Zẹfanaya 3:2 - FỊAFỊA BAỊBỤLỤ

² Amụ anị KỊNỊNYANAḄỌ ḅe poki-a, anịanịa ò ḅeri nụnụ fomu-ḅara mẹ daa-ọkị. Amụ anị KỊNỊNYANAḄỌ ḅe kẹ ḅiokpọma-a, anịanịa ọ̀ ḅarasụa ḅii.

Zẹfanaya 3:2 Iomraidhean Croise

Nehimaya 9:26

“Anịsọ in ḅịḅị poki-a, tẹ sịḅị kụrọma ị́ pịrịm, tẹ ị́ oloko kẹ ịna ọḅụ gbin koromam. Ini ịkịankoroapụ ma tẹ ịn pịkị-ḅo ị́ pịrị ḅẹ apụ ma ḅaam tẹ gburo-gburoma ḅịḅị kẹ ị́ lamam.

Devidi-Anume 10:4

Si-sịḅịḅio-sụa tomḅọ ḅe ọ̀ KỊNỊNYANAḄỌ ḅe bala-a: ori opu amịẹaị ḅụ ò kuromarị ọ̀ Tamụnọ kẹ mịẹ ḅẹ ye ofori.

Devidi-Anume 50:17

Ọ́ ḍụkụ tẹ àrị ọ́ daa-karakarama-a sakị; à tọn kuroma aị ma sọ ọ́ sịkị tẹ sakị.

Devidi-Anume 73:28

Yẹrị kịngẹ kụma, à Tamụnọ na kpeki ye mẹ ḅụụ-buama ḅara ḍiki, tẹ Kụrọ-nyana tẹịn KỊNỊNYANAḄỌ ḅe nwẹnị ì kikimaḅọ sọ, tẹ arị ọ̀ kọrị tẹ aị mamgba ḍuko wasama!

Devidi-Anume 78:22

ini ọ̀ ḅụụ minini nyana-a ẹrẹsị in minini-a mịnẹ ori ịn ḅọrọma ḅẹm.

Egberima-Ẹkwẹn 1:7

Í nimi nyana ḅarị ḅẹḅẹ, tarị-tarị KỊNỊNYANAḄỌ ḅe mangịma tẹ ọ̀ ḅịḅị pokii. Yefieye-naa-a atomi nimi kẹ ye-sịn-a, ịn pịkị ye ḍawọ ḍụkụ-a.

Egberima-Ẹkwẹn 5:12

anịsakị ị́ ḅẹẹ ḅa, “Tiye ẹrẹsị gbala-gbala à ye ḍawọ ḅii-a? Tiye ẹrẹsị gbala-gbala à gbọrụḅọ-sọ ị̀ datụkụma ḅii-a?

Ayịzaya 1:5

Tiye ẹrẹsị ọ́ paa kọngọ-kụrọma ma-mu ḅẹ mọ? Ó ḅiiarị ọ́ paa fomu-ḅara da tọrọkọ-tọrọkọ mu? Izirẹlịapụ, ọmịna asịḅị puu tẹẹ, anịsakị ọmịna aḅioḅẹngbọ sọ obiarị.

Ayịzaya 29:13

KỊNỊNYANAḄỌ ḅe ḅẹẹm, “Mịna apụ ma ọkịarị in sunsin ị̀ pịrịarị, kụma ịna ẹkwẹn ma ye fie-a, tẹ ịna aḅioḅẹngbọ ma pịkị jen yọ ḅụ emi. Ịna Tamụnọ nimi mẹ gberie-sọ gberie-a, tomina oloko na ama-anganga-ḅara na kịngẹ, tẹ ịn papaa ḍawọ sịḅị ḅio suu aị.

Ayịzaya 31:1

Ḅarasụa gotẹ Ijiputi muarị apụ ma ịn fa tẹ! Ijiputi nyana wararị ḅakatẹ ọmụgbin aị ma ḅụ mie ịn sịrẹrẹarị — asụ ma na, kirimẹnjị-ọmụarụ ma na, ọmụapụ na, kụma ịn KỊNỊNYANAḄỌ ḅe ḅụ sịrẹrẹ-a, Izirẹlị tẹkẹarị Fịafịa Ḅọ ḅe, anịanịa ọ̀ ḅara ḅarasụa ḅii.

Ayịzaya 43:22

KỊNỊNYANAḄỌ ḅe mẹẹ: Izirẹlị, àrị ịnyọ kẹ ọ́ tama tẹ; ó sunsin ị̀ pịrị-a.

Ayịzaya 9:12

Siriya ịrụa mẹ saakịarị anga mẹ ḅụ, tẹ Filisiteni ịrụa mẹ tuuideriarị pakịrị ḅụ, ịna ḅịḅị finjitẹ Izirẹlị sịẹ mẹnị ḅẹ tẹ. Anị sọ KỊNỊNYANAḄỌ ḅe ịganị paa kunoma-a; ọ̀ ḅara paa sụụn-paka wararị kẹ in fomu.

Jerimaya 13:25

Ó ḍuko tẹẹ mịnẹ miemẹ anie ị́ ḅụ paka ḅẹ tẹ sime ị́ pịrị ye. Miemẹ anie ọ̀ kẹ ị́ mịẹ ḅẹ tẹ tọn-pẹlẹ ḅara, ị́ ọ̀ kẹ ḅioḅọrọma tẹ iruo atamụnọ minini tẹ ẹrẹsị.

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Jerimaya 22:21

Ye ọmịnị na loloarị sakị KỊNỊNYANAḄỌ ḅe ẹkwẹn ọ́ pịrịm, kụma ó poki ḍụkụ-a. Ọmịna ḍumo mamgba ḅụ ó miemẹ mịẹ tẹẹ; gbala-gbala ó minini tẹ KỊNỊNYANAḄỌ ḅe ḅịḅị poki-poki-a.

Jerimaya 32:33

Ini ọḅụ pịkị í gbinm; karakaraye à ye kẹ in toluma-toluma-tolumarị sọ, in poki tẹ ye ḍawọ ḍụkụ-a.

Jerimaya 35:13

Mie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm, “Mu tẹ ḍuko Juda na Jeruselemu na ḅẹ apụ ma pịrịị, ‘Ó tiye gotẹ ị̀ ẹkwẹn ma poki tẹ à ḍuko ye mịẹ ḅịa?’ KỊNỊNYANAḄỌ ḅe gbelarị.

Jerimaya 35:17

Mịọkụ mie ḅụ, yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅẹ, à minini guluguluma mamgba ọkị-ḅo ọmịnị Juda na Jeruselemu na ḅẹ apụ ma ọgọnọ gbana ḅa. À miemẹ mịẹ ḅa arị ẹkwẹn ọ́ pịrị sakị ó poki ḍụkụ-a ẹrẹsị, tẹ à pịkị ọ́ sịn sakị sọ ọ́ pakịrị ḍụkụ-a.”

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Izikẹlị 22:24

Ori mẹẹ, “Fịị-fịị tomḅọ, ḍuko Izirẹlịapụ ma pịrị mịnẹ ịna amakiri fịafịa-a, tẹ anie ḅụ àrị in fomuarị ị̀ ịganị ḅụ.

Izikẹlị 24:13

Jeruselemu, ị́ kọn sẹfị si mẹ í pilema tẹẹ. Tụkụmaye àrị ị́ kpaịnma ḅẹ mịẹm sọ ị́ paa pile tẹ simearị. Ị́ ḅarị jen kẹ kpaịn ḅịa nwenii ị́ ị̀ ịganị ḅẹ kụrọ laa ḅiri laa ḅiri da sakị la ḅa.

Zẹfanaya 1:6

Ini tẹ ọḅụ pịkị ì gbin tẹ ḅarị ì ḍukamẹnjị-a apụ ma àrị ịn ḅaa guluguluma ḅa, ini tẹ ị̀ dama-ḅo anịanịa ì gbela tẹ arị ịn datụkụma-a apụ ma.”

2 Timoti 3:16

Fịafịa Ḍiri mẹmgba Tamụnọ tomina tẹmẹ jike tẹ ịn kẹẹm, tẹ anị kẹ karakara mẹ toluma na, kura-aye ḍiki-ịganị na, mịẹkọn aị tẹlẹma na, kura ḍumo kọn ḅụ kịnị mịẹ ḅẹ ye ḍuko na ḅụ anị mịẹye ḅụ sọm,

Hiburu 10:22

Mie ḅụ, ó yee wa sọma-ḅo Tamụnọ kpeki, karakara ḅioḅẹngbọ na jike-a minini na ḅụ; ḅioḅẹngbọ ma sịkịrị fịafịa, tẹ si ḅẹrẹ-ḅarasii ponoma-a tẹmẹ ḅioḅẹngbọ na minji sịkịrị vịọịmatẹ oju ma na ḅụ.