye ẹrẹsị ọmịnị ị̀ mangịma-a? Ọmịnị ì ḍiki-simarị, tẹ anịsọ ó gbelarị, ‘Ndẹẹ wa kẹ í ḍiki-sima ḅara?’

Malakayị 2:7

Karakara Tamụnọ nimi toluma, anie sime agbamịẹapụ pịrị fịrị. Kịnị mu-mu tẹ ịna aḅara à ḅiiarị ye ḍawọ, ini anie Kụrọmamgba nyana KỊNỊNYANAḄỌ ḅe oku-mẹnjịapụ ẹrẹsị.

Malakayị 2:8

Kụma mịọkụ ọmịnị agbamịẹapụ ma karakara mịẹ ḅụ pịkị-so tẹẹ. Ọmịna tolumayee mịẹ tẹ tọnwa-apụ iri-ye mịẹ tẹẹ. Yẹrị na ọmịnị na fị ọḅọkụ mẹ ọ́ kan tẹẹ.

Matiyo 7:15

“Ọmịnị iruo ịkịankoro apụ ḍiki ḅụụ kịẹn; ini ọ́ ḍọkụma-ḅo ḅarị sakị anana oju mie ịn sụa tẹ ḅo ḅarịye, kụma ḅioju ḅụ ini ma anie karakaramatẹ piri ḅio anana kun pẹị-pẹị anama.

2 Kọrịntị 11:13

Arị atomi ma ḅioju karakara fịrịmẹnjịapụ-a — ini ma iruo afịrịmẹnjịapụ, tẹ ịna kọrịnama mẹ ḅụ iruoarị, tẹ ịna aḅụụ ḍima tẹ kẹ karakara Kịrayịsị fịrịmẹnjịapụ kịkamarị.

1 Jọnị 4:1

Ì iḅi ikiapụ, ọmịnị ọ́ ḅẹẹarị mịnẹ ịn Fịafịa Tẹmẹ ḅe nyana wararị ḅẹẹ apụ mamgba minini ma, kụma ọmịnị ịn tọn ḍiki tẹ nimi ịn nyana tẹmẹ mẹ Tamụnọ ḅara ḅoarị ḅoto. Kẹ gotẹ ọkọ ḍukoarị, tọnwa iruo ịkịankoroapụ anga, anga ḅụ saakị paka tẹ.

Mịẹfinji 19:20

Ịn nwẹnị kịnị-ḅaaḅa opu nama ḅe na ọ̀ tọrọkọ ḅụụ-buama-aị mịẹ iruo ịkịankoroḅọ ḅe na kun ọkị. (Mịna ḅụụ-buama-aị ma ḅụ mie ọ̀ ḅọrọ tẹ oḅori kẹ ịn kịnị-ḅaaḅa opu nama ḅe elekima mẹ kẹ ḅụụ ḅụ sụa apụ ma na, ọ̀ fụḅara mẹ tẹkẹ apụ ma na sin-arị ye.) Ịn kịnị-ḅaaḅa opu nama ḅe na, iruo ịkịankoroḅọ ḅe na kẹ fịị-a ḅara kẹ ọpọlị balị kọrị ḅara kọrịarị fịnị tọrụ ḅio gbin suum.

Ḅẹrẹkọn-apụ 9:4

Ịn nwẹnị Balị-Biritị warị ḅio seleḅa pakịrị tesi oyi finji pakama-ḅo ọ̀ pịrị, aniemẹ tẹ Abimẹlẹkị kẹ inima tẹ ò ḍukamẹnjị papaa ngoro-ngoro-atomi ọkọ ye mẹ.

1 Samụẹlị 2:22

Mịọkụ Ịlayị omongi lama tẹ, tẹ ori owiapụ-awọmẹ kẹ Izirẹlị mẹmgba mịẹarị ye mẹ na, ịn wẹrịtẹ ereme ma tẹ mẹnjị tomi kobiriarị Akpụrụ-warị mẹ sọarị ḅọkọ mẹ tọrọkọ fịrịmẹnjịarị apụ ma na ḅọlọlọ gbolomarị ḅara na naam.