Zẹfanaya 3:17 - FỊAFỊA BAỊBỤLỤ

¹⁷ KỊNỊNYANAḄỌ ị́ Tamụnọ ḅe ị́ na emi; Ọ̀ kụrọ owu-ḅara-iḅi kẹ ị́ pịrịarị. KỊNỊNYANAḄỌ ḅe í ḍiki tọrụ-ḅẹlẹ ḅa, tẹ ọ̀ ḅẹlẹma ḅụ ori ịwọ ḍumo kẹ ị́ pịrị ḅa. Ori í gotẹ nume-su tẹ ḍereku ḅa.

Zẹfanaya 3:17 Iomraidhean Croise

Suku-saakị 1:31

Tamụnọ nwẹnị ye goyegoye tẹ ọ̀ mịẹ tẹ ye mẹ ẹrị, tẹ arị kpọma iḅi lamam. Ḅoḅiri ḅọrọm tẹ dede ḅom, anie sonio aḍin karama ene mẹ.

Suku-saakị 17:1

Ebiramụ sịḅị gbọrụ kụra ofori kụra sọnọa si ḅọrọ tẹso, KỊNỊNYANAḄỌ ḅe amịna ḅụụ pakama Ebiramụ ḍiem, tẹ ọ̀ ḅẹẹm, “Yẹrị anie Kụrọmamgba Nyana Tamụnọ ḅẹ. Ị̀nịna gbọrụ ḅụ mẹnjị tẹ ị̀ ḅịḅị pokii, tẹ sakị mamgba karakara mịẹẹ.

Suku-saakị 18:14

KỊNỊNYANAḄỌ ḅe ḅụụ kụrọ ḅaka ye emi? Kala fẹngụ mẹ ḅio, à tọn sakị mẹ ḅụ, à pịkịma ị́ ḍọkụma-ḅo ḅa, tẹ Sera gbọrụ owiḅọtụḅọ iyi ḅa.”

Suku-saakị 2:2

Anị ḅo sọnọma aḍin karama ene mẹ la sakị, Tamụnọ kọrịnama mẹ tẹ ọ̀ kọrị sime aị ma kọrị fama tẹ, tẹ ọ̀ kọrịnama mẹmgba ḅụ ịnyọsaram sọnọma aḍin karama ene mẹ ḅụ.

Devidi-Anume 147:11

kụma ọ̀ kụn-arị apụ ma ḅụ mie ọ̀ tọrụ-ḅẹlẹ nyanarị, ò kuno-a ḅẹlẹma mẹ kẹ ḅiokpọmarị apụ ma.

Devidi-Anume 149:4

KỊNỊNYANAḄỌ ḅe ori atomi ḍiki-ḅioḅẹlẹarị; ḅụụ-lẹgịma apụ ma ori owu-ḅara-iḅi kẹ ịn kẹ kụn nyana kiri ḅụ kuromarị.

Devidi-Anume 78:65

Kunoma ḅụ KỊNỊNYANAḄỌ ḅe saakịm gbala ò mono sime ye ọkụ; ori iru tọrụ-ḅaa tẹ owiarị kụrọ ḅọ kịkam.

Ayịzaya 12:2

Tamụnọ anie ị̀ ḅọrọmaḅọọ; arị ọ̀ kẹ ḅiokpọma tẹ ḅalafaa ḅịa. KỊNỊNYANAḄỌ ḅe kụrọ na ịnyọ na kẹ ị̀ pịrịarị; Ori ị̀ ḅọrọmaḅọọ.

Ayịzaya 12:6

Yee Zayọnị ḅụ angarị ḅọ goḅọ-goḅọ oloku-oloku nume su! Izirẹlị tẹkẹarị Fịafịa Tamụnọ ḅe ọ̀ ḍụḅam, tẹ ori ori atomi ogboku angarị.

Ayịzaya 18:4

KỊNỊNYANAḄỌ ḅe ị̀ ḅẹẹm, “À So-ḅio sime tẹ ḍiki iderima ḅa igirigi ọfịrịarị fịye soku sakị ḅụ deinma koro ḅara ḍin ḅụ, ịrụa ḅụọ-fiema-a ḅara kẹ eneḅaka ogbo ḅụ ḅịya pakarị ḅara mẹ.

Ayịzaya 63:1

“Nwẹn kẹ Idọmụ ḅẹ opu Bozara ḅụ sime tẹ ḅoarị ḅọ ḅẹ tụḅọ? Ḅieḅe tẹ awụ tọrụ sụa ye ḅiri ḅụlụ-ḅụlụ tẹ kụrọ na ịnyọ na kẹ gbọnma ḅoarị ḅọ ḅe tụḅọ?” “KỊNỊNYANAḄỌ ḅe orii, kụrọ nyana tẹ kịnị ḅọrọmarị ḅọ, ori owu-ḅara-iḅi ḍuko wasama ḅẹ ḅoarị.”

Ayịzaya 63:12

Tụḅọ amịna ebube kụrọtẹ ḅara kọngọ kẹ fịrịma tẹ anị Mozizi ama-ḅara anga sime? Tụḅọ tọrụ mẹ kẹ maaịn puu ịna tọrọkọ mịẹ tẹ ori ereso gbamaso ḅẹ ḅara?”

Ayịzaya 65:19

Yẹrị ḅioju sọ ḍereku ì ḅio ḅin ḅa, Jeruselemu na árị atomi na gotẹ. Owu ḅarị anị ḅio sime ḅịa, pịkị ḅarasụa ḅii sịn-ḅịḅị sọ.

Ayịzaya 9:6

Ịn gbọrụ tụḅọ iyi wa pịrịtẹ! Ịn gbọrụ owiḅọtụḅọ kẹ wa pịrịtẹ! Tẹ ori wamịna ḅẹrẹtọnḅọ sọ ḅa. Ịn kẹ ọ̀ sịn ḅarịye, “Ḅụụ-buama Ḅẹrẹ-tolumaḅọ, Opu kụrọ Tamụnọ, Gbamaso Ḍaḅọ, Dein Amanyanaḅọ.”

Jerimaya 32:41

Iḅi aị mịẹ ịn pịrị ì ḅioḅẹlẹmarị ye sọ ḅa, tẹ arị ịn mịẹ tẹ ịn mị amakiri mẹ ḅụ kụrọ-sịẹ gbamaso ḅa.”

Hosiya 14:4

KỊNỊNYANAḄỌ ḅe ḅẹẹarị, “À siin ị̀ atomi ọkị-ḅo ị̀ ḅụụ pịrị ḅa, Àrị ị̀ ḅioḅẹngbọ mẹmgba kẹ ịn ḅẹlẹma ḅa; à ḅarị jen kẹ ịganị ịn pịrị ḅịa.

Jowẹlị 2:21

Ḍụọ kọrị akiri, ọ́ ḅalafa ma, kụma ó ḍerekuu, pịkị ḅioḅẹlẹẹ. KỊNỊNYANAḄỌ ḅe mịẹ ọ́ pịrị aị mamgba ẹrẹsị.

Zẹfanaya 3:15

KỊNỊNYANAḄỌ ḅe ọmịna fomu-ḅara dasịẹma tẹẹ; Ò si kẹ ọ́ tọn apụ mamgba saakị sin tẹẹ. KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịnị na emi; Mịọkụ ḅụ ó gotẹ ḅalafa ḅẹ ye ofori.

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Kịẹn-aḅịḅị 14:8

Wa nwẹnị KỊNỊNYANAḄỌ ḅe ḅụụ-ḅẹlẹm ḅẹḅẹ, ọ̀ wa ọkị-ḅo mị ama mẹ ḅio suu ḅa, tẹ anị kẹ wa pịrị ḅa, anị ḅụụ-ḅẹlẹmatẹ iḅiọkụma fịye so-pakamarị amakiri mẹ.

Luku 15:32

Kụma wa alalị fị tẹ ḅioḅẹlẹ na-iḅim, í iyimbere ḅe ọ̀ fịịm, kụma mịọkụ ọ̀ ḍumo tẹẹ; ọ̀ faam, kụma mịọkụ ọ̀ paka-ḅo tẹẹ.’”

Jọnị 13:1

Anị ene mẹ anie ḅaa kụma Saḅaḅọrọ-Alalị mẹ la ḅarị ene mẹ. Jizọsị nimi tẹ mịnẹ ọ̀ mị tomikiri mẹ koroma so Ḍaḅọ ḅe ḍọkụma-mu ḅẹ tẹ. Ọ̀ sakị mamgba ori atomi ma tẹ tomikiri sime apụ ma ḅẹlẹmam, tẹ anị ḅẹlẹma mẹ ọ̀ nyana ịn pịrị nwenii mu kunoma lam.

Jọnị 15:11

“À miemẹ ḍuko ọ́ pịrị tẹ, mịẹtẹ ị̀ ḅioḅẹlẹ mẹ ọmịna ḅụụ ḅio sọ tẹ ọmịna ḅioḅẹlẹ mẹ bebe ye sọ ḅarị ḅara.

Ditẹrọnọmị 23:15

Omoniḅọ tẹ amịna sịḅịdaḅọ ḅara ḅụ mangị-so ḅo warịḅọkọ kẹ ọ́ sụa omoniḅọ, ọmịnị ọ̀ pakama ọ̀ sịḅịdaḅọ pịrị ma;

Ditẹrọnọmị 30:9

KỊNỊNYANAḄỌ ọmịna Tamụnọ nwẹnị ọ́ mịẹtẹ ọmịna ḅara ḅẹ kọrịnama mamgba ḅụ na, ọmịna oju ḅẹ mgbọlụ ma ḅụ na, ọmịna opu anama ma ḅẹ mgbọlụ ma ḅụ na, ọmịna kiri ḅẹ mgbọlụ ma na ḅụ ọ́ tọnwa ḅara kẹ lolo-kama ḅa; kẹ gotẹ ọkọ ḅẹẹarị, KỊNỊNYANAḄỌ ḅe pịkị sin ọ́ mịẹtẹ ó lolo ḅụ tọrụ-ḅẹlẹ nyana ḅa ọ̀ wẹrịtẹ ọmịna aḍapụ ḅụ tọrụ-ḅẹlẹ nyana ḅara,

Hiburu 7:25

Tẹ anie ḅụ, ori inetẹ ọ̀ ḅụụ ḅọrọ Tamụnọ ḍọkụma-ḅoarị apụ ḅọrọmarị mịọkụ na, ḅẹẹ-sakị ḅẹẹ-sakị na ḅụ, ò ḍumo gbamasoarị tẹ sakị mamgba Tamụnọ tọrọkọ ịn ḍụarị ẹrẹsị.