Zẹfanaya 2:13 - FỊAFỊA BAỊBỤLỤ

¹³ KỊNỊNYANAḄỌ ḅe ọ̀ kụrọ kẹ Asiriya guluguluma ḅa. Ọ̀ mịẹ tẹ Ninive opu ama mẹ sii kọsị tẹ kịnị koroma mangị-so tẹ ịkpa sọ ḅa, minji ofori ịkpa.

Zẹfanaya 2:13 Iomraidhean Croise

Ayịzaya 10:12

Kụma KỊNỊNYANAḄỌ ḅe ḅẹẹm, “À Zayọnị tụndụ ọgọnọ ḅụ na Jeruselemu ḅụ na à mịẹarị ye mịẹ fama sakị arị Asiriya tomikiri mẹ daarịḅọ ḅe fomu ḅa, ò bomarị ḅụụ mamgba na ori opu-amịẹaị mamgba na gotẹ.”

Ayịzaya 10:16

Kụrọmamgba nyana KỊNỊNYANAḄỌ ḅe obi kẹ mịọkụ iḅiọkụ yefịarị apụ ma fomu gotẹ kẹ ịn fịrịma ḅẹ tẹ. Ịna oju ḅio ma nwẹnị biin-biin-a fịnị kọrị ḅara kọrị ḅa.

Ayịzaya 10:5

KỊNỊNYANAḄỌ ḅe mẹẹ, “Asiriya! Àrị Asiriya kẹ mgbele sọma tẹ kẹ àrị ịganị pịrịarị apụ fomuarị.

Ayịzaya 11:11

Anị ene mẹ ḅụ, KỊNỊNYANAḄỌ ḅe pịkị siin jen kẹ ọ̀ kụrọ pakama tẹ ori atomi ma tẹ kirikọn-apụ ma ọkị pịkị warị ḅo ḅa, Asiriya na, Ijiputi na ḅụ, pịkị Patọrọsị na, Sudanị na, Ẹlamụ na, Babịlonịya na, Hamatị na, amakiri ma ḅụ tọrụ akaka ḅẹ akiri ma ḅụ na, tọrụ-minji ḅẹ asọ ma ḅụ sọ.

Ayịzaya 14:26

Mie à kẹ ye tọn tomikiri mẹ pịrị ḅara, tẹ ị̀ ḅara-kọngọ paa sụụn-paka wararị kẹ sịẹ-sịẹ ma fomu.”

Ayịzaya 37:37

Anịtẹso Sẹnakeribu, Asiriya tomikiri mẹ daarịḅọ ḅe nwẹnị anịjụ koroma pịkị so ori ama Ninive mu.

Jerimaya 49:33

Hezọ ịkpa sọ ḅa, ḅẹẹ-sakị ḅẹẹ-sakị ḅụ, piri-obiri kịngẹ angarị yọ. Gbọrụḅọ sọ ḅarị jen kẹ anị yọ anga ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jona 1:2

Ori mẹẹ, “Saakịị! Fọnya Ninive opu ama mẹ muu, tẹ ḍuko ịn pịrị in si mịẹ tẹẹ. Ịna si-sịḅịḅio la ḅara mẹ à nimi wararị.”

Jona 3:2

Ori mẹẹ, “Saakịị! Fọnya Ninive muu! anị ḍụḅatẹ opu ama mẹ, tẹ ḍuko wasama tomi ma pịrịị, à kẹ ị́ fịrịma tẹ oku mẹ.”

Mayịka 5:6

Okologie ḅụ ini Asiriya nẹngịma ḅa, tẹ lubulu ḅio nụnụ paka-ḅo okologie kẹ Nimirọdị nẹngịma ḅa; anịsakị ini Asiriya ḅẹ apụ ḅara ḅụ wa ḅọrọma ḅa, Nimirọdị wamịna ama ḅio sọ ḅo tẹ wamịna ama agara mẹnjị sakị.

Nahọmụ 1:1

Ye-nimiḅọ ḅịḅị ḅio Ninive gbolomaye ḅụ paka-ḅo oku-ḅịḅị. Miemẹ anie Ẹlịkọsị ḅẹ Nahụmụ ẹrị ịkịan mẹ ḅẹ ḍiri mẹ.

Nahọmụ 3:15

Anị yọ mie fịnị ọ́ dọkịma guluguluma ḅarịye, okologie mẹ ọ́ pẹlẹ-siin ḅa. Igurube ye guluguluma ḅara anị nwẹn kẹ ó guluguluma ḅa. Ọmịnị Igurube ḅin ḅara kẹ ọmịna aḅụụ ḍụḅamaa, ọmịnị ịkpakpa ḅin ḅara kẹ ọmịna aḅụụ ḍụḅamaa!

Nahọmụ 3:7

Anịsakị í ḍiki apụ mamgba ị́ ḅụụ mangị-so tẹ ḅẹẹ ḅa, Ninive fa tẹ, tụḅọ á ḍuu ḅẹ? Tọ anga à mu á dedema ḅẹ apụ ḍọkị á pịrị ḅẹ?

Zẹfanaya 1:4

“À Jeruselemu ḅẹ apụ na Juda mamgba na fomu ḅa. Kunoma ye tẹ kịnị kẹ nimi ḅarịye mịnẹ anịanga in Balị tẹkẹ-tẹkẹm ḅẹ ye sọ à guluguluma fama ḅa, tẹ gbọrụḅọ-sọ oru nimi agbamịẹapụ ma tẹ fịrịmẹnjị ọ̀ pịrị sime apụ ma kịngẹ sọ kẹ ḅiokoroma ḅịa.