Zẹfanaya 3:14 - FỊAFỊA BAỊBỤLỤ

¹⁴ Izirẹlịapụ, ó nume-su-su ḍereku oloku kọọn! Ó ḅioḅẹngbọ mamgba kẹ ḍerekuu, Jeruselemu!

Zẹfanaya 3:14 Iomraidhean Croise

Nehimaya 12:43

Anị ene ḅụ in gburo-gburo ḅara kẹ tọnwa agba mịẹm, tẹ ḍerekum; anị kẹ gotẹ ọkọ mịẹ ye, Tamụnọ in mịẹm in ḍerekuu gburo-gburotẹ ḅioḅẹlẹ ḅụ; ereme ma na, awọmẹ na sọ ḍerekum. Tẹ tomi Jeruselemu ḅẹ ḅioḅẹlẹ mẹ naam iḅere-iḅerea jụ ḅụ.

Devidi-Anume 14:7

À tẹkẹ lamarị mịnẹ owu-ḅara-iḅi ḅo Izirẹlị pịrị ḅa Zayọnị ḅụ. Izirẹlị kpọma ḅioḅẹlẹ ḅa KỊNỊNYANAḄỌ ḅe mịẹ tẹ in siin lolo sakị.

Devidi-Anume 149:2

Izirẹlị, ḅioḅẹlẹẹ, ị́ Tẹmẹḅọ ḅe gotẹ Zayọnị ḅẹ apụ, ó ḍerekuu, ọmịna amadaḅọ ḅe gotẹ!

Devidi-Anume 97:8

Yei KỊNỊNYANAḄỌ, Zayọnị ḅẹ apụ ma ḅioḅẹlẹarị, tẹ Juda ḅẹ opu ama ma ḍerekuarị ị́ aḅẹrẹkọn ma ẹrẹsị.

Ayịzaya 12:6

Yee Zayọnị ḅụ angarị ḅọ goḅọ-goḅọ oloku-oloku nume su! Izirẹlị tẹkẹarị Fịafịa Tamụnọ ḅe ọ̀ ḍụḅam, tẹ ori ori atomi ogboku angarị.

Ayịzaya 29:19

Igoin tẹ ḅụụ-iderimarị apụ ma pịkị sin KỊNỊNYANAḄỌ, Izirẹlị tẹkẹarị Fịafịa Ḅọ ḅe pịrịarị ḅioḅẹlẹ mẹ ḍọkị ẹrị ḅa.

Ayịzaya 35:2

Ịkpa mẹ nume-su tẹ ḍereku ḅụ oloku ḅa; anị Lẹbanọnị tụndụ ma iḅi ḅara iḅi tẹ Kamẹlị na Sarọnị na ḅẹ ḍụọ ḍiḅi akiri ma iḅi ḅara iḅi tẹ nwẹnị fịaị pakama. Ḅẹḅọ-ḅẹḅọ KỊNỊNYANAḄỌ ḅe iḅi sime-ḅara mẹ ẹrị ḅa, pịkị ori opu na kụrọ na ẹrị ḅa.

Ayịzaya 37:22

Mie KỊNỊNYANAḄỌ ḅe ḅẹẹ yee, “Sẹnakeribu, kpọma-ḅẹlẹmarị Jeruselemu mẹ ị́ ẹrịarị, pịkị í ḍiki-simarị.

Ayịzaya 40:1

Wamịna Tamụnọ ḅẹẹarị: Ị̀ atomi ḅio kpọmaa! Ịna ḅio kpọmaa!

Ayịzaya 40:9

Jeruselemu, gele tẹ tụndụ kpọlị tẹ iḅi-oku mẹ ḍuko wasamaa! Gele pọkọ kẹ sịn pakama, Zayọnị, iḅi-oku mẹ ḍuko pakamaa! Ẹkwẹn pakamaa, tẹ ḅalafa ma. Ḍuko Juda ḅẹ ama ma pịrị mịnẹ ịna Tamụnọ ḅoarị!

Ayịzaya 51:11

Ị́ pụkọ-pakamaḅo tẹ apụ ma ḅioḅẹlẹ kẹ mu Jeruselemu la ḅa, nume-suarị, olokuarị, ḍereku ḅụ. In ḅioḅẹlẹ gbamaso ḅa, gbọrsịḅị kururu na ḅioḅẹngbọ-si na ḅio paka-ḅo.

Ayịzaya 52:9

Ó ḍereku kẹ oloku pakama Jeruselemu ḅẹ kan-saratẹ ayọ! KỊNỊNYANAḄỌ ḅe ori ama pụkọ-pakamaḅo tẹ ori atomi dedema ḅa.

Ayịzaya 54:1

Jeruselemu, ị́ awọ iyi-a ẹrẹḅọ kịka tẹẹ, kụma mịọkụ í inetẹ nume-su tẹ oloku ḅa ḍereku ḅụ. Mịọkụ ị́ awọmẹ nyana amịna diḅọ gbala-gbala amụ koroma-soa ẹrẹḅọ nẹngị ḅa!

Jerimaya 30:19

Anị anga angarị apụ ma tokini nume-su ḅa; in ḍereku kẹ oloku ḅa. Ì boma ḅụ ịna kịẹn-aḅịḅị ḍụḅa ḅa; ì boma kun ọkị-ḅo ịn pịrị ḅa.

Jerimaya 31:13

Anịtẹso eremịna-awọmẹ ma sẹkị-sẹkị tẹ ḅioḅẹlẹ ḅa, tẹ Owiapụ, asambịrịma apụ na omongi apụ na, ḍereku ḅa. Arị in dedema tẹ ịna kururu pịkị-ḅo ḍereku mịẹ ḅa ịna ḅioḅẹngbọ si mẹ kẹ ḅioḅẹlẹ sọma ḅa.

Jerimaya 33:11

ḅioḅẹlẹ oloku na ḍereku na ere-ịya-alalị apọkọ fiearị ye na. Ọ́ kịnị nume-suarị ye naa ḅa, ini ị̀ warị ḅio ịmịẹtẹ ḅẹẹ agba mịẹarị ogbo. Ịn ḅẹẹ ḅa: Ịmịẹtẹ kẹ Kụrọmamgba nyana KỊNỊNYANAḄỌ ḅe ḅẹẹ, ori iḅim ẹrẹsị, tẹ ọ̀ ḅẹlẹma sime gbamasom! À mị amakiri mẹ mịẹ tẹ anị tarị-tarị anị lọkọlọkọ ḅara lọkọlọkọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jowẹlị 2:23

Zayọnị ḅẹ apụ, ó ḅioḅẹlẹẹ, ó ḍerekuu, KỊNỊNYANAḄỌ ọmịna Tamụnọ ḅe mịẹ ọ́ pịrị ye ḅụ. Ori ọmịnị na iḅi ḅẹ ḅara kẹ ḍụọ soku sakị ḅẹ eene kẹ ọ́ pịrị tẹẹ; ori ịwọ eene ọsụma sara ọ́ pịrị tẹẹ, pịkị ḍiḅi-aị ịwọma pakarị sakị ḅẹ eene mẹ sọ, tarị anị mịẹ-mịẹ ḅara ḅụ.

Mayịka 4:8

Anịsakị ị́yẹrị, kpọma-ḅẹlẹmarị Jeruselemu, tẹ Tamụnọ anana-ogbo ḍikiḍiki ḅara kẹ ori atomi ḍikiḍiki anga, ị́ pịkị siin tarị-tarị í sime-ḅara ḅụ gbọrụ sakị kẹ sịḅịdaa ị́ amakiri mẹ pịrị ḅa.

Matiyo 21:9

Tomina-ogbo-ogbo ma tẹ Jizọsị tọrọkọ tarị apụ ma na, ori ọḅụ ḍuka-mu apụ ma na nwẹnị saakị oloku tẹ ḅẹẹ, “Devidi Tụḅọ ḅe tokinii! Tamụnọ, KỊNỊNYANAḄỌ ḅe ẹrẹ ḅụ ḅoarị ḅọ ḅe bomaa! Ọ́ Tamụnọ tokinii!”