Zẹfanaya 3:10 - FỊAFỊA BAỊBỤLỤ

¹⁰ Sụma-jụ simearị Ẹtịyopịya ḅụ sọ ị̀ atomi gala-gala wararị apụ ma ḍiepịrị-aị ọkị-ḅo ị̀ pịrị ḅa.

Zẹfanaya 3:10 Iomraidhean Croise

Devidi-Anume 68:31

Amịna asịẹ tọrụ ḍima tẹ ja sịẹ ḅụ simearị apụ ma Ijiputi ḅụ sime tẹ ḅo ḅa; Sudanị ḅẹ apụ ma amịna aḅara saakị-gelema tẹ Tamụnọ tẹkẹ ḅa.

Ayịzaya 11:11

Anị ene mẹ ḅụ, KỊNỊNYANAḄỌ ḅe pịkị siin jen kẹ ọ̀ kụrọ pakama tẹ ori atomi ma tẹ kirikọn-apụ ma ọkị pịkị warị ḅo ḅa, Asiriya na, Ijiputi na ḅụ, pịkị Patọrọsị na, Sudanị na, Ẹlamụ na, Babịlonịya na, Hamatị na, amakiri ma ḅụ tọrụ akaka ḅẹ akiri ma ḅụ na, tọrụ-minji ḅẹ asọ ma ḅụ sọ.

Ayịzaya 11:12

Kẹ tomikiri ḅẹ asịẹ ma ḍie mịnẹ, ò siin ori atomi ma kobiri gboloma ḅo ḅa ḅẹ ye ḅụ, KỊNỊNYANAḄỌ ḅe arụ pike ḅịtẹ pike gelema ḅa, tẹ Izirẹlị na Juda na ḅụ gala-gala atomi ma, tomikiri ḅẹ ini ịkọlị ma ḅụ, ini ọkị pịkị ḅoarị.

Ayịzaya 18:1

Sudanị ḅẹ atọrụ ma ḅọrọ ḅụ gbọrụ ama emi, fẹrụ pamba fie mu tẹ kịnị naarị ama mẹ.

Ayịzaya 18:7

Anị sakị mẹ ḅụ, Kụrọmamgba nyana KỊNỊNYANAḄỌ ḅe mie tọrụ-tọrụ ḍiema wararị amakiri mẹ ḅẹ apụ ma ḅara agba da ḅa, mie kụrọtẹ ịnyọ nyana wararị sịẹ mẹ, mie gele-geletẹ oju-kiri welewele wararị atomi ma, anie tomikiri mamgba ḅụ in ḍiki-ḅalafaarị apụ ma. Ịn Zayọnị tụndụ ḅo ḅa, in sunsin Kụrọmamgba nyana KỊNỊNYANAḄỌ ḅe pịrịarị yọ mẹ ḅụ.

Malakayị 1:11

Tomikiri mẹ ḅẹ gbọrụ ịkọlị ḅụ ọkị mu osi ịkọlị la tomi ị̀ kụn-arị. Anga-anga ḅụ ịn kụnụaị dọkịma ị̀ pịrị tẹ kẹ agba mịẹ-mịẹ ị̀ pịrịarị. Inimgba ị̀ kụn-arị!

Jọnị 7:35

Juu-ḅẹ ḅẹrẹtọn-apụ ma ini-ini-ini ogboku ḅẹẹm, “Ò mu ḅẹ-yearị anga ḅọrọ tọ-anga tẹ wa ọ̀ ḍọkị ẹrị ḅịa? Ọ̀ ḅọrọ Giriki apụ opu ama ma tẹ wamịna ama ḅẹ apụ angarị anga ma mu tẹ ye kẹ Giriki apụ ma toluma ḅẹ mụnọọ?

Fịrịmẹnjịapụ 24:17

“À Jeruselemu la-a ala tẹ ḅara ḅụ à mu igbigi kẹ ị̀ ama ḅẹ apụ ma pịrị, tẹ pịkị agbamịẹ ḅẹ tẹ mum.

Fịrịmẹnjịapụ 8:27

Mie ḅụ Filipu nwẹnị saakị tẹ mu. Tẹ ò muarị ogbo Ẹtịyopịya ḅẹ gbọrụ pootẹ ḅọ ori na bịamam, anịḅọ ḅe anie fịrịmẹnjị-opuḅọ tẹ Ẹtịyopịya ḅẹ amada-ẹrẹḅọ, ịn kẹ Kandasi sịn ḅọ ma ngọ warị ḍikiḍikiarị ḅọ. Ḅị tomḅọ ḅe tẹkẹ ḅẹ tẹ Jeruselemu mum

Romu 15:16

anie Jizọsị Kịrayịsị fịrịmẹnjịḅọ, tẹ kọrịnama kọrị Ja asịẹ ḅẹ apụ ma pịrịarị ḅọ ḅara ḅụ, à gbala ḅọrọ Tamụnọ agbamịẹḅọ sọ ọ́ pịrị tẹ, Tamụnọ Iḅi Oku mẹ ḍuko ḅụ, mịẹtẹ Fịafịa Tẹmẹ ḅe anị ḅụ ḅọrọ tẹ Ja asịẹ ḅẹ apụ ma tẹlẹma tẹ kẹ Tamụnọ ḅụụ-ḅẹlẹ ḅẹ ḅara wẹrị tẹ, in ḅo ọkị na-iḅi agba sọ Tamụnọ pịrị ḅarị ḅara.

1 Pita 1:1

Pita, Jizọsị Kịrayịsị fịrịmẹnjịḅọ ḅe ḅara ḅo ḍiri: Tamụnọ sẹlẹ-ọkị tẹ atomi ma tẹ Pọnịtịyọsị na, Galesiya na, Kapadosiya na, Esiya na, Bitiniya na ibe ma ḅụ gala-gala tẹ angarị apụ ma pịrị ye mẹ.