Zẹfanaya 3:15 - FỊAFỊA BAỊBỤLỤ

¹⁵ KỊNỊNYANAḄỌ ḅe ọmịna fomu-ḅara dasịẹma tẹẹ; Ò si kẹ ọ́ tọn apụ mamgba saakị sin tẹẹ. KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịnị na emi; Mịọkụ ḅụ ó gotẹ ḅalafa ḅẹ ye ofori.

Zẹfanaya 3:15 Iomraidhean Croise

Suku-saakị 30:23

Á nwẹnị sime kọn, tẹ gbọrụ owiḅọtụḅọ iyi, tẹ ḅẹẹ, “Tamụnọ ị̀ ḅụụ-jịrị mẹ saakị sin tẹẹ.”

Devidi-Anume 149:2

Izirẹlị, ḅioḅẹlẹẹ, ị́ Tẹmẹḅọ ḅe gotẹ Zayọnị ḅẹ apụ, ó ḍerekuu, ọmịna amadaḅọ ḅe gotẹ!

Devidi-Anume 19:9

Sunsin KỊNỊNYANAḄỌ ḅe pịrị mẹ iḅim; anị ọkọ mịẹ gbamaso ḅa. KỊNỊNYANAḄỌ ḅe aḅẹrẹkọn ma ḅụ inoma ofori, sakị mamgba arị aḍụa nyana-a.

Devidi-Anume 85:3

Ị́ ị́ ḅụụ dasịẹmam in ḍiki ịganị ḅụ, tẹ í owi ịganị mẹ nụnụ ọkịm.

Ayịzaya 12:6

Yee Zayọnị ḅụ angarị ḅọ goḅọ-goḅọ oloku-oloku nume su! Izirẹlị tẹkẹarị Fịafịa Tamụnọ ḅe ọ̀ ḍụḅam, tẹ ori ori atomi ogboku angarị.

Ayịzaya 25:8

Tẹịn ḅẹrẹtọn KỊNỊNYANAḄỌ ḅe fịị ḅaa guluguluma gbamaso ḅa! Tọrụngbọ goyegoye ḅụ simearị owu-minji mẹ ò sin ḅa, ọ̀ pịkị bebe tomikiri mẹ ḅụ ori atomi ma nyanatẹ tọrụ-tuu mẹ sọ siin ḅa. KỊNỊNYANAḄỌ ḅe ḅioju ḍuko tẹ!

Ayịzaya 33:22

Kẹ gotẹ ọkọ ḍukoarị, KỊNỊNYANAḄỌ ḅe anie wamịna ḅẹrẹkọnḅọ; KỊNỊNYANAḄỌ ḅe anie oloko sụa wa pịrịarị-ḅọ. KỊNỊNYANAḄỌ ḅe anie wamịna amadaḅọ, ori mie wa ḅọrọma ḅarịye.

Ayịzaya 35:10

In ḅioḅẹlẹ kẹ mu Jeruselemu la ḅa; nume-suarị, oloku-oloku ḍerekuarị. In ḅioḅẹlẹ mu ḅẹẹ-sakị ḅẹẹ-sakị la ḅa, kururu na ḅioḅẹngbọ-si na ḅarị ịn la-a gbamasom.

Ayịzaya 51:22

KỊNỊNYANAḄỌ ọmịna Tamụnọ ḅe ọ́ ḍụarị tẹ ḅẹẹarị, “Ị̀ ịganị ḅụ à kẹ ọ́ pịrị kọpụ mẹ arị ọmịna ḅara anị ọkị soarị. Ọ́ ḅarị jen kẹ ó ḅuu tẹ pụmbụma-pụmbụmarị iru mẹ ḅuu nyana-a.

Ayịzaya 52:9

Ó ḍereku kẹ oloku pakama Jeruselemu ḅẹ kan-saratẹ ayọ! KỊNỊNYANAḄỌ ḅe ori ama pụkọ-pakamaḅo tẹ ori atomi dedema ḅa.

Ayịzaya 54:14

Kịnị-inoma-a na kuraye mịẹ na ị́ mịẹ kụrọma ḅa. Ponoma na tẹmẹ-naịn-naịnma na ḅio ị́ paka-ḅo ḅa.

Ayịzaya 60:18

Kịnị ḅarị jen kẹ kụrọ-kụrọ ḅara kẹ ye-mịẹ pọkọ naa ḅịa; Ḅaa guluguluma ḅarị jen kẹ ị́ sịẹ mẹ ḅẹ ama kiri mẹ kan sara ḅịa. Arị onu ye kikima ḅara kẹ ị́ gbaịn tẹ ị́ ḍụa ḅa; Ị́ ì tokini ḅa yẹrị ị́ ḅọrọma tẹ ẹrẹsị.

Ayịzaya 65:19

Yẹrị ḅioju sọ ḍereku ì ḅio ḅin ḅa, Jeruselemu na árị atomi na gotẹ. Owu ḅarị anị ḅio sime ḅịa, pịkị ḅarasụa ḅii sịn-ḅịḅị sọ.

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Izikẹlị 35:10

“Ị́ ḅẹẹm mịnẹ ma maa asịẹ ma, Juda na Izirẹlị na gboloma, na ịna amakiri ma na sime ị́ pịrịm, tẹ arị nyana ḅa, karakaraye yẹrị KỊNỊNYANAḄỌ ḅe anie ịna Tamụnọọ sọ.

Izikẹlị 36:15

Amakiri mẹ ḅarị jen kẹ sịẹ-sịẹ ma tẹ anị komboarị apụ ma poki nyana-a anịanịa nini-suku sụa anị pịrịarị apụ ma ẹrị. Amakiri mẹ ḅarị jen kẹ sịẹ mẹ ḅẹ awọmẹ ma kọrị ḅịa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Izikẹlị 39:29

À ḅaka ḅara kẹ ị̀ Tẹmẹ kẹ Izirẹlịapụ ma aḅụụ ḅio su ḅa, tẹ gbala-gbala ịn ḅarị jen kẹ ọḅụ pịkị in gbin ḅịa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Izikẹlị 48:35

Onu mẹ ikelema-koro tọn tẹ paka ḅarịye mita maa puku na maa ẹndẹ oyia asi finji na lam. Tẹ opu ama mẹ ẹrẹ anị sakị tọrọkọ mu ḅụ anie “KỊNỊNYANAḄỌ ḄE MỊ YỌ EMI!”

Jowẹlị 3:17

“Anịtẹso, Izirẹlị, í nimi ḅa mịnẹ yẹrị anie KỊNỊNYANAḄỌ ị́ Tamụnọ ḅee. À Zayọnị ọgọnọ angarị, ị̀ fịafịa tụndụ mẹ. Jeruselemu fịafịa opu ama sọ ḅa; jen asịẹ ḅẹ apụ ḅarị gbala-gbala jen-maaịn kẹ anị nẹngịma ḅịa.

Emọsị 9:15

“Àrị ị̀ atomi kẹ à kẹ ịn pịrị amakiri ḅụụ ḍiḅi ḅa, tẹ kịnị ḅarị jen kẹ in soku pakama-ḅo ḅịa.” KỊNỊNYANAḄỌ ị́ Tamụnọ ḅe ọkọ ḅẹẹm.

Mayịka 7:10

Anị sakị mie wamịnị na fịya-a apụ ma ẹrị ḅarịye, tẹ ḅụụ-jịrị nwẹnị inima tẹ ḅẹẹm, “Ndẹẹ KỊNỊNYANAḄỌ ọmịna Tamụnọ ḅe?” ḅẹẹ apụ ma gbaịn ḅa. Wamịna atọrụngbọ ini ẹrị-ẹrị ḅioḅẹlẹ ḅa; mịọkụ wa nwẹnị mẹnjị-ḅọrọ etela ma ḅẹ lịka nanga ḅara kẹ ịn nanga-nanga kiri gbin ḅa.

Habakọkụ 2:17

Lẹbanọnị ḅẹ opu-apiri ma ị́ pẹlẹ-gbin tẹ; mịọkụ ini ị́ pẹlẹ-gbin ḅa. Ị́ arịḅẹ anama ma ḅaam; mịọkụ nama amẹẹ ị́ tẹmẹ-naịn-naịnma ḅa. Miemẹ paka ḅa ị́ ḅaa tẹ atomi ma ẹrẹsị, pịkị ị́ kụrọ-kụrọ ḅara kẹ tomikiri ḅẹ atomi ma na anị ḅẹ opu ama na mịẹ ye na ẹrẹsị.

Habakọkụ 2:8

Ị́ tọnwa asịẹ ḅẹ apụ inoma tẹ ịna aị ọkị tẹ, kụma mịọkụ ịna ḅụ fịị-a so apụ ma í inoma tẹ ị́ aị ọkị-so ḅa, ị́ ḅaa guluguluma tẹ atomi ma ẹrẹsị, pịkị guda-guda amịẹaị tẹ ị́ kẹ tomikiri ḅẹ atomi ma na anị ḅẹ opu ama ma na mịẹtẹ aị ma gotẹ.

Zẹfanaya 3:17

KỊNỊNYANAḄỌ ị́ Tamụnọ ḅe ị́ na emi; Ọ̀ kụrọ owu-ḅara-iḅi kẹ ị́ pịrịarị. KỊNỊNYANAḄỌ ḅe í ḍiki tọrụ-ḅẹlẹ ḅa, tẹ ọ̀ ḅẹlẹma ḅụ ori ịwọ ḍumo kẹ ị́ pịrị ḅa. Ori í gotẹ nume-su tẹ ḍereku ḅa.

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Zẹkaraya 12:3

Kụma anị ene mẹ ḅụ, à mịẹtẹ Jeruselemu ikuarị ḍụḅarị kpoo kịka ḅa tẹ anị saakị ḅẹ ḍọkịarị sịẹ goyegoye, ye anị la ḅa. Tomikiri ḅẹ asịẹ mamgba gboloma tẹ owu kẹ á paka ḅa.

Zẹkaraya 14:11

Tomi ma ye-ḅụụ-la-a ḅara kẹ anịjụ anga ḅa, ḅaa guluguluma ḅarị jen kẹ tẹmẹ-naịn-naịnma-a ḅara.

Zẹkaraya 9:9

Zayọnị ḅẹ apụ, ó ḍerekuu, ó ḍerekuu! Ọmịnị Jeruselemu ḅẹ apụ, ó ḍereku ḅụ olokuu! Ḍiki, ọmịna amadaḅọ ọ́ ḍọkụma-ḅoarị! Ò karakaraye mịẹ ḅọ pịkị owu-ḅara-iḅiḅọ ḅara kẹ ḅoarị, kụma ḅụụ-lẹgịma tẹ kala asụ kẹ mẹnjịarị asambịrịma ye ọgọnọ, ịwọ asụ.

Jọnị 1:49

Natanịyẹlị nwẹnị pakịrị, “Ye-tolumaḅọ, ị́yẹrị anie Tamụnọ Tụḅọ ḅee; ị́yẹrị anie Izirẹlị Amadaḅọ ḅee.”

Jọnị 12:15

“Kpọma-ḅẹlẹmarị Jeruselemu ḅẹ apụ, ọ́ ḅalafa ma! Ḍikii, ọmịna Amadaḅọ ò ḅoarị, asambịrịma asụ ọgọnọ ori emi.”

Jọnị 19:19

Payịleti nwẹnị ama gotẹ ḅẹ ye kẹẹ tẹ kẹ ẹngbẹsẹ-sịn mẹ sịḅị ọgọnọ-jụ sololo. Ọ̀ kẹẹ ye anie, “Nazarẹtị ḅẹ Jizọsị, Juu-ḅẹ-apụ ma Amadaḅọ.”

Jọnị 5:30

Àrị inetẹ ị̀ kụrọ kẹ gberie-sọ mịẹ ḅịa; Tamụnọ ị̀ ḅẹẹ ḅara, ḅẹẹ ḅara mie à ḍikitẹ ḅẹrẹkọn-arị ḅara gotẹ karakara ḅẹrẹ mie à kọn-arị ye, gbala àrị ì ḅiotọn ye mịẹ ḅẹ ḍọkị-a, kụma ị̀ kẹ fịrịma ḅọ ḅe ḅụụ-ḅẹlẹ ye ngẹrị mie à mịẹarị ye.

Mịẹfinji 12:10

Anịtẹso à So-ḅio gele pọkọ kẹ olokuarị gbọrụ pọkọ naam ḅẹẹarị, “Mịọkụ Tamụnọ ḅọrọma mẹ ḅo tẹ! Mịọkụ Tamụnọ ori Amadaḅọ nwẹn ḅẹẹ ḅara kẹ amịna kụrọ ḍie-pakama tẹ! Mịọkụ Tamụnọ ọ̀ Mẹsaya ḅe kẹ ḅẹrẹtọn ḅẹ kụrọ ḍie-pakama tẹ! Kẹ gotẹ ọkọ ḍukoarị, Tamụnọ tọrọkọ sịẹ tẹ, eneḅaka na ḍin na kẹ ḅẹrẹ ḍuko, ḍuko wamịna amịnapụ ma sịḅị sẹịn-arị ḅọ ḅe ini ò sukuruma pakama tẹ So-ḅio ḅụ.”

Mịẹfinji 18:20

So, ḅioḅẹlẹẹ, á fa tẹ ye mẹ gotẹ! Ọmịnị Tamụnọ atomi na, fịrịmẹnjịapụ na, ịkịankoroapụ na, ó ḅioḅẹlẹẹ! Kẹ gotẹ ọkọ ḍukoarị, Tamụnọ á kẹ ọ́ mịẹ-aị ma ḅẹ ḅẹrẹ pẹlẹ á ḅara sima tẹ!

Mịẹfinji 19:16

Ọ̀ kapa na ọ̀ ḅụọ-ẹtẹnẹ na ḅụ ẹrẹ kẹẹ wararị: “Amadapụ mamgba Amadaḅọ, pịkị kịnịnyanapụ mamgba KỊNỊNYANAḄỌ.”

Mịẹfinji 7:15

Anịẹrẹsị ịn Tamụnọ emine mẹ tọrọkọ sịẹ tẹ ọ̀ warị mẹ ḅio ene ḅaka na ḍin na, kẹ fịrịmẹnjị ọ̀ pịrịarị. Emine mẹ ọgọnọ lẹgị wararị ḅọ ḅe emi tẹ in kikima ḅa.