Zẹfanaya 3:12 - FỊAFỊA BAỊBỤLỤ

¹² Anị anga ḅụ à ḅụụ-lẹgịmarị simini atomi kẹ koroma ḅa, ḅarasụa gotẹ ị̀ ḍọkụma-ḅo ḅẹ apụ.

Zẹfanaya 3:12 Iomraidhean Croise

Ẹzịra 9:8

Kụma KỊNỊNYANAḄỌ, wamịna Tamụnọ ḅe mịọkụ kpụlụ sakị kẹ ḍiki-ḅụụjịrị nyana tẹ boowa kala-apụ wẹrịso wa pịrịtẹ, ọ̀ fịafịa yọ ḅụ wa kpaịn sime ḅarị anga kẹ wa pịrị tẹ, mịẹtẹ wamịna Tamụnọ wa mịẹtẹ wamịna atọrụngbọ bele ẹrị tẹ wamịna omoni-sọ mẹ ḅụ ịnyọ kalịye kẹ wa pịrị ḅẹ ḅara.

Devidi-Anume 37:40

Ọ̀ ḅarasụa ịn pịrị tẹ ịn pụkọ-pakamaḅoarị; si-sịḅịḅio-sụapụ ḅara-ḅio ori ịn ḅọrọmarị, in mu-mu tẹ ori ịn gbaịn-arị ẹrẹsị.

Ayịzaya 14:30

KỊNỊNYANAḄỌ ḅe anana-ḍikiḍikiḅọ sọ ori atomi ma ḅẹ igoin-apụ ma pịrị ḅa, tẹ mịẹ tẹ in ye ḅụụ la-a ḅara kẹ anga ḅa. Kụma ọmịnị Filisiteniapụ ma, ọ̀ ḅalafama ḅuru-ḅa kẹ ọ́ fịrịma ḅa, tẹ anị ḅụụ ḅụ ḅara-siin tẹ ḍumo ḅẹ ḅọ sọ ofori ọmịna ḅụ.

Ayịzaya 14:32

Ndẹẹ wa kẹ Filisiteni ḅụ wa dama-ḅo oku-mẹnjịapụ ma pakịrị ḅẹ ḅara? Wa ḍuko ịn pịrị ḅa mịnẹ KỊNỊNYANAḄỌ ḅe Zayọnị nama sịẹma kụrọma tẹ, tẹ ori atomi tẹ tọrụsiẹrịarị apụ ma anịanga ye ịn la ḅịa yọ ḍọkị-ẹrị ḅa.

Ayịzaya 29:19

Igoin tẹ ḅụụ-iderimarị apụ ma pịkị sin KỊNỊNYANAḄỌ, Izirẹlị tẹkẹarị Fịafịa Ḅọ ḅe pịrịarị ḅioḅẹlẹ mẹ ḍọkị ẹrị ḅa.

Ayịzaya 50:10

Ọmịnị-mgba tẹ KỊNỊNYANAḄỌ ḅe kụn-arị apụ tẹ ọ̀ fịrịmẹnjịḅọ ḅe ẹkwẹn ma poki tẹ mịẹarị apụ, Ọ́ mẹnjịarị etela mẹ kanakana ḅo anị gbaịn ḅarị-o, kụma ọ́ KỊNỊNYANAḄỌ ḅe kẹ ḅiokpọmaa ọmịnị ọmịna Tamụnọ ḅụ sịrẹrẹẹ!

Ayịzaya 6:13

Gbọrụḅọ kịngẹ ḅọrọ kọn sọ owiapụ ḅụ ama kiri mẹ ḅio, ori sọ ini ọ̀ ḅaa guluguluma ḅa; opu sịn pẹlẹ-gbin tẹ suku mẹ kọn ḅara anie ọ̀ kịka ḅarịye.” Suku mẹ sịẹ Tamụnọ atomi ma tẹ ịwọma saakị ḅarị apụ ma pịrị ḅa.

Jerimaya 17:7

Kụma àrị in boma ḅa, anie ịna aḅioḅẹngbọ kẹ ị̀ ḅụụ ḅụ gbanarị apụ ma.

Jerimaya 50:20

Anị sakị mẹ ḅụ, Izirẹlị ḅụ si paka ḅịa, tẹ si-sịḅịḅio sọ paka ḅịa Juda ḅụ, kẹ gotẹ ọkọ ḍukoarị, à ḍumo fama-a so apụ ma si à wẹrịso ḅa. Yẹrị, KỊNỊNYANAḄỌ ḅe ọkọ ḅẹẹm.”

Izikẹlị 6:8

“Ḅaa sara mẹ ḅụ à mịẹ tẹ ja apụ pụkọ-paka-so ḅa, tẹ ini kẹ sịẹ-sịẹ ma ogboku gala-galama ḅa,

Mayịka 5:6

Okologie ḅụ ini Asiriya nẹngịma ḅa, tẹ lubulu ḅio nụnụ paka-ḅo okologie kẹ Nimirọdị nẹngịma ḅa; anịsakị ini Asiriya ḅẹ apụ ḅara ḅụ wa ḅọrọma ḅa, Nimirọdị wamịna ama ḅio sọ ḅo tẹ wamịna ama agara mẹnjị sakị.

Nahọmụ 1:7

KỊNỊNYANAḄỌ ḅe ori iḅim ḅụụ-fụka ene ḅụ kụrọtẹ ḅụụ ḅọị anga; inima tẹ ò ḅio ḅụ ḅụụ ḅọịarị apụ ma, ori in nimi wararị.

Zẹkaraya 11:11

Mie ḅụ ọḅọkụ mẹ kaan-som anị ene ḅụ. Anana ma fẹ tẹ dẹrị-apụ ma à mịẹ ye kẹ elekima sụarị, tẹ nimim mịnẹ KỊNỊNYANAḄỌ ḅe à mịẹ ye mẹ ḅụ ḅọrọ tẹ ẹkwẹnm.

Zẹkaraya 11:7

Anana ma fẹ tẹ dẹrị-apụ ma ị̀ ọkọm, tẹ à nwẹnị ịn ḅaa ḅẹ-muarị anana ma ḍikiḍikiḅọ sọ. À nwẹnị maa sịn ikiḅa ọkị, à gberie sịnm “Iḅi-mịẹ,” tẹ osi ye “Gboloma.” Tẹ à nwẹnị anana-ogbo mẹ ḍikiḍiki.

Matiyo 11:5

tọrụngbọ-pụụntẹ-apụ inetẹ ye ẹrịarị, ekeliapụ inetẹ mẹnjịarị, sofịnị-obi-kọnapụ ma gwọọ fịafịarị; ḅeri-iningiapụ ye naarị, ịn fịtẹ-apụ saakịmarị fịị ḅụ, tẹ ịn pịkị Iḅi-oku mẹ ḍuko igoin-apụ pịrịarị.

Matiyo 12:21

anịsakị tomikiri ḅẹ atomi mamgba ọ̀ kẹ ḅiokpọma ḅa.”

Matiyo 5:3

“Ḅioḅẹlẹ sime ịn tẹmẹ ḅụ igoin wararị ḅara nimi apụ ma pịrịm; ini ma ịn Tamụnọ Ama-da suku-ḅio sọ tẹẹ!”

Romu 15:12

Ayịzaya sọ ḅẹẹm, “Jese furo ḅụ gbọrụḅọ paka-ḅo ḅa, ori ama-da Ja asịẹ ḅẹ apụ ma pịrị ḅa, tẹ ini ọ̀ ḅụụ ḅiokpọ nyana ḅa.”

Jemụsị 2:5

Ị̀ iḅi amịnapụ, ó pokii! Tamụnọ mị tomikiri mẹ ḅẹ igoin-apụ ma sẹlẹ-ọkịm, in ḅo minini ngọ-kọn tẹ ò minini ọ̀ ḅẹlẹma apụ pịrị Ama mẹ nyana.

1 Pita 1:21

Ọ̀ ḅụụ mie ọ́ ḅọrọ tẹ Tamụnọ minini ye, anie fịị ḅụ ọ̀ saakịma tẹ ebube kẹ ọ̀ pịrị ḅọ ḅe; anie ḅụ, ọmịna minini na ḅiokpọ na Tamụnọ ḅụ sọ ḍiḅi wararị.