Zẹfanaya 2:14 - FỊAFỊA BAỊBỤLỤ

¹⁴ Anị anana ogbo-ogbo na, opu anama ogbo-ogbo na, piri-ḅio-ḅẹ anama ḅara-ḅara na ḅọlọlọ simearị anga sọ ḅa. Anị ḅẹ kan-saratẹ ayọ ma ḅụ mgbukumgbuku anga tẹ ikiḅa-aḅọkọ ma ḅụ sime tẹ ḅio fiema ḅa. Ḍin feni warị-ḅọkọ-amasịn ma ọgọnọ sime tẹ oloku ḅa. Sida ḍụḅọ tẹ ịn kẹ árị awarị ma nama aị ma kịnị kpakpa so ḅa.

Zẹfanaya 2:14 Iomraidhean Croise

Devidi-Anume 102:6

Àrị ịkpa ḅio ngẹrị simearị feni kịkarị, kan-sara tẹ tomi kuroma-so tẹ anga ḅụ simearị mgbukumgbuku na ị̀ na kịkam.

Ayịzaya 14:23

À Babịlọnị pịkị-ḅo minji-minji kiri sọma ḅa, tẹ mgbukumgbuku anịanga anga ḅa. Àrị ọfịnye kẹ Babịlọnị ọfịn ḅa, ye mamgba ọfịn siin ḅarị ọfịnye. Yẹrị Kụrọmamgba nyana KỊNỊNYANAḄỌ ḅe ọkọ ḅẹẹm.”

Jerimaya 22:14

Amịna ḅụụ ḅẹẹarị tomḅọ mẹ, anie ḅẹẹarị: “À wulalatẹ iḅi warị nama ị̀ ḅụụ pịrị ḅa, ḅio-ḅio-ḅio tẹ ọgọnọ warị nyana ye,” mḅọ fa tẹẹ. Mie ḅụ ori ikiḅa-ḅọkọ-ḅọkọ sụarị ọ̀ warị, sida ḍụḅọ kẹ anị pono-pono ḅọrọmarị, tẹ awụ agba kẹ ọmbịarị.

Emọsị 9:1

À KỊNỊNYANAḄỌ ḅe ẹrịm ori agbamịẹ-anga mẹ akaka sịẹ wararị. Ọ́ nwẹnị kụrọ pịrị, “Kụrọma Tamụnọ warị mẹ ḅẹ ḅeriye ma ọgọnọ-jụ ḅakụ tẹ bebe mẹnjị ḅọrọ sọ mu tarị ḅio mẹ jike. Arị kan-siin tẹ arị ḅịkị tomi ma asịḅị ọgọnọ sara. À kirikọn apụ ma ḅaa ḅa ọmụ ḅio ḅụ. Mangị-so ḅẹ gbọrụḅọ-sọ ofori; gbọrụḅọ-sọ pụkọ-so ḅịa.

Zẹfanaya 2:6

Ọmịna amakiri mẹ tẹ abajị akaka simearị ye mẹ papaa koro simearị ḍụọ-kọrị-kiri sọ tẹ anana-ḍikiḍikiapụ obokoro na anana koko onu na nama sara wararị yọ sọ ḅa.

Mịẹfinji 18:2

Ọ̀ nwẹnị kụrọma gele pọkọ kẹ oloku pakama: “Á ḅịkị tẹ! Opu Babịlọnị ma ḅịkị tẹ! Mịọkụ oru na si-atẹmẹ na mie á ḅio anga tẹ ẹkpẹarị ye, sịḅị-ngụngụnmarị tẹ ḅụụ ḅẹlẹma-a afeni mamgba á ḅio angarị.