Zẹfanaya 2:8 - FỊAFỊA BAỊBỤLỤ

⁸ Kụrọmamgba nyana KỊNỊNYANAḄỌ ḅe ḅẹẹarị, “À naa tẹ Mohabụ na Amọnị na ḅẹ apụ ma kẹ ị̀ atomi mịẹ sima-sima tẹ kẹ ịna ḅụụ-sịnịsịnịmarị ye mẹ, pịkị ịn ḅụụ bomarị ye mẹ na, mịnẹ, ịn kụrọ ḅara kẹ ịna kiri ọkị ḅa.

Zẹfanaya 2:8 Iomraidhean Croise

Suku-saakị 19:37

Omongi ẹrẹḅọtụḅọ ma gbọrụ owiḅọtụḅọ iyim, tẹ Mohabụ kẹ ẹrẹ kẹ ò kurom. Ọkị-ḅo mịmgba la, ori anie Mohabụ furo-ḅẹ-apụ ma atẹngịḅọ.

Suku-saakị 19:38

Kala ẹrẹḅọtụḅọ ma sọ gbọrụ owiḅọtụḅọ iyim tẹ Bẹnami kẹ ẹrẹ kẹ ò kurom. Ọkị-ḅo mịmgba la, ori anie Amọnị furo-ḅẹ-apụ ma atẹngịḅọ.

Ayịzaya 15:1

Mie Mohabụ gboloma oku. Kpọkpọ gbọrụ ḍin ḅụ A-a na Ka-a na opu ama ma ini arị famarị, tẹ Mohabụ sịẹ mẹ yaụ-sime tẹ.

Ayịzaya 16:6

Juda ḅẹ apụ ḅẹẹarị, “Wa naa tẹ mịnẹ Mohabụ ḅẹ apụ anie opu-amịẹaị mịẹ-mịẹ apụ. Wa nimi wararị inima anie opu ẹkwẹn kọn, kọn apụ, pịkị amịna ḅụụ ọkị jen-apụ nẹngịma, nẹngịma apụ, kụma ịna aḅụụ boma ma ḅio ye ofori.”

Jerimaya 12:14

KỊNỊNYANAḄỌ ḅe mẹẹ, “Izirẹlị na kpekitẹ anga apụ tẹ à kẹ ị̀ atomi Izirẹlị pịrị amakiri mẹ guluguluma apụ ma ḅụ à ḍuko ḅẹ ye emi. Àrị arị si-sịḅịḅio-sụapụ ma ọkị-so ḅa ịna sime-yọ ḅụ, suku-na-suku-na kẹ kiri ḅio ḍiḅi wararị sịn nụnụ pakama-ḅo ḅara, tẹ Juda pụkọ-pakamaḅo ḅa ịna aḅara-ḅio.

Jerimaya 48:1

Miemẹ anie Kụrọmamgba nyana KỊNỊNYANAḄỌ ḅe Mohabụ gboloma ye ḅụ ḍuko ye: Nebo ḅẹ apụ ma ḍiki-sịḅịjịrịị ịna ama mẹ gulugulu tẹẹ! Ịn Kiriyatahịmu ọkị tẹẹ, Ịna opu kụrọ owuna-aị koko yọ ịn kan kiri lamatẹ, tẹ arịḅẹ apụ ma ḅụụ-jịrịma tẹẹ;

Jerimaya 49:1

Mie KỊNỊNYANAḄỌ ḅe ḍuko tẹ ye Amọnị gboloma ye ḅụ: “Ndẹẹ Izirẹlị ḅẹ atomi ma? Gbọrụḅọ sọ ofori ịna amakiri mẹ ḍụa? In tiegotẹ wẹrịso tẹ Mịlịkọmụ tẹkẹarị apụ ma Gadi furo-ḅẹ-apụ ma kiri mẹ ọkị tẹ kẹ amịna nye sọma tẹ anị yọ ḅụ anga?

Kururu Owu-apọkọ 3:61

Yei KỊNỊNYANAḄỌ, ịna wori-anume ma ị́ naa tẹ, ịn ḅiya ị̀ pịrị ḅẹrẹ mamgba sọ.

Izikẹlị 21:28

Fịị-fịị tomḅọ, ịkịan koroo. Ḍuko wasamaa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko Amọnị ḅẹ apụ ma pịrịarị ye mẹ, anie Izirẹlị mịẹ-simarị apụ ma. Ịn ḅẹẹ: okologie tẹlẹma sime wararị, kẹ ḅaa guluguluma; anị sịkịrị-vịọị wararị kẹ kịnị ḅaa, So-tọrụ ḅalapụ ḅọrọ ḅara kẹ wanamụarị.

Izikẹlị 25:1

KỊNỊNYANAḄỌ ḅe ẹkwẹn ị̀ pịrịm.

Izikẹlị 35:12

Anịtẹso ó nimi ḅa mịnẹ yẹrị, KỊNỊNYANAḄỌ ḅe ọ́ naam, ó ḍiki-iderima ḅara kẹ ḅẹẹarị sakị, mịnẹ Izirẹlị ḅẹ tụndụ ma gulugulu fama tẹẹ, tẹ arị sime ọ́ pịrịm, tẹ ọ́ gbọrsịḅị arị mẹnị ọkị ḅẹm.

Izikẹlị 36:2

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, nyana ịn pịrị ye mẹ; si kẹ Izirẹlị tọn apụ ma in ḍiki tẹ ḅioḅẹlẹ-ḅẹlẹ tẹ ḅẹẹm, ‘Mịọkụ arị elemu sakị kụra ḅio ḅẹ atụndụ ma wamịna nye!’ ”

Emọsị 1:13

KỊNỊNYANAḄỌ ḅe ḍukoarị, “Amọnị ḅẹ apụ si mịẹ-mịẹ-mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ịna kiri ḍụḅama gotẹ in gbin ọmụ ma ḅio Giliyadi ḅụ in furatẹ-ereme afuro puu-puu finjim.

Emọsị 2:1

KỊNỊNYANAḄỌ ḅe ḍukoarị, “Mohabụ ḅẹ apụ ma si kẹ jen-jen tongu mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ịn kụn kẹ Idọmụ ḅẹ amadaḅọ ḅe mgbe ma pịrị-a tẹ arị dọkịma fọọn sọma ḅụ.

Zẹfanaya 2:10

Mị-ḅara mie Mohabụ na Amọnị na ḅọrọ tẹ fomu-ḅara da ḅarị ḅara, ịna ḅụụ-gelema na opu ẹkwẹn na ḅụ, pịkị ịn kẹ Kụrọmamgba Nyana KỊNỊNYANAḄỌ ḅe atomi ma mịẹ sima ye ẹrẹsị.

Jọsụwa 5:9

KỊNỊNYANAḄỌ ḅe nwẹnị Jọsụwa ḅẹẹ, “Mịmgba mie arị ọmịna aḅụụ Ijiputi ḅẹ ḅụụ-jịrị mẹ mbelembele sin tẹ ye.” Anieḅụ ọkị ḅo mịmgba la ịn kẹ anịjụ mẹ sịn ẹrẹ anie Giligalị.