Zẹfanaya 2:9 - FỊAFỊA BAỊBỤLỤ

⁹ Piki-pikiye-ofori ḅara ḅụ yẹrị anie Izirẹlị ḅụ ḍumo wararị Tamụnọ ḅe sakị goyegoye, à karị tẹ ḅẹẹarị mịnẹ ịn Mohabụ na Amọnị na ḅaa guluguluma ḅẹ-yearị ịn Sọdọmụ na Gomora ḅaa guluguluma ḅara mẹ kịka ḅara. Arị ḅe fụn otolo-otolo yọ sọ ḅa, sii kọsị gbamaso ḅarị yọ, piri gbaịntẹ anga. Ị̀ atomi ḅụ fịị-a so ḅarị apụ ịna aị fọịn tẹ ịna kiri ọkị ḅa.”

Zẹfanaya 2:9 Iomraidhean Croise

Ayịzaya 11:14

Ịn gbọrụ ḅụ sime tẹ owu kẹ Filisiteniapụ paka ḅa, ịrụa-ideriarị-anga anga mẹ ḅụ, tẹ pịkị ịrụa saakịarị anga sime apụ ma aị fọịn ḅa. Ini owu-kiri ḅụ Idọmụ na Mohabụ na ḅẹ apụ ma nẹngịma ḅa, tẹ Amọnị ḅẹ apụ sịḅị-tuu ịn pịrị ḅa.

Ayịzaya 25:10

KỊNỊNYANAḄỌ ḅe Zayọnị tụndụ gbaịn ḅọrọma ḅa, kụma in Mohabụ ḅẹ apụ ma nanga kiri pịrị ḅa, anie wẹrị ḅụrụma tẹ kẹ ye ḍiḅi tẹ asịra nanga kiri pịrị, pịrị gbọrụ ḅara mẹ.

Ayịzaya 49:18

Ḍiki ikelema tẹ pakarị ye ẹrị! Ị́ atomi kobiriarị — ini ama ḅoarị! piki-pikiye-ofori ḅara ḅụ, yẹrị anie ḍumo wararị Tamụnọ sakị goyegoye ḅụ, ị́ ị̀ atomi ma kẹ ḅụụ-tọn ḅa, ịya ḅẹ ẹrẹḅọ á ḅiriaị kẹ ḅụụ-tọn ḅara famam.

Jerimaya 46:18

Yẹrị, Kụrọmamgba nyana KỊNỊNYANAḄỌ ḅee, amadaḅọọ. Yẹrị anie Ḍumo wararị Tamụnọ ḅe. Tabọ Tụndụ gele fatẹ tụndụ ma saḅa ḅọrọ ḅara tẹ Kamẹlị Tụndụ mẹ sịẹ gele iwo abajị mẹ ḅọrọ ḅara, anị ḅara mie owu kẹ ị́ pakarị ḅọ ḅe kụrọ sime ḅarị ḅara.

Jerimaya 48:1

Miemẹ anie Kụrọmamgba nyana KỊNỊNYANAḄỌ ḅe Mohabụ gboloma ye ḅụ ḍuko ye: Nebo ḅẹ apụ ma ḍiki-sịḅịjịrịị ịna ama mẹ gulugulu tẹẹ! Ịn Kiriyatahịmu ọkị tẹẹ, Ịna opu kụrọ owuna-aị koko yọ ịn kan kiri lamatẹ, tẹ arịḅẹ apụ ma ḅụụ-jịrịma tẹẹ;

Jerimaya 49:1

Mie KỊNỊNYANAḄỌ ḅe ḍuko tẹ ye Amọnị gboloma ye ḅụ: “Ndẹẹ Izirẹlị ḅẹ atomi ma? Gbọrụḅọ sọ ofori ịna amakiri mẹ ḍụa? In tiegotẹ wẹrịso tẹ Mịlịkọmụ tẹkẹarị apụ ma Gadi furo-ḅẹ-apụ ma kiri mẹ ọkị tẹ kẹ amịna nye sọma tẹ anị yọ ḅụ anga?

Jerimaya 49:18

Sọdọmụ na Gomora na ḅụ paka gberie mẹ mie Idọmụ ḅụ paka ḅarịye, anie ini na ịna kpeki ama mamgba na fịị gulugulu sakị mẹ. Gbọrụḅọ sọ ḅarị jen kẹ anịanga anga ḅịa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 49:33

Hezọ ịkpa sọ ḅa, ḅẹẹ-sakị ḅẹẹ-sakị ḅụ, piri-obiri kịngẹ angarị yọ. Gbọrụḅọ sọ ḅarị jen kẹ anị yọ anga ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 50:40

Sọdọmụ na Gomora na ḅụ paka gbọrụ ye mẹ Babịlọnị ḅụ paka ḅa, anie arị ini na ini na kpeki tẹ anga apụ na guluguluma sakị mẹ ḅụ. Gbọrụḅọ-sọ ḅarị jen kẹ anị yọ anga ḅịa Yẹrị KỊNỊNYANAḄỌ ḅe ọkọ ḅẹẹm.

Emọsị 1:13

KỊNỊNYANAḄỌ ḅe ḍukoarị, “Amọnị ḅẹ apụ si mịẹ-mịẹ-mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ịna kiri ḍụḅama gotẹ in gbin ọmụ ma ḅio Giliyadi ḅụ in furatẹ-ereme afuro puu-puu finjim.

Emọsị 2:1

KỊNỊNYANAḄỌ ḅe ḍukoarị, “Mohabụ ḅẹ apụ ma si kẹ jen-jen tongu mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ịn kụn kẹ Idọmụ ḅẹ amadaḅọ ḅe mgbe ma pịrị-a tẹ arị dọkịma fọọn sọma ḅụ.

Zẹfanaya 2:14

Anị anana ogbo-ogbo na, opu anama ogbo-ogbo na, piri-ḅio-ḅẹ anama ḅara-ḅara na ḅọlọlọ simearị anga sọ ḅa. Anị ḅẹ kan-saratẹ ayọ ma ḅụ mgbukumgbuku anga tẹ ikiḅa-aḅọkọ ma ḅụ sime tẹ ḅio fiema ḅa. Ḍin feni warị-ḅọkọ-amasịn ma ọgọnọ sime tẹ oloku ḅa. Sida ḍụḅọ tẹ ịn kẹ árị awarị ma nama aị ma kịnị kpakpa so ḅa.

Zẹfanaya 2:7

Juda ḅẹ apụ tẹ fịị-a so ḅarị apụ ma ọmịna amakiri ḅụ koro sime ḅa. Ini anịanga kẹ ini anana ogbo-ogbo ma ḍikiḍiki yọ sọma ḅa, tẹ Asịdọdị ḅẹ awarị ma ḅio mono ḅa. KỊNỊNYANAḄỌ ịna Tamụnọ ḅe ini na sime tẹ ịn mịẹ tẹ in siin lolo ḅa.

Zẹfanaya 3:13

Izirẹlịapụ ma tẹ fịịa-so ḅarị apụ ma ini iri-ye kẹ gbọrụḅọ-sọ mịẹ ḅịa, ini iruo aị ḍuko ḅịa, pịkị oḅori-kẹ-kịnịsịn ḅẹ ḍọkị ḅịa. In lolo tẹ ye ịn la ḅịa ḅara sime ḅa, gbọrụḅọ sọ gotẹ ḅalafa-a ḅara.”

Zẹkaraya 2:13

Ọrụḅọ-ọrụḅọ yaụ-simee, KỊNỊNYANAḄỌ ḅe tọrọkọ, gbala ori ọ̀ fịafịa sime-yọ ḅụ sime tẹ ḅoarị.

Kịẹn-aḅịḅị 14:21

Kụma tụkụma ḅara ḅụ, à ḍumo-sime wararị ogbo tẹ KỊNỊNYANAḄỌ ḅe ebube tomikiri mẹmgba ḅin ḅarị ḅara ḅụ,

Romu 14:11

Kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Piki-pikiye-ofori ḅara ḅụ yẹrị anie ḍumo wararị Tamụnọ ḅe nwẹn ḅẹẹ sakị goyegoye, KỊNỊNYANAḄỌ ḅẹẹarị, ḅẹḅọ-ḅẹḅọ ị̀ tọrọkọ kparakị ḅa tẹ ọrụḅọ-ọrụḅọ ḍuko-pakama ḅa mịnẹ yẹrị anie Tamụnọ.”

Ditẹrọnọmị 29:22

Ḅo ḅarị ḅụọ mẹ ḅẹ apụ ḅụ ọmịna awọmẹ tẹ ọ́ ḅọrọ tẹso, saakị ḅarị apụ na, jen sịẹ ḅẹ igoniḅọ ḅe tẹ ala-jụ ḅẹ ama ḅụ sime tẹ ḅo ḅọ ḅe na, anị ama mẹ ḅẹ ḅụụ-fụka ma na, obi ma na tẹ KỊNỊNYANAḄỌ ḅe kẹ anị pịrị tẹ ḅụụ-fụka ma na obi ma na ẹrị ḅa.

Ditẹrọnọmị 29:23

Bebe ama mẹmgba sọlụfọ nwẹn sịn ye-dọkịmaye na fụn na anị gbaịn ḅa; anị ḅụ ḍiḅi gberie sọ so-paka ḅịa, osuka sọ inetẹ so-paka ḅịa anga. Bebe ama mẹ Sọdọmụ na Gomora na Adima na Zeboyimu na, tẹ KỊNỊNYANAḄỌ ḅe ò ye ḅụụ-ḅẹsọ na, ịganị ḅụ na fama opu ama ma fa tẹ sime-ḅara sime ḅa.