Zẹfanaya 2:15 - FỊAFỊA BAỊBỤLỤ

¹⁵ Anie anị sime opu ama mẹ tẹ amịna soku-ḅẹ kụrọ ḅụ ḅụụ-gelema tẹ kuromarị mịnẹ anị la-la ye ofori ḅarịye mẹ ḅụ paka ḅarịye. Anị ḅẹ atomi ma kuromarị tomikiri ḅụ ịna opu ama mẹ ḍụḅa tẹịnm. Anị gulugulu fa tẹ koro-sime ḅarị ḅara ḍiki, piri-ḅio-ḅẹ anama ḅọlọlọ tẹ ịnyọsara ḅarị anga! Mẹnjị-ḅọrọarịḅọ goḅọ-goḅọ ọḅụ-na-isema ḅa sịḅị-kanakana ḅụ.

Zẹfanaya 2:15 Iomraidhean Croise

Jobu 16:4

Yẹrị sọ inetẹ ị́ ẹkwẹn ḅara ẹkwẹn ḅa, ị́ à sime kiri ḅụ emi ḅẹ kụma; arị ị̀ sịḅị jike-jike ị́ pịrị tẹ, inetẹ ẹkwẹn kọn-kọn gboloma ị́ ẹngbẹsẹ ḅa.

Jobu 27:23

Anị ọ̀ ḅụụ ḅụ anịḅẹ ḅara farịm, tẹ anị sime anga ḅụ sime tẹ ori ofurom.”

Ayịzaya 22:2

Bebe ama mẹ yeke-yekearị, ẹkwẹn pẹlẹ-a ḅara kẹ ye sịḅịḅio sọ ḅara mịẹarị? Ọmịna atomi ma tẹ mịẹ ọmụ mẹ ḅio fịị apụ ma ini owu sọarị ogbo fịị-a.

Ayịzaya 32:11

Ọ́ ḅụụ ḅaa-a ḅara kẹ anga simem, gberie-sọ ḅụụ fụkama-a ḅara ḅụ, kụma mịọkụ ọ́ ḅalafa ḅụ oju sẹkị! Ọ́ kapa siin fama tẹ akpa kẹ ḅiri ọkị.

Ayịzaya 32:14

Ama-da warị mẹ so ini anị kuroma mangị ḅa, tẹ sịḅịda opu ama mẹ ḅio kpọkpọ gbọrụḅọ-sọ kọn ḅịa. Sime yọ na ọmụ-aị koko awarị ma na tẹ ịn gbaịn sime aị ma kan sara gbamaso ḅa. Piri ḅio ḅọ anama ma anịanga mẹnjị-mẹnjị ḅọrọ ḅa, tẹ anana ma anịanga osuka fị ḅa.

Ayịzaya 32:9

Ọmịnị ḅụụ ḅaa ḍumo kọn-arị ereme, gberie-sọ gotẹ ḅalaḅala-a apụ, ọmịnị à ḍukoarị ye pokii.

Ayịzaya 47:10

Í si mẹ ḅio sime tẹ ọkị lamam mịnẹ ị́ la-la ye ofori; Í kuromam mịnẹ gbọrụḅọ-sọ inetẹ ị́ ẹrị ḅịa. Í nimi na ḍawọye na ị́ da irimam, tẹ ị́ ị́ ḅụụ ḅẹẹm: Yẹrị Tamụnọọ, jụmọ tẹ ị̀ kịka ḅọ ofori.

Jerimaya 18:16

Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.

Jerimaya 19:8

Arị ọkị-ḅo mị opu ama mẹ ọgọnọ gbana ḅarị ḅalafama ḅaa-guluguluma mẹ mịẹ tẹ ḅẹḅọ-ḅẹḅọ tẹ mẹnjị-ḅọrọarị ḅọ sịḅị-kanakana tẹ ḅụụ-bua ḅa.

Jerimaya 50:13

Ị̀ ịganị ẹrẹsị, gbọrụḅọ-sọ Babịlọnị ḅụ anga ḅịa, anị kan-sara tẹ gbin koro-sime ḅa, tẹ mẹnjị-ḅọrọarịapụ mamgba sịḅị-kanakana tẹ ḅụụ-bua ḅa.”

Kururu Owu-apọkọ 1:1

Jeruselemu mẹ tẹ tomi ḅin sime anga mẹ, anị tọ-ḅara kẹ yaụtẹ koro-sime tẹ mọ! Ndẹẹ á ḅo diḅọ-fịtẹ-ẹrẹḅọ sime-ḅara sime tẹ ḅara, árịma tẹ opu asịẹ ogbo ḅio gburo-gburo sime ḅọ ma Árị ma tẹ opu ama ogbo ḅio amadaḅọ tụḅọ sọ sime ḅọ ma, ḅo omoniḅọ sọ tẹẹ.

Kururu Owu-apọkọ 2:1

Ndẹẹ KỊNỊNYANAḄỌ ḅe ori ịganị ḅụ kpọma-ḅẹlẹmarị Jeruselemu mẹ kẹ kpiti-so ḅụ kuroma ḅara! Ori Izirẹlị ḅẹ ḅịyarị ebube mẹ kẹ So-ḅio wakị kiri-ḅio kuroma tẹẹ; ori ịganị ene mẹ ḅụ, ọ̀ kẹ ḅụọ gbanamarị ịkasiye mẹ sọ ọ̀ kẹ ḅiokoroma-a.

Kururu Owu-apọkọ 2:15

Inima tẹ etela mẹ ḅụ mẹ ḅụ mẹnjị-ḅọrọ apụ mamgba, ịna aḅara farị-farị ị́ dam; ini í kombo-kombo tẹ ịna asịḅị jike Jeruselemu ḅẹ ẹrẹḅọtụḅọ ma pịrịm; “Mie opu sịẹ mẹ tẹ ini iḅi kọnma-a ama kẹ siin sime opu ama mẹ, tomikiri mamgba ḅẹ ḅioḅẹlẹ mẹ anị-a?”

Izikẹlị 27:36

Í so tẹ, ị́ gbọrsịḅị so tẹ, tẹ bebe tomikiri mẹ kana-koro ḅụ masịnịapụ ma tẹmẹ-naịn-naịntẹ ḅalafaarị mịnẹ ini ị́ ḅụ paka ḅẹ ye mẹ ḅụ kiri nyana ḅẹ ḅoto.

Izikẹlị 28:2

Ori mẹẹ, “Fịị-fịị tomḅọ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ị̀ pịrịarị ye mẹ ḍuko Taya ḅẹ ḅẹrẹtọnḅọ ḅe pịrịị: ‘opu-amịẹaị fẹrụ kịka tẹ í ḅio ḅin tẹ ị́ ọkịarị mịnẹ ị́yẹrị tamụnọọ. Ị́ ḅẹẹarị mịnẹ ẹkẹkẹ-tamụnọ ḅara ḅụ í í emine ọgọnọ yaụ-sime wararị, abajị ma nwẹnị í ikelema wararị. Ẹbịsịya í inetẹ ẹkẹkẹ-tamụnọ ḅara kẹ ḅiotọn ḅa, kụma, ẹn-ẹn, ị́yẹrị fịị-fịị tomḅọọ, ị́ ẹkẹkẹ-tamụnọ ḅara sime-a.

Izikẹlị 28:9

In ḅo ị́ ḅaa ḅarị sakị mẹ sọ ị́ paa ọkị ḅẹ mịnẹ tamụnọọ? Ị́ tọrụ kẹ ị́ ḅaa ḅẹ apụ ma na dama-dama sakị ị́ fịị-fịị tomḅọ sọ ḅa, ḅọkọ-ḅọkọ mamgba ḅụ ị́ tamụnọ ḅara sime ḅịa.

Izikẹlị 29:3

Ḅẹẹ mịnẹ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko Ijiputi ḅẹ amadaḅọ ḅe pịrịarị ye: ‘yẹrị anie ị́nịna fịya-a ḅọ, ị́yẹrị mamataḅaye opu awakịḅa ḅe, tẹ tọrụ mẹ ḅio ḅọlọlọ simearị ḅọ. Ị́ ḅẹẹarị ị́yẹrị Nayịlị tọrụ mẹ nyanam, tẹ anị tẹmẹm.

Danẹlị 4:27

Ọkọẹrẹsị, Gburo-gburo Opuḅọ, à kẹ í ḅeri nụnụ ḅarịye mẹ daa-ọkị. Ḅarị si mịẹ ma, karakara ye mịẹẹ, tẹ ḍiki-ḅụụjịrị nyana igoin-apụ pịrịị. Anịsakị í lolo tọrọkọ-tọrọkọ mu ḅa.”

Nahọmụ 3:19

Kẹ ị́ la ye mẹ gwọ-gwọ ye ofori, ị́ la ye mẹ gwọ sọ iḅi ḅịa. Ị́ ḅụụ paka ye mẹ gbolomaye naa apụ mamgba ịna aḅara farị-farị ị́ pịrịarị, anị kẹ gotẹ ọkọ mịẹarị, ị́ sịkọpẹlẹ-a ḅara kẹ mịẹarị siye mẹ, tụḅọ ọgọnọ kụma anị amụ la-a?

Habakọkụ 1:7

Ịn ḅalafa na tẹmẹ-naịn-naịn na wasamarị, tẹ ịna ḅụụ-gelema ḅụ ini oloko sọ amịna ḅụụ pịrị wararị.”

Matiyo 27:39

Mẹnjị ḅọrọ apụ nwẹnị sịḅị jike, jike tẹ Jizọsị gọlị: