Zẹfanaya 3:13 - FỊAFỊA BAỊBỤLỤ

¹³ Izirẹlịapụ ma tẹ fịịa-so ḅarị apụ ma ini iri-ye kẹ gbọrụḅọ-sọ mịẹ ḅịa, ini iruo aị ḍuko ḅịa, pịkị oḅori-kẹ-kịnịsịn ḅẹ ḍọkị ḅịa. In lolo tẹ ye ịn la ḅịa ḅara sime ḅa, gbọrụḅọ sọ gotẹ ḅalafa-a ḅara.”

Zẹfanaya 3:13 Iomraidhean Croise

2 Paka-aị 20:30

Anị ḅara mịẹ Jehosafatị ama-da ḅụọ mẹ gbene-sime ḅara, Tamụnọ ori ikelema-koro ḅụ ịnyọsara kẹ ọ̀ pịrịm ẹrẹsị.

Jobu 11:19

Ị́ ḅọlọlọ ḅa, tẹ gberie-sọ ị́ ḅalafama ḅịa; tọnwa-apụ í ḍiki-ḅụụjịrị ḅii ḅa.

Devidi-Anume 119:3

Gbala-gbala in kura-aye mịẹ mịẹ-a; KỊNỊNYANAḄỌ ḅe etela ma ḅio mie ịn mẹnjịarị.

Devidi-Anume 120:2

KỊNỊNYANAḄỌ, ị̀ ḅọrọmaa, iruo apụ na oḅori-kẹ-kịnịsịn-arị apụ na aḅara-ḅio.

Devidi-Anume 120:3

Ọmịnị iruo apụ, ndẹẹ Tamụnọ kẹ ọ́ mịẹ ḅẹ ye? Ndẹẹ ọ̀ kẹ ọ́ pịrị ḅẹ fomu-ḅara?

Devidi-Anume 23:2

Ọ̀ mịẹ tẹ àrị iḅi-osuka ọgọnọ ḅọlọlọ simearị: tẹ tọrọkọ-sụn ị̀ pịrịtẹ à mu deintẹ-minji ḅuuarị.

Ayịzaya 17:2

Siriya ḅẹ ama ma tomi arị ḅio mangị-so fama tẹ arị koro-sime gbamaso ḅa. Arị anana na opu anama na osuka fịarị yọ sọ ḅa, tẹ gbọrụḅọ-sọ in dee siin ḅịa.

Ayịzaya 35:8

Anị anga opu etela paka ḅa, ini anị sịn ḅa, “Fịafịa Si Ofori Etela Mẹ.” Gbọrụ si-mịẹḅọ sọ anị etela mẹnjị ḅọrọ ye mu ḅịa; gbọrụ oḅori-ḅọ sọ anị mẹnjịarị apụ ma da-irima ḅịa.

Ayịzaya 54:14

Kịnị-inoma-a na kuraye mịẹ na ị́ mịẹ kụrọma ḅa. Ponoma na tẹmẹ-naịn-naịnma na ḅio ị́ paka-ḅo ḅa.

Ayịzaya 6:13

Gbọrụḅọ kịngẹ ḅọrọ kọn sọ owiapụ ḅụ ama kiri mẹ ḅio, ori sọ ini ọ̀ ḅaa guluguluma ḅa; opu sịn pẹlẹ-gbin tẹ suku mẹ kọn ḅara anie ọ̀ kịka ḅarịye.” Suku mẹ sịẹ Tamụnọ atomi ma tẹ ịwọma saakị ḅarị apụ ma pịrị ḅa.

Ayịzaya 60:21

Ị́ atomi mamgba kuraye mịẹ ḅa Tẹ ini amakiri mẹ nyana mu ḅẹẹ-sakị ḅẹẹ-sakị la ḅa. Yẹrị ịn kẹ ḍiḅim, yẹrị ịn tẹmẹm, Ì opu mịẹfinji tomi mamgba ḍie ḅẹ ḅara.

Ayịzaya 63:8

KỊNỊNYANAḄỌ ḅe ḅẹẹm, “Ini ma ị̀ atomii; ini oḅori kẹ ị̀ sịn ḅịa.” Tẹ mie ḅụ ori ịn ḅọrọmam,

Ayịzaya 65:10

In sunsin ị̀ pịrị ḅa, pịkị ịna anana ma na opu anama ma na ḅọrọma pakama mu-mu tẹ ịn Sarọnị Lẹsẹrẹ-kiri mẹ ḅụ ịrụa-ideriarị-anga anga mẹ ḅụ na Ḅụụ-fụka tụndụ-suku nwẹn-sịn anga mẹ tẹ ịrụa-saakịarị-anga anga mẹ na ḅụ osuka fị ḅa.”

Jerimaya 23:4

À sịḅịdapụ tọn tẹ ini in ḍikiḍiki ḅa. Ị̀ atomi ḅarị jen kẹ ḅalafa ḅịa, anịanịa tẹmẹ-naịn-naịn, tẹ à ḅarị jen kẹ in fomu ḅịa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 30:10

Ị̀ atomi, ọ́ ḅalafa ma; Izirẹlịapụ, ọ́ tẹmẹ-naịn-naịn ma. Sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị omoniapụ ḅara kẹ simearị amakiri mẹ ḅụ. Ọ́ pịkị warị ḅo tẹ dein ḅụ anga ḅa; ye ḅarị ọ́ la ḅịa, tẹ gbọrụḅọ-sọ ḅarị ọmịna ḅalafama ḅịa.

Jerimaya 31:33

Ịwọ ọḅọkụ mẹ tẹ à kẹ Izirẹlịapụ ma na fị ḅarị ọḅọkụ mẹ anie mie: àrị ì oloko kẹ ịna ḅụụ ḅio suu tẹ anị kẹ ịna aḅioḅẹngbọ ḅụ kẹẹ ḅa. Yẹrị ịna Tamụnọ sọ tẹ ini ị̀ atomi sọ ḅa.

Izikẹlị 39:26

Ịn pịkị-ḅo siin ịna ḅara-kuḅu ḅẹ amakiri ḅụ anga sakị, ye ḅụụ la-a ḅara ḅụ, jen gbọrụḅọ-sọ sime tẹ ini ẹrẹma-a ḅara, ini inetẹ ịn kẹ ị̀ kẹ dẹrịma ye mẹ ḅẹ tọrụ-tuu mẹ kẹ ḅioḅọrọma ḅa.

Jowẹlị 3:17

“Anịtẹso, Izirẹlị, í nimi ḅa mịnẹ yẹrị anie KỊNỊNYANAḄỌ ị́ Tamụnọ ḅee. À Zayọnị ọgọnọ angarị, ị̀ fịafịa tụndụ mẹ. Jeruselemu fịafịa opu ama sọ ḅa; jen asịẹ ḅẹ apụ ḅarị gbala-gbala jen-maaịn kẹ anị nẹngịma ḅịa.

Jowẹlị 3:21

Ịna ọmbie ḅẹrẹ-ḅarasii tẹ amụ à wẹrịso-a ye mẹ, à wẹrịso ḅa.” Yẹrị, KỊNỊNYANAḄỌ ḅe, Zayọnị ḅụ angarị.

Lẹvitikọsị 26:6

“Ama mẹ ḅio à dein pịrị ḅa, tẹ ọ́ ḅọlọlọ sime ḅa, anịsakị gbọrụḅọ-sọ mịẹtẹ ọ́ ḅalafa ma. Ama mẹ ḅụ piri-ḅio-ḅẹ si anama ma arị ịn sikima fama ḅa, tẹ okologie mẹ ọmịna ama ḅio ḅọrọ tolu ḅịa.

Mayịka 4:4

Ọrụḅọ-ọrụḅọ dein ḅụ mḅọ kụrọ na, mḅọ ịla sịn na suku ịnyọsara ḅa, tẹ gberie-sọ ḅarị mịẹtẹ ịn ḅalafa ḅịa; gbala Kụrọmamgba nyana Tamụnọ ḅe ḅịḅị finji tẹ anị ḍuko tẹ ẹrẹsị.

Mayịka 4:7

Anịsakị ekeliapụ ma à nwẹn kẹ kirikọn-apụ mịẹ ḅa, tẹ inima tẹ ịn kẹ wakị nguma apụ ma ḅo kụrọtẹ opu sịẹ sọ ḅa; tẹ KỊNỊNYANAḄỌ ḅe Zayọnị Tụndụ ọgọnọ ḅụ amadaḅọ sọ ịn pịrị ḅa, mị sakị mẹ ḅụ ọkị mu ḅẹẹ-sakị ḅẹẹ-sakị la.

Mayịka 7:14

KỊNỊNYANAḄỌ, ị́ mkpara kẹ anana-ḍikiḍikiḅọ sọ ị́ atomi pịrịị, ị́ sẹlẹ ọkị tẹ atomi ma. Wa mu ịkpa mẹ ḅio ḅele tẹ angam ḅẹsọ, ḍụọ ḍiḅi iḅi kiri wa ikelema-korom; yee elemu sakị ḅụ wa Basani na Giliyadi na ḅụ ye kọn fị-fị ḅara kẹ ye kọn fị.

Zẹfanaya 2:7

Juda ḅẹ apụ tẹ fịị-a so ḅarị apụ ma ọmịna amakiri ḅụ koro sime ḅa. Ini anịanga kẹ ini anana ogbo-ogbo ma ḍikiḍiki yọ sọma ḅa, tẹ Asịdọdị ḅẹ awarị ma ḅio mono ḅa. KỊNỊNYANAḄỌ ịna Tamụnọ ḅe ini na sime tẹ ịn mịẹ tẹ in siin lolo ḅa.

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Zẹkaraya 8:12

In dein ḅụ ịna ḍiḅi aị ḍiḅi ḅa. Ịna vaịnị asịn ma girepu mgbọlụ sụa ḅa, kiri mẹ ye pakama ḅa, tẹ eene opuma koro ḅa. À ma boma mamgba kẹ ị̀ sịẹ mẹ ḅẹ atomi ma ḅụ fịịa-so apụ ma pịrị ḅa.

Zẹkaraya 8:16

Mịna aị ma mie ọ́ mịẹ ḅẹ aị: Ọ́ karakara mẹ ḍuko jụmọ-jụmọ pịrịị. Kọtị ma ḅio ḅụ ọmịnị inoma ofori ḅẹrẹkọn kọọn — anie dein dogi-ḅoarị ye.

Zẹkaraya 8:3

À pịkịma-so Jeruselemu mu ḅa, ị̀ fịafịa opu ama mẹ, tẹ anị anga ḅa. Kịnị kẹ anị nimi ḅarị ẹrẹ, ‘Ḅioḅẹngbọ-Kẹ-Sịrẹrẹ-Niḅi Ama’, tẹ ịn nwẹnị Kụrọmamgba nyana KỊNỊNYANAḄỌ ḅe tụndụ mẹ sịn ḅa, ‘Tọn-tọn Ḅara Sime Tụndụ’.

Matiyo 13:41

Tomḅọ Tụḅọ ḅe ori enjẹlị apụ fịrịma pakama mu ori Ama mẹ ḅio sime tẹ ja apụ mịẹtẹ in si mịẹarị apụ mamgba na, osi-apụ mamgba tẹ si amịẹaị mịẹarị apụ ma na kobiri,

Jọnị 1:47

Jizọsị ḅo Natanịyẹlị mẹnjị ọ̀ dama-ḅoarị ye ẹrị sakị ọ̀ nwẹnị ò gboloma ye ḍuko, “Ḅieḅe anie karakara Izirẹlị ḅẹ ḅọ; ọ̀ ḅụụ ḅẹẹ-ḅẹẹye ofori!”

Kọlọsị 3:9

Ọmịnị iruo jụmọ-jụmọ pịrị ma, kẹ gotẹ ọkọ ḍukoarị, ọmịnị elemu ḅụụ mẹ na anị ḅẹ mịẹ-mịẹ aḅara na saakị sin tẹ,

1 Pita 3:14

Kụma ó kuraye mịẹ tẹ anị gotẹ tọrụsiẹrịarị ḅẹḅẹ, ḅioḅẹlẹ sime ọ́ pịrị lamaa! Ọ́ gbọrụḅọ-sọ gotẹ ḅalafa ma, ọ́ pịkị ḅalaḅala ma.

1 Jọnị 5:18

Wa nimi wararị mịnẹ Tamụnọ tụḅọ tẹ si mịẹ-mịẹ tọrọkọ mu ḅẹ ḅọ ofori, kẹ gotẹ ọkọ ḍukoarị, Tamụnọ Tụḅọ Jizọsị ḅe mḅọ ḍikiḍikiarị, anịsakị Ekwesu ḅe inetẹ ye kẹ mḅọ lama ḅịa.

Mịẹfinji 14:5

Jene-jene ini iruo ye ḍuko tẹ nwẹn ḅẹẹ ye ofori; ịna ḅụụ ḅụ ḅẹẹ-ḅẹẹye ofori.

Mịẹfinji 21:27

Kụma fịafịa-a gberie-sọ opu ama mẹ ḅio sọ-mu ḅịa, ḅẹḅọ-ḅẹḅọ tẹ ḅụụ-jịrịma aị mịẹarị ḅọ, anịanịa iruo aị ḍukoarị ḅọ, sọ sọ-mu ḅịa. Ẹrẹ Anana Tụḅọ ḅe ḍiri mẹ, tẹ in ḍumo wararị apụ ẹrẹ kẹ kẹẹ koroma wararị ye mẹ ḅio simearị apụ ngẹrị mie ama mẹ ḅio sọ-mu ḅarịye.

Mịẹfinji 21:8

Kụma mịẹ ḅẹ ye ẹrị tẹ ḅụụ gwẹ-gwẹarị apụ na, tomi kẹ ja apụ ḅara-ḅio dẹrịmarị apụ na, amịna ḍumo kọn pengemarị apụ na, kịnị-ḅaapụ na, ḅụụ wẹrị kpaịnma-a apụ na, ḍiri ibiam tii-arị apụ na, oru tẹkẹ apụ na, iruo apụ mamgba na, arị atomi ma sime anga anie, ọpọlị balị kọrị ḅara kọrịarị tọrụ mẹ ḅio, aniemẹ anie maaịn karama fịị mẹ.”