Zẹfanaya 3:11 - FỊAFỊA BAỊBỤLỤ

¹¹ Anị ene mẹ ḅụ, ọmịnị ị̀ atomi ma gotẹ ḅụụ-jịrị-jịrị ye ḅarị paka ḅịa, mịnẹ ọ́ kọngọ kụrọma ị̀ pịrịm. Ḅẹḅọ-ḅẹḅọ tẹ ḅụụ-gelema tẹ opu ẹkwẹn kọn-arị ḅo arị mḅọ saakị siin ḅa, anịsakị gbala-gbala ọ́ ḅarị jen kẹ kọngọ kụrọma ị̀ pịrị ḅịa ị̀ fịafịa tụndụ mẹ ọgọnọ.

Zẹfanaya 3:11 Iomraidhean Croise

Devidi-Anume 131:1

KỊNỊNYANAḄỌ, ì opu amịẹaị ḅụ à ḅara-siin tẹ, à pịkị ọḅụ pịkị opu ẹkwẹn kọn gbin tẹẹ. Opu gboloma amịẹaị à ḅarị arị na mịẹ ye nyana-a, anịanịa kpọma ḅụụ-fụkama ḍuko-aị tẹ ị̀ nẹngịma ḅaka aị.

Devidi-Anume 49:5

Ḅalafamaye sakị ḅụ à ḅalafa ḅịa, si kẹ ị̀ tọn apụ ì gbori wararị sakị,

Devidi-Anume 59:12

Ịna ḅịḅị apakịrị ọgọnọ si emi; tẹ ịna ẹkwẹn mamgba si-si-si. Yee ịna opu amịẹaị ma ḅụ ini in kun sịẹma! In ye gboarị pịkị iruoarị ẹrẹsị,

Ayịzaya 11:9

Zayọnị tụndụ ọgọnọ, Tamụnọ fịafịa tụndụ mẹ, ye kẹ kịnị lama ḅẹ gberie, anịanịa siye, sọ paka ḅịa. KỊNỊNYANAḄỌ ḅe nimi amakiri mẹ ḅụ ḅin ḅa minji abajị mẹ ḅio ḅin ḅara.

Ayịzaya 2:12

Anị ene mẹ ḅụ, Kụrọmamgba nyana KỊNỊNYANAḄỌ ḅe kụrọ nyana tẹ ḅụụ-gelema tẹ “ị̀ ḅụụ ngẹrị ḅụ” kẹ amịna ḅụụ ḅẹẹarị apụ mamgba iderima ḅa.

Ayịzaya 45:17

Kụma KỊNỊNYANAḄỌ ḅe Izirẹlị ḅọrọma tẹ, anịsakị árị owu-ḅara-iḅi mẹ sime mu ḅẹẹ-sakị ḅẹẹ-sakị la ḅa; gbala-gbala arị atomi ḅarị jen kẹ tọrụ-tuu ḅịa.

Ayịzaya 5:15

Ḅẹḅọ-ḅẹḅọ tọrụ-tuu ḅa, tẹ ịn ḅụụ-gelemarị apụ mamgba iderima ḅa.

Ayịzaya 54:4

Ḅalafa ma! — ị́ ḅarị jen kẹ tọrụ-tuu ḅịa; ịn ḅarị í iderima ḅịa. Ịwọma owiḅọ sime ẹrẹḅọtụḅọ ḅara ḅụ, ị́ kọn tẹ si mẹnjị mẹ ị́ kẹ ḅioḅọrọma ḅa, pịkị diḅọ-fịtẹ-ẹrẹḅọ ḅara kẹ í sime tẹ si ḅụụ-yaụ ḅara mẹ sọ.

Ayịzaya 56:7

“Arị ọ́ kẹ Zayọnị ḅo ḅa, ị̀ fịafịa tụndụ mẹ, ị̀ tẹkẹ warị mẹ ḅio ḍereku kẹ ọ́ pịrị, tẹ pịkị ị̀ agbamịẹ-anga ọ́ mịẹarị agba ma daa-ọkị ḅa. Ịn kẹ ị̀ Warị mẹ sịn ḅarịye anie tomikiri ḅẹ asịẹ mamgba ḅẹ atomi ma tẹkẹ warị.”

Ayịzaya 61:7

Ọmịna ḅụụ-jịrị na tọrụ-tuu na kuno tẹẹ. Ọmịnị ọmịna amakiri ḅụ anga ḅa Tẹ ọmịna ngọ maa kiri paka ḅa Ọmịna ḍereku sime mu ḅẹẹ-sakị ḅẹẹ-sakị la ḅa.

Jerimaya 13:9

“Mie à kẹ Juda ḅụụ-tọn mẹ guluguluma ḅarị ḅara, pịkị Jeruselemu opu amịẹaị ma na.

Jerimaya 7:4

Ọmịnị mịna oḅori-kẹ-kịnịsịn ẹkwẹn ma minini mẹ dasịẹmaa, anie: “Wa la-la ye ofori! Mie KỊNỊNYANAḄỌ ḅe warị mẹ, mie KỊNỊNYANAḄỌ ḅe warị mẹ, mie KỊNỊNYANAḄỌ ḅe warị mẹ!”

Izikẹlị 20:40

Anị anga amakiri mẹ ḅio, fịafịa tụndụ mẹ ọgọnọ ḅụ, Izirẹlị ḅẹ gele tụndụ mẹ, ọmịnị Izirẹlịapụ mamgba sunsin ị̀ pịrị ḅa. Ọmịna amịẹaị ị̀ ḅụụ-ḅẹlẹ ḅa, tẹ à ḅii ḅa ọmịnị agba ma ọkị-ḅo ị̀ pịrị, ọmịna iḅitẹịn agbamịẹ-aị ma, na ọmịna fịafịa ḍiepịrị-aị ma na.

Izikẹlị 24:21

Mị oku mẹ kẹ ọmịnị Izirẹlịapụ ma pịrị: Ọ́ Tamụnọ-warị mẹ ḅẹ ịnyọ mẹ kẹ ḅụụ-tọn-arị. Anị ḍikiḍiki tẹ mu-mu anị la ọ́ ḅụụ-ḅẹlẹarị, kụma KỊNỊNYANAḄỌ ḅe anị kẹ tọn-tọn-a ḅara wẹrị ḅẹ-yearị. Anịsakị ọmịna asambịrịma apụ ma tẹ warị-warị ḅụ Jeruselemu ḅụ kirikọn-apụ ini ịn ḅaa ḅa ọmụ ḅio.

Danẹlị 9:16

Ḅọrọtẹ sakị ḅụ ị́ wa ḍụam, mie ḅụ ḅarị jen kẹ Jeruselemu ḍiki-ịganị ma. Í opu amaa, ị́ fịafịa tụndụu. Kpeki wararị asịẹ ma ḅẹ apụ mamgba Jeruselemu ḍiki iderimarị, pịkị ị́ atomi ma sọ, wamịna asi na wamịna elemu-aḍapụ mịẹ siye na ẹrẹsị.

Danẹlị 9:20

“À paa tẹkẹ simem, ị̀ asi na ị̀ atomi Izirẹlị ḅẹ apụ ma asi na ḍuko-pakama, pịkị tamụnọ-warị mẹ siin nama ḅẹ ye mẹ kẹ KỊNỊNYANAḄỌ ị̀ Tamụnọ ḅe tọrọkọ koromam.

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Kịẹn-aḅịḅị 16:3

tẹ ịna aḅụụ kobiri gboloma tẹ Mozizi da-paka, pịkị Erọnị na tụḅụrụ tẹ ịn ḅẹẹ, “Ó mu anga ala ḅaka tẹ! Kẹ gotẹ ọkọ ḅẹẹarị, tomina-ogbo mẹ ḅio simearị ḅọ goḅọ-goḅọ, inweni-mgba pilema-a ḅara ḅụ fịafịa wararị, anịsakị KỊNỊNYANAḄỌ ḅe pịkị ịna ogbo-ḅio emi, ọ́ nwẹnị anịtẹrẹmẹ tiegotẹ ọmịna aḅụụ saakị-gelema KỊNỊNYANAḄỌ ḅe kobiri-ogbo mẹ nẹngịmarị?”

Matiyo 3:9

Ó kuroma ma mịnẹ ọmịnị Ebira-amụ kẹ ọmịna atẹngịḅọ sịn-arị ẹrẹsị, ọ́ Tamụnọ kẹ fịrịma ḅarị fomu-ḅara mẹ ḅụ inetẹ pụkọ-so ḅa. Ó nimi mịnẹ Tamụnọ inetẹ mịna aḍụḅarị ma ọkị awọ sọma Ebira-amụ pịrị ḅa!

Romu 2:17

Ị́yẹrị ị́ tọ-ḅara sime? Í Juu-ḅẹ-ḅọ kẹ ị́ ḅụụ sịn-arị. Í Oloko mẹ kẹ ḅiokpọma tẹ Tamụnọ kẹ ḅụụ-bomarịị;

Romu 9:33

Anị ḍụḅarị mẹ ḅụ Fịafịa Ḍiri mẹ ḅẹẹm: “Ḍikii, à gbọrụ ḍụḅarị kẹ Zayọnị ḅụ koromarị, anị tomina ḅụọ bịan, bịan tẹ ịn pụmbụ ḅa, ịkụ tẹ mịẹtẹ ịn ḅịkị ḅarịye. Kụma ọ̀ ḅụụ minini nyana ḅọ, nyana ḅọ papaa ḅara ọlọ ḅịa.”

1 Pita 2:6

Kẹ gotẹ ọkọ ḍukoarị, Fịafịa Ḍiri mẹ ḅẹẹarị, “À gbọrụ yelatẹ ḍụḅarị sẹlẹ-ọkịm, àrị anị kẹ Zayọnị ḅụ ịkọlị palị ḍụḅarị ḅara koromarị, tẹ ọ̀ ḅụụ minini ḅọ, minini ḅọ papaa ḅara ọlọ ḅịa.”