Zẹfanaya 2:3 - FỊAFỊA BAỊBỤLỤ

³ Ọ́ pịkị KỊNỊNYANAḄỌ ḅe da, ọmịnị-mgba tẹ ḅụụ-lẹgịmarị apụ ama kiri mẹ, ọ̀ tọn koroma aị ma poki tẹ mịẹarị apụ. Ó kuraye mịẹ tẹ ọmịna aḅụụ lẹgịmaa, KỊNỊNYANAḄỌ ḅe tọrọkọ ḅụ. Ẹbịsịya KỊNỊNYANAḄỌ ḅe ori ịganị ḍie-pakama ḅarị ene mẹ ḅụ fomu-ḅara ọ́ gbarị ḅarị ḅoto.

Zẹfanaya 2:3 Iomraidhean Croise

2 Samụẹlị 12:22

Ọ̀ nwẹnị ịn pakịrị, “Tụḅọ mẹ paa ḍumo wararị sakị, à ḅuru-ịmọ, tẹ tẹmẹ-la ḅara kẹ owum anị kẹ gotẹ ọkọ mịẹ ye, yẹrị mẹẹ, ‘Tụḅọ nimi, KỊNỊNYANAḄỌ ḅe ḍiki-ḅụụjịrị nyana ị̀ pịrị tẹ tụḅọ mẹ ḍumoma ḅarị ḅoto?’

Devidi-Anume 105:4

Ḅarasụa gotẹ KỊNỊNYANAḄỌ ḅe dama-mu; tẹ sunsin ọ̀ pịrị kunoma-a ḅara.

Devidi-Anume 149:4

KỊNỊNYANAḄỌ ḅe ori atomi ḍiki-ḅioḅẹlẹarị; ḅụụ-lẹgịma apụ ma ori owu-ḅara-iḅi kẹ ịn kẹ kụn nyana kiri ḅụ kuromarị.

Devidi-Anume 22:26

Tẹ igoin-apụ ma in ḅii ḅara, ḅii ḅara kẹ ye fị ḅa; KỊNỊNYANAḄỌ ḅe ḍọkụma-ḅoarị apụ ma ò tokini ḅa. Yee ịn lọkọlọkọ mu ḅẹẹ-sakị ḅẹẹ-sakị la!

Devidi-Anume 31:20

Ị́ tọrọkọ ye ịn la ḅịa anga mẹ ḅụ ị́ ịn ḅọịarị, tomi ḅiya ịn pịrịarị aị ma ḅụ; ye ịn la ḅịa sịḅị-kikima-yọ ḅụ ị́ ịn ḅọịarị, si kẹ ịn tọn arị apụ kẹ in wori gulugulumarị aị ḅụ.

Devidi-Anume 45:4

Ḅakaḅọ, mẹnjị mu owu-ḅara-iḅi nyana-a, ị́ karakara na jụmọ-jụmọ inoma-a na ḍụarị ye ḅụ! Ị́ ịnyọ opu owu-ḅara-iḅi, iḅi, iḅi kẹ ị̀ pịrị ḅa!

Devidi-Anume 57:1

Ọkụrụkụrụ nyana ị̀ pịrịị, Yei Tamụnọ, ọkụrụkụrụ nyana-a; ye ḅarị ị̀ la ḅịa ḅara ẹrẹsị arị ị́ ḍọkụma-ḅom. Ị́ pamba suku-ḅio mie à ḅọị ḅẹ anga simearị, nwenii ḍarịarị erise ma ḅọrọ.

Devidi-Anume 76:9

ị́ ḅẹrẹ-pẹlẹ ḅẹ tẹ saakị sịẹ sakị, í tomikiri ḅụ tomi ponomarị apụ mamgba ḅọrọma ḅẹ ḅara.

Devidi-Anume 91:1

Ḅẹḅọ-ḅẹḅọ tẹ ye mḅọ lama gotẹ KỊNỊNYANAḄỌ ḅẹ ḍọkụma-muarị ḅọ mẹ, ḅẹḅọ-ḅẹḅọ tẹ Kụrọ mamgba Nyanaḅọ ḅe gbaịn wararị ḅọ mẹ,

Paka-so 12:27

ọ́ pakịrị ḅa, ‘miemẹ anie KỊNỊNYANAḄỌ ḅe Saḅaḅọrọ-Alalị mẹ ḅẹ agba, gbala Ijiputi ḅụ ori Izirẹlịapụ ma awarị ma saḅa-ḅọrọm ẹrẹsị, ori Ijiputi-ḅẹ-apụ ma ḅaam kụma ọ̀ wamịna awarị ma kọkọrọ tẹ arị wẹrịsom.’ ” Tẹ tomi ma ịna asịḅị tuu tẹ sunsin KỊNỊNYANAḄỌ ḅe pịrịm.

Egberima-Ẹkwẹn 18:10

KỊNỊNYANAḄỌ ḅe ọ̀ kụrọtẹ gele-warị na kịkam, anie karakaraye-mịẹapụ ma inetẹ mu tẹ ye ịn la ḅịa anga.

Ayịzaya 1:17

tẹ ḍawọ tẹ kuraye mịẹẹ. Ọmịnị ẹrị mịnẹ ó tomḅọ la kiri kẹ mḅọ pịrịm, ḅarasụa ja apụ ponomarị apụ pịrị, sime ḍapụ na iyingiapụ na fịtẹ awọmẹ pịrị aị kẹ ịn pịrị, diapụ-fịtẹ-ereme ma ḍụa.”

Ayịzaya 11:4

ori inoma ofori ḅara kẹ ḅẹrẹkọn igoin-apụ ma pịrị ḅa, tẹ ḅarasụa-pịrịḅọ nyana-a apụ ma ḍụa tẹ ini ịn la kiri ọkị ḅa. Ọ̀ tọn tẹ in tomi ma fomu, tẹ si amịẹaị mịẹarị apụ ma fịị ḅa.

Ayịzaya 61:1

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe Ọ̀ tẹmẹ kẹ ị̀ ḅụụ ḅio suu ḅinma tẹẹ. Ori ị̀ sẹlẹ ọkị tẹ ị̀ kẹ fịrịma tẹ Iḅi-oku kẹ mu igoin-apụ ma pịrị ḅẹ ḅara, Ḅioḅẹngbọ kaan-sara tẹ apụ ma gwọ, Ḍuko kun-ḅara ḅio simearị apụ ma pịrị ịn paka-ḅo ḅa, pịkị ikoli ḅio simearị apụ ma ḅẹẹ ini ịna sịḅị atomi sọ ḅa.

Jerimaya 39:18

Arị í koko kpaịnma ḅa, tẹ kịnị ị́ ḅaa ḅịa. Í í ḍumo kẹ mangị-so ḅa, ị́ ị̀ kẹ ḅiokpọma ye ẹrẹsị. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 45:5

Í ḅiiarị in sikima ị́ na mị? Ọkọ mịẹ ma. Arị opu ḅụụ-fụka ọkị-ḅo tomḅọ nwẹn sịnḅọ-sịnḅọ pịrịarị, kụma anị sime-ḅara sime-ḅara sọ, kunoma í í ḍumo kẹ pụkọ-so ḅa í mu yọ mu yọ sọ. Yẹrị, KỊNỊNYANAḄỌ ḅe ọkọ ḅẹẹm.”

Izikẹlị 13:5

Ini opu ama mẹ onu ḅịkị tẹ ayọ ma koru-a, ịn pịkị onu mẹ ḅụ kan tẹ ayọ ma siin nama-a, tẹ mie ḅụ kịnị inetẹ Izirẹlị ḍụa ḅẹ ọkụ ofori ọmụ koroarị sakị KỊNỊNYANAḄỌ ḅe eneḅaka mẹ ḅụ.

Hosiya 10:12

À ḅẹẹm, ‘Ọmịnị ịwọ kiri soku tẹlẹma ọmịna aḅụụ pịrị, karakara mẹ ḍiḅi tẹ ḅụụ saakị ị̀ pịrị ḅụ pakama ḅo ḅarị aboma soku. Mie ọ́ pịkị ị̀ da ḅẹ sakị la tẹẹ, ọ́ Nyanaḅọ ḅe, tẹ à ḅo tẹ ḅo boma-boma-boma kẹ ọmịna ọgọnọ sara.’

Hosiya 7:10

Izirẹlịapụ ma opu-amịẹaị mẹ ḅẹrẹ oloku ịna ọgọnọ gbanarị. Paka tẹ ye goyegoye ḅụ sọ, amụ ịn pịkị ị̀ ḍọkụma-ḅoa, KỊNỊNYANAḄỌ ịna Tamụnọ ḅe.

Jona 3:9

Ẹbịsịya Tamụnọ ò kuroma ḍima ḅa; ẹbịsịya ori ịganị dasịẹma tẹ wa ḅarị fịị ḅịa!”

Zẹkaraya 8:19

“Ọmịnị ọlọarị aḅuru-ịmọ ma anie ini, sọnọ, sọnọma, na oyi na karama akalụ ma ḅụ ḅo ḍereku na ḅioḅẹlẹma alalị sọ Juda ḅẹ apụ ma pịrị ḅa. Mịẹ ḅara mịẹ ḅara ọ́ karakara na dein na ḅẹlẹma nyanam.”

Matiyo 5:5

“Ḅioḅẹlẹ sime ḅụụ iderimarị apụ ma pịrịm, Tamụnọ minini ori atomi pịrị aị ma ịna aḅara la ḅa!”

1 Tẹsalonịka 4:1

Anị ḅẹ kunoma ye, wamịna amịnapụ, ọ́ kọn tẹ Tamụnọ ḅioḅẹlẹma ḅarị ḍumo ọ́ nwẹn ḍawọm wamịna ḅara. Ye wẹrịtẹ sime-ḅara ḅụ, anị ḍumo ḅara mẹ mie ọ́ pịkị kọn na-iḅi ye. Tẹ mịọkụ, KỊNỊNYANAḄỌ Jizọsị ḅe ẹrẹ ḅụ, wa ọ́ tẹkẹ lamarị, mịnẹ ọmịnị iḅi ọkọ nẹngị ḍumo sọ kọn.

1 Tẹsalonịka 4:10

Tẹ, karakara-ḅara-ḅụ, mị gbọrụ ḅara mẹ mie ọ́ pịkị kẹ mịnapụ ma tẹ Masidoniya kana-koro ḅụ simearị apụ ma na anga tẹ ḅara. Mie ḅụ, wamịna mịnapụ, wa ọ́ tẹkẹm ọmịnị ọkọ nẹngị ḅara mịẹ tọrọkọ-tọrọkọ muu.

1 Pita 1:22

Mịọkụ ọ́ karakara mẹ minini tẹ anị ḅẹẹ ḅara mịẹarị ye ḅụ, tẹ ọmịna aḅụụ mamgba sịkịrị fịafịa tẹ mẹ, tẹ ḅo aka ofori ḅẹlẹma nyana ọmịnị na sọ tẹ Kịrayịsị minini apụ ma pịrị tẹ ḅara, ọ́ tẹmẹ-la ḅara kẹ jụmọ-jụmọ ḅẹlẹma, ọmịna ḅioḅẹngbọ mẹmgba ḅụ.

1 Pita 3:4

Anie nakara, ye ọmịna iḅi ḅụụ ḅio ḅụ sime, omongi-omongi-a iḅi, gbenetẹ deintẹ tẹmẹ, aniemẹ mie Tamụnọ tọrụ ḅụ yela tẹịn ye.

2 Pita 3:18

Kụma ọ́ paa ḍiki-ḅụụjịrị na wa Nyanaḅọ pịkị wa Ḅọrọmaḅọ Jizọsị Kịrayịsị nimi mẹ na ḅụ lolo tọrọkọ, tọrọkọ mu. Ebube sime ọ̀ pịrịị, mịọkụ mu ḅẹẹ-sakị ḅẹẹ-sakị la! Amẹnị.