Zẹfanaya 2:7 - FỊAFỊA BAỊBỤLỤ

⁷ Juda ḅẹ apụ tẹ fịị-a so ḅarị apụ ma ọmịna amakiri ḅụ koro sime ḅa. Ini anịanga kẹ ini anana ogbo-ogbo ma ḍikiḍiki yọ sọma ḅa, tẹ Asịdọdị ḅẹ awarị ma ḅio mono ḅa. KỊNỊNYANAḄỌ ịna Tamụnọ ḅe ini na sime tẹ ịn mịẹ tẹ in siin lolo ḅa.

Zẹfanaya 2:7 Iomraidhean Croise

Suku-saakị 50:24

Josẹfụ nwẹnị ori amịnapụ ma ḅẹẹ, “À fịị ḅẹ-yearị, kụma Tamụnọ ḅo ḅarasụa ọ́ pịrị ḅa, tẹ mị ama mẹ ḅio ọ́ pakama ama mẹ tẹ ò ye karị ḅara kẹ minini Ebira-amụ na, Ayịzịkị na, Jekọbụ na pịrị ama mẹ mu ḅa.”

Devidi-Anume 80:14

Kụrọmamgba nyana Tamụnọ, tọrụ kẹ wa daa! So-ḅio sime tẹ tọrụ-toluma wa ḍikii; ḅo ị́ atomi ḅọrọmaa.

Devidi-Anume 85:1

KỊNỊNYANAḄỌ, ị́ ọkụrụkụrụ nyana ị́ amakiri mẹ pịrị tẹẹ; ị́ mịẹ tẹ Izirẹlị siin lọkọlọkọ tẹẹ.

Paka-so 4:31

Tomi ma nwẹnị minini; tẹ ịn naam mịnẹ KỊNỊNYANAḄỌ ḅe ḅo toluma Izirẹlịapụ ma ḍiki tẹ anịsakị ori ịna tọrụsiẹrị ẹrị tẹ nwẹn ḅẹẹ ye ḅụ ịn nwẹnị ịna sịḅị-tuu tẹ sunsin Tamụnọ pịrị.

Ayịzaya 11:11

Anị ene mẹ ḅụ, KỊNỊNYANAḄỌ ḅe pịkị siin jen kẹ ọ̀ kụrọ pakama tẹ ori atomi ma tẹ kirikọn-apụ ma ọkị pịkị warị ḅo ḅa, Asiriya na, Ijiputi na ḅụ, pịkị Patọrọsị na, Sudanị na, Ẹlamụ na, Babịlonịya na, Hamatị na, amakiri ma ḅụ tọrụ akaka ḅẹ akiri ma ḅụ na, tọrụ-minji ḅẹ asọ ma ḅụ sọ.

Ayịzaya 11:14

Ịn gbọrụ ḅụ sime tẹ owu kẹ Filisiteniapụ paka ḅa, ịrụa-ideriarị-anga anga mẹ ḅụ, tẹ pịkị ịrụa saakịarị anga sime apụ ma aị fọịn ḅa. Ini owu-kiri ḅụ Idọmụ na Mohabụ na ḅẹ apụ ma nẹngịma ḅa, tẹ Amọnị ḅẹ apụ sịḅị-tuu ịn pịrị ḅa.

Ayịzaya 11:16

Oḅoroma paka ḅa, Asiriya ḅụ saakị, anie ori atomi Izirẹlị tẹ anịanga kirikọn-apụ ma mẹnjị paka-ḅo ḅẹ yọ, ịna elemu aḍapụ ma Ijiputi sime tẹ paka-ḅo sakị mẹ anị sime gbọrụ ḅara mẹ.

Ayịzaya 14:1

KỊNỊNYANAḄỌ ḅe pịkị siin jen kẹ ọkụrụkụrụ nyana ori atomi Izirẹlị pịrị tẹ ịn sẹlẹ ọkị tẹ kẹ ò nye sọma ḅa. Ọ̀ mịẹ tẹ ịn pịkị jen kẹ ịna amakiri ḅụ anga ḅa, tẹ jen asịẹ ḅẹ apụ ḅo anịjụ ini na anga ḅa.

Ayịzaya 32:14

Ama-da warị mẹ so ini anị kuroma mangị ḅa, tẹ sịḅịda opu ama mẹ ḅio kpọkpọ gbọrụḅọ-sọ kọn ḅịa. Sime yọ na ọmụ-aị koko awarị ma na tẹ ịn gbaịn sime aị ma kan sara gbamaso ḅa. Piri ḅio ḅọ anama ma anịanga mẹnjị-mẹnjị ḅọrọ ḅa, tẹ anana ma anịanga osuka fị ḅa.

Jerimaya 23:3

Ị̀ atomi ma ḅụ kirikọn-apụ arị in kobiri ḅo ḅa, arị ịn gala-galama mu la asịẹ ma ḅụ, tẹ àrị ịn kẹ ḅo ịna amakiri lama ḅa. Ịn tọnwa awọmẹ nyana tẹ ịna kịẹn-ḅịḅị sun ḅa.

Jerimaya 29:10

KỊNỊNYANAḄỌ ḅe mẹẹ, “Babịlonịya kụra atesi oyi finji ma ḅọrọ sakị, à ḍie-pakama ḅa mịnẹ arị ó gotẹ ḅio-sẹsẹarị, tẹ à minini ọ́ pịrị ye mẹ mịẹ ḅa, ọ́ kẹ pịkị ama ḅo mẹ.

Jerimaya 29:14

Inn, à ḍukoarị, ọmịnị ị̀ ḍọkị ẹrị ḅa, tẹ arị ọ́ kẹ pịkị ọmịna amakiri ḅo ḅa. Sịẹ goyegoye na ye-yọ goyegoye na tẹ arị ọ́ gala-gala mu la anga ma, arị ó kobiri ḅa, tẹ ọ́ kẹ pịkị-ḅo ó simearị tẹ arị ọ́ kẹ kun-so mu yọ fịrịma amakiri mẹ la ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 3:18

Izirẹlị na Juda na gboloma ḅa, tẹ ịn gbọrụ ḅụ kẹ ọgọnọ-jụ ḅẹ yọ mẹ ḅụ kun-ḅara ḅụ so ḅo à kẹ ịna elemu aḍapụ ma pịrị gbamaso wararị amakiri mẹ la ḅa.

Jerimaya 30:3

arị ị̀ atomi, Izirẹlị na Juda na, kẹ pịkị-ḅo ḅarị sakị mẹ ḅoarị ẹrẹsị. Arị ịn kẹ pịkị-ḅo à kẹ ịna elemu aḍapụ ma pịrị amakiri mẹ lama tẹ in siin ọkị tẹ kẹ ịna nye sọma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 31:7

KỊNỊNYANAḄỌ ḅe mẹẹ, “Ḍereku kẹ nume-su Izirẹlị pịrịị, sịẹ-sịẹ ma ḅụ tẹịn ye mẹ. Í tokini nume suu, ‘KỊNỊNYANAḄỌ ḅe ori atomi ḅọrọma tẹ; kirikọn-apụ mamgba ori ịn pụkọ-pakamaḅo tẹ.’

Jerimaya 32:44

Tomi arị fẹẹ ḅa, tẹ ḅara kẹ kiri-fẹ-ḍiri-apakịrị ma ḅio sụa tẹ ye-oḅoloye kẹ oḅolo tẹ ḅẹrẹ-kiri ḅụ sime apụ sọ ḅara sime ḅa. Miemẹ Benijamịnị ibe ḅụ kiri ọkị ḅa, Jeruselemu ikelema-koro wararị kala-ama ma ḅio, Juda ḅẹ ama ma ḅio, na tụndụ ọgọnọ ḅẹ ama aḅio na, tụndụ suku ḅẹ ama ma aḅio na, Juda ḅẹ suku-jụ na ḅụ. À tomi ma kẹ pịkị-ḅo ịna amakiri suu ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 33:12

Kụrọmamgba nyana KỊNỊNYANAḄỌ ḅe mẹẹ, “Amakiri mẹ tẹ ịkpa kịkarị tẹ tomi anịanịa nama sọ anga-a yọ mẹ ḅio nama fị-fị osuka siin paka tẹ anana-ḍikiḍikiapụ ịna anana ma kẹ mu ḅa.

Jerimaya 33:7

À Juda na Izirẹlị na mịẹ tẹ ịn lọkọlọkọ ḅa, tẹ à siin ịn nama tẹ ịn tarị ḅara mẹ sime ḅa.

Jerimaya 47:5

Opu kururu ḅo Gaza ḅẹ apụ la tẹ, tẹ Asẹkẹlọnị ḅẹ apụ gbọsime wararị Filisiteni ḅụ kirikọn-apụ ma kururu mu tọ-sakị la ḅẹ?

Izikẹlị 39:25

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Kụma mịọkụ àrị ọkụrụkụrụ nyana Jekọbụ furo-ḅẹ-apụ ma pịrị ḅa, Izirẹlịapụ ma, tẹ mịẹ tẹ in siin lọkọlọkọ ḅa. Àrị ị̀ fịafịa kịrị ẹrẹ mẹ ḍụa ḅa.

Hosiya 6:11

Tẹ ọmịnị Juda ḅẹ apụ kịngẹ kụma à fomu-ḅara kẹ ọmịnị sọ pịrị ḅẹ sakị tọn-pẹlẹ tẹ ọ́ mịẹarị aị gotẹ.

Obadaya 1:19

Juda suku-jụ ḅẹ apụ Idọmụ ọkị anga ḅa, ịrụa-ideriarị-anga ḅẹ apụ tẹ ḅụọ-kẹ-mẹnjị-saḅarị tụndụ mẹ ḅụ ḅo apụ ma Filisiteni nẹngịma ḅa; ịn pịkị Iferemu na Sameriya na nyana amakiri mẹ kẹ amịna nye sọma ḅa. Benijamịnị ḅẹ apụ ma Giliyadi ọkị ḅa.

Mayịka 2:12

Tụkụma ḅara ḅụ àrị ọmịnị-mgba kobiri ḅa, yei Jekọbụ warị; Izirẹlị ḅẹ kirikọn-apụ ma àrị ịn kobiri ḅa; Àrị ịn koroma gboloma ḅa, gbọrụ ogbo ḅụ simearị anana koroma ḅara, anana ogbo amịna iḅi-osuka kiri ḅụ kobiri ḅara, mie tọnwa tomi pịkị siin ọmịna ama mẹ ḅio ḅin ḅarị ḅara.

Mayịka 4:10

Yei kpọma-ḅẹlẹmarị Jeruselemu, iyiarị ẹrẹḅọ fangala tẹ iningi ḅara kẹ fangala tẹ iningii; gbala mịọkụ ị́ ama mẹ koroma so tẹ mu ama mẹ akaka ḅụ sime ḅa ẹrẹsị; í so Babịlọnị mu ḅa. Anịjụ mie ini ị́ ḍụa ḅọrọma ḅarịye, anịjụ mie KỊNỊNYANAḄỌ ḅe ị́ na fịya-a apụ ma ḅara ḅụ ị́ pakịrị ọkị ḅarịye.

Mayịka 4:7

Anịsakị ekeliapụ ma à nwẹn kẹ kirikọn-apụ mịẹ ḅa, tẹ inima tẹ ịn kẹ wakị nguma apụ ma ḅo kụrọtẹ opu sịẹ sọ ḅa; tẹ KỊNỊNYANAḄỌ ḅe Zayọnị Tụndụ ọgọnọ ḅụ amadaḅọ sọ ịn pịrị ḅa, mị sakị mẹ ḅụ ọkị mu ḅẹẹ-sakị ḅẹẹ-sakị la.

Zẹfanaya 2:9

Piki-pikiye-ofori ḅara ḅụ yẹrị anie Izirẹlị ḅụ ḍumo wararị Tamụnọ ḅe sakị goyegoye, à karị tẹ ḅẹẹarị mịnẹ ịn Mohabụ na Amọnị na ḅaa guluguluma ḅẹ-yearị ịn Sọdọmụ na Gomora ḅaa guluguluma ḅara mẹ kịka ḅara. Arị ḅe fụn otolo-otolo yọ sọ ḅa, sii kọsị gbamaso ḅarị yọ, piri gbaịntẹ anga. Ị̀ atomi ḅụ fịị-a so ḅarị apụ ịna aị fọịn tẹ ịna kiri ọkị ḅa.”

Zẹfanaya 3:13

Izirẹlịapụ ma tẹ fịịa-so ḅarị apụ ma ini iri-ye kẹ gbọrụḅọ-sọ mịẹ ḅịa, ini iruo aị ḍuko ḅịa, pịkị oḅori-kẹ-kịnịsịn ḅẹ ḍọkị ḅịa. In lolo tẹ ye ịn la ḅịa ḅara sime ḅa, gbọrụḅọ sọ gotẹ ḅalafa-a ḅara.”

Zẹfanaya 3:20

Sakị mẹ ḅoarị! Àrị í gala-galatẹ atomi ma kẹ warị ḅo ḅa; àrị ị́ mịẹtẹ ị́ ereso ḅa bebe tomikiri mẹ ḅụ pịkị mịẹtẹ í jen kẹ lọkọlọkọ ḅa.” KỊNỊNYANAḄỌ ḅe ọkọ ḅẹẹm.

Hegayị 1:12

Anịtẹso Zerubabẹlị na Jọsụwa na tomi mamgba na tẹ Babịlonịya ḅụ kun-ḅara ḅio sime tẹ pịkịma-ḅo apụ ma nwẹnị KỊNỊNYANAḄỌ ịna Tamụnọ ḅe ḍuko ịn pịrị ye mẹ mịẹ. Ịn ḅalafaam, tẹ nwẹnị ịkịankoro Hagayi ḅịḅị poki, KỊNỊNYANAḄỌ ḅe ọkị-ḅo ḅe.

Hegayị 2:2

Ò ḍuko Hagayi pịrịm ori ẹkwẹn Zerubabẹlị, Juda ḅẹ Ḅẹrẹtọnḅọ ḅe na, Jọsụwa Sịḅịda-Agbamịẹḅọ ḅe na, tomi mamgba na pịrị tẹ ịn ḅẹẹ,

Luku 1:68

“Ó yee wa KỊNỊNYANAḄỌ, Izirẹlịapụ tẹkẹarị Tamụnọ ḅe tokini! Ọ̀ ḅarasụa ori atomi pịrị ḅẹ ḅo tẹ, ori ịn ḅọrọma tẹ.

Luku 7:16

Ḅalafa nwẹnị inimgba ḅụụ ḅio sọ, tẹ ịn nwẹnị Tamụnọ tokini, ḅẹẹ mịnẹ, “Opu ịkịankoroḅọ paka-ḅo tẹ wamịna ogboku! Tamụnọ ori atomi ḅọrọma ḅẹ ḅo tẹ.”

Fịrịmẹnjịapụ 8:26

KỊNỊNYANAḄỌ ḅe enjẹlị nwẹnị Filipu ḅẹẹ, “Tẹlẹma tẹ tọrụ kẹ suku-jụ daa, tẹ Jeruselemu ḅụ ḅọrọ mu Gaza la etela mẹ ḍuka-muu.” (Mị etela mẹ anie ịkpa ḅio ḅẹ etela)

Fịrịmẹnjịapụ 8:40

Tẹ Filipu nwẹnị ẹrị ò mu Asịdọdị nwẹn-sịn ama mẹ la tẹ; tẹ ọ̀ nwẹnị so Sizariya mu, tẹ ò muarị tẹ agba ama, ama ori Iḅi-Oku mẹ ḍukom.

Romu 11:5

Anie mịọkụ sọ anị simearị ḅara. Ò ḍiki-ḅụụjịrị gotẹ Tamụnọ sẹlẹ-ọkị wararị boowa kala apụ paa emi.

Rufu 1:6

Nahomi Mohabụ sịẹ mẹ ḅụ sime tẹ naam mịnẹ KỊNỊNYANAḄỌ ḅe toluma ori atomi Izirẹlị ḍiki tẹ fịye kẹ ịn pịrị tẹ nwẹn ḅẹẹ sakị, á nwẹnị árị owiapụ-awọmẹ ma tapụ ma ọkị á ḅụụ sọ tẹ Mohabụ sịẹ mẹ ḅio pịkịma-so.