Zẹfanaya 3:16 - FỊAFỊA BAỊBỤLỤ

¹⁶ Anị ene mẹ ḅụ, in Jeruselemu ḅẹẹ ḅa, “Ḅalafa ma, Zayọnị opu ama! Ị́ aḅara kẹ kpọrọkọtọma gbin koroma ma!

Zẹfanaya 3:16 Iomraidhean Croise

Jobu 4:3

Ḍikii, í ye kẹ tọnwa-apụ toluma tẹẹ, tẹ ịnyọ kẹ kụrọ-a aḅara ma pịrị tẹẹ.

Ayịzaya 25:9

Anị paka sakị, ḅẹḅọ-ḅẹḅọ ḅẹẹ ḅa, “Ori anie wamịna Tamụnọọ! Wa ọ̀ kẹ ḅiokpọma tẹ ọ̀ wa pọkọ pakama-ḅo tẹ. Ori anie KỊNỊNYANAḄỌ ḅee! Wa ọ̀ kẹ ḅiokpọma tẹ mịọkụ wa ḅioḅẹlẹarị, pịkị ḍerekuarị, ọ̀ wa ḅọrọma tẹ ẹrẹsị.”

Ayịzaya 40:9

Jeruselemu, gele tẹ tụndụ kpọlị tẹ iḅi-oku mẹ ḍuko wasamaa! Gele pọkọ kẹ sịn pakama, Zayọnị, iḅi-oku mẹ ḍuko pakamaa! Ẹkwẹn pakamaa, tẹ ḅalafa ma. Ḍuko Juda ḅẹ ama ma pịrị mịnẹ ịna Tamụnọ ḅoarị!

Ayịzaya 41:10

Ḅalafa ma — àrị ị́nịna emii! Yẹrị ị́ Tamụnọọ, ḍụkụ tẹ gberie-sọ ị́ tẹmẹ-naịn-naịnma ma! Àrị ị́ mịẹ tẹ ị́ kụrọ ḅa, pịkị ḅarasụa ị́ pịrị ḅa Àrị ị́ gbaịn tẹ ị́ ḅọrọma ḅa.

Ayịzaya 44:2

Yẹrị anie KỊNỊNYANAḄỌ tẹ ọ́ tẹmẹ ḅọ ḅe; í iyi kụra-ḅio à ḅarasụa ị́ pịrịarị. Ḅalafa ma, ị́yẹrị ị̀ fịrịmẹnjịḅọọ, à sẹlẹ ọkị tẹ ḅẹlẹmarịapụ.

Ayịzaya 54:4

Ḅalafa ma! — ị́ ḅarị jen kẹ tọrụ-tuu ḅịa; ịn ḅarị í iderima ḅịa. Ịwọma owiḅọ sime ẹrẹḅọtụḅọ ḅara ḅụ, ị́ kọn tẹ si mẹnjị mẹ ị́ kẹ ḅioḅọrọma ḅa, pịkị diḅọ-fịtẹ-ẹrẹḅọ ḅara kẹ í sime tẹ si ḅụụ-yaụ ḅara mẹ sọ.

Jowẹlị 2:21

Ḍụọ kọrị akiri, ọ́ ḅalafa ma, kụma ó ḍerekuu, pịkị ḅioḅẹlẹẹ. KỊNỊNYANAḄỌ ḅe mịẹ ọ́ pịrị aị mamgba ẹrẹsị.

Zẹkaraya 8:13

Juda na Izirẹlị na ḅẹ atomi! Ḅọrọtẹ sakị ḅụ igoniapụ ye karị jụmọ-jụmọ pịrị tẹ ḅẹẹ-ḅẹẹm, ‘yee Juda na Izirẹlị na ọgọnọ sara gbọrụ opu ḅụụ-fụka ma ḅo ọmịna ọgọnọ sọ sara!’ Kụma àrị ọ́ ḅọrọma ḅa, anịtẹso arị ja asịẹ ma jụmọ-jụmọ ḅẹẹ ḅa, ‘yee ọmịnị sọ ḅo Juda na Izirẹlị na pịrị aboma ma nyana!’ Mie ḅụ ọ́ tẹmẹ-kpọma tẹ ḅalafa ma.”

Zẹkaraya 8:15

Kụma mịọkụ à tọn-arị à Jeruselemu na Juda na boma. Mie ḅụ ọ́ ḅalafa ma.

Jọnị 12:12

Anị ḅẹ ene ḅaa ḅụ opu tomina-ogbo mẹ tẹ Saḅaḅọrọ-Alalị mẹ ḅo apụ ma naam mịnẹ Jizọsị Jeruselemu ḅoarị.

2 Kọrịntị 4:1

Tamụnọ ò ḍiki-ḅụụjịrị ḅụ mị kọrịnama mẹ kẹ wa pịrị kọrịarị ẹrẹsị, wamịna ḅioḅẹngbọ lọkọ-a.

Galesiya 6:9

Mie ḅụ, ó yee wa ịnyọ pọkọ-ta-a ḅara kẹ iḅi mịẹ; kẹ gotẹ ọkọ ḍukoarị, wa ḅara-siin-a kụma, sakị ḅo tẹ wa anị ḅẹ ye soku ḅa.

Ẹfisọsị 3:13

Ọkọẹrẹsị, sisi àrị ọ́ tẹkẹm, àrị ó gotẹ ẹrịarị tọrụsiẹrị mẹ ọmịna ḅioḅẹngbọ lọkọma ma; anịmgba ọmịna iḅi.

Hiburu 12:12

Ọkọẹrẹsị, ọmịnị ọmịna ịnyọ faarị aḅara ma saakị-gelema, tẹ pịkị ẹgwẹ ḅaarị aḅụọ-sịḅị ma mịẹ kụrọmaa!

Mịẹfinji 2:3

Í ye-inema ḍinm, ị́ pịkị ì gotẹ tọrụsiẹrịm, anịsọ ị́ ḅara-siin-a.