Zẹfanaya 2:2 - FỊAFỊA BAỊBỤLỤ

² tẹrẹmẹ ó ḅo fịlawa kịka tẹ kpatụ tẹ fịị, tẹrẹmẹ KỊNỊNYANAḄỌ ḅe ịganị mẹ tẹ fịnị kọrị ḅara kọrịarị ye mẹ ḅo ọmịna ọgọnọ sara, tẹrẹmẹ ori owi-ịganị mẹ ene mẹ la.

Zẹfanaya 2:2 Iomraidhean Croise

Jobu 21:18

Tẹ mịẹ tẹ ịn fẹrụ mẹ tọrọkọ samụnọtẹ asịra sime-ḅara na samụnọtẹ ịnyịnya tẹ erise dogi-so so ye sime-ḅara sime ḅẹ?

Devidi-Anume 1:4

Kụma si-mịẹapụ ma gbala-gbala ye anị ḅara kẹ ini na sime-a; ịn kịkarị ye fẹrụ kẹ fiin soarị asịra.

Devidi-Anume 2:12

Ọmịnị oju sẹkịma mu ọ̀ tọrọkọ iḅoo; ọkọ-a kụma ori ịganị ala-a saakị ḅa, tẹ ó ḅiotọn-a sakị kẹ fịị ḅa. Ḅioḅẹlẹ sime ọ̀ ḍọkụma-ḅo tẹ ọ̀ gbaịn-arị apụ ma pịrịm.

Devidi-Anume 50:22

Ọmịnị ị̀ kẹ ye-sịn-a apụ, ó miemẹ pokii, ọkọ-a kụma àrị ọ́ ḅaa guluguluma ḅa, tẹ ọ́ ḅọrọma ḅẹ gbọrụḅọ-sọ paka ḅịa.

Ayịzaya 17:13

Sịẹ, sịẹ ma ḅoarị ye mẹ ọnụngọ mbelembelema ḅoarị ye kịkarị, kụma Tamụnọ ịganị ịn pịrị tẹ ini ọḅụ daarị, gbala fẹrụ tụndụ akaka fọọn dogi fiin ḅara, anị nume-naowu fẹrụ asịra kẹ fiin ḅara kịkarị.

Jerimaya 23:20

tẹ anị fie pẹlẹ ḅịa nwenii ò ḅiotọn-arị ọ̀ mịẹ ḅa nwẹn ḅẹẹ ye goyegoye mịẹ fama ḅa. Ḅo ḅarị ene ma ḅụ ori atomi giregire ḅara kẹ miemẹ fiearị ye naa ḅa.”

Jerimaya 4:4

Ọmịnị ị̀ na fị ọḅọkụ mẹ kokoo, ọ́ Nyanaḅọ ḅara ḅụ, tẹ ọmịna aḅụụ wẹrị kpaịnma ị̀ pịrịị, ọmịnị Juda na Jeruselemu na ḅẹ apụ. Ọmịnị ọkọ mịẹ-a ḅẹḅẹ, ị̀ ịganị fịnị kọrị ḅara kọrị ḅa, ọ́ mịẹ tẹ asi-aị ma ẹrẹsị. Anị kọrị ḅa, tẹ anị biinma ḅẹ gbọrụḅọ-sọ paka ḅịa.”

Kururu Owu-apọkọ 4:11

KỊNỊNYANAḄỌ ḅe ọ̀ kụrọ ịganị ịḅụkụ mẹ finji koromam, ori ori ọfịrị ịganị mẹ sara pakamam; Tẹ ọ̀ Zayọnị ḅụ fịnị kẹngẹma saram, aniemẹ tẹ anị ḅẹ sukutarị-ḍụḅarị dọkịma ye mẹ.

Izikẹlị 12:25

Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn ịn pịrị ḅa, tẹ à ḍuko ḅarịye mẹ mịẹ ḅa. Sakị fama ḅarị jen kẹ paka ḅịa. Ọmịna ḍumo tọrụ ḅụ, kọngọ-kụrọma-apụ, à mịẹ ḅẹ tẹ kẹ ọmịna ḅeri nụnụ ye mẹ à mịẹ ḅa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Hosiya 13:3

Tẹ mie ḅụ arị atomi ma dede oḅuto kẹ ḅo kiri la wararị ye kịka tẹ kaan-so ḅa, igirigi tẹ dede-funfun ḅụ ịmaịn-faarị ye ọkụ. Ịn pẹlẹ sara tẹ fẹrụ kẹ fiin soarị asịra kịka ḅa, onwin sọma ye ḅụ paka-ḅoḅo tẹ wasamarị onwin ọkụ.

Nahọmụ 1:6

Tụḅọ inetẹ ye ọ̀ ḅụụ-ḅẹsọ tẹ ọ̀ tọrọkọ sịẹsime ḅẹ? Tụḅọ inetẹ ori ịganị mẹ ḅẹ ọfịrị mẹ inema ḅẹ? Ọ̀ kụrọ ịganị fịnị ọsụma paka ḅara pakam, tẹ ori ịkụ ma kẹ pakịrị-pakịrị puu-puu saram.

Zẹfanaya 1:18

Anị ene mẹ ḅụ, KỊNỊNYANAḄỌ ḅe ori owi-ịganị ḍie-pakama ḅarị sakị mẹ ḅụ, ịna seleḅa na golu na kịngẹ sọ ịn ḅọrọma ḅịa. Ori ịganị ḅụ fịnị bebe tomikiri mẹ guluguluma ḅa. Ò tomikiri ḍumo simearị ḅọ goḅọ-goḅọ ḍumo kẹ ḅo kunoma lama ḅaa-a bẹkẹ kunoma.

Zẹfanaya 3:8

KỊNỊNYANAḄỌ ḅe ḅẹẹarị, “Paa koruu; à saakị tẹ ḅẹrẹ ḍuko sịẹ-sịẹ ma sịḅị sẹịn ḅarị ene mẹ koruu. Àrị ì ḅioḅẹngbọ mịẹ kụrọma tẹ sịẹ-sịẹ ma na amadapụ daarị ayọ ma na kobiri ḅo, mịẹtẹ ị̀ ịganị mẹ kụrọ ini ịnọ ḅẹ ḅara. Ì owi ịganị mẹ ḅẹ kọrị-fịnị bebe tomikiri mẹ guluguluma ḅa.”

Matiyo 24:35

So na Kiri na ḅọrọ so ḅa, kụma ị̀ ẹkwẹn ma gbala-gbala ḅọrọ so ḅịa gbamasom.