Zẹfanaya 2:11 - FỊAFỊA BAỊBỤLỤ

¹¹ KỊNỊNYANAḄỌ ḅe ịna tẹmẹ-naịn-naịnma ḅa. Ò tomikiri ḅẹ atamụnọ ma iderima-ḅo papaa aị sọ ḅa, anị tẹso, sịẹ goyegoye sunsin ọ̀ pịrị ḅa, ọrụ-na-ọrụ-na amịna amakiri ḅụ.

Zẹfanaya 2:11 Iomraidhean Croise

Suku-saakị 10:5

Mịna apụ ma ḅụ ḅẹ apụ mie wasama tọrụ agara ma na, sọọ ma na ḅụ angarị apụ ma. Mịna apụ ma anie Jafẹtị owiapụ-awọmẹ, ọrụ na ọrụ na amịna ama-ama ḅio furo-furo ḅụ emi, ọrụḅọ-ọrụḅọ amịna soku-ḅẹ ama ḅẹ ḅịḅị nyana tẹ fiearị ịna kịrị-kịrị opu asịẹ ḅụ.

Devidi-Anume 138:4

KỊNỊNYANAḄỌ, tomikiri ḅẹ amadapụ mamgba í tokini ḅa, ini í minini ị́ atomi pịrị-aị ma naa tẹ ẹrẹsị.

Devidi-Anume 72:17

Yee gbala-gbala kịnị amadaḅọ ḅe ẹrẹ kẹ ḅioḅọrọma ma; yee ori ereso mu ịrụa ḅịya mu la ene, la ene la. Yee sịẹ-sịẹ mamgba ò tokini, yee ịn Tamụnọ ḅẹ ori in boma tẹ yee in ḅii, mịnẹ amadaḅọ ḅe ḅioḅẹlẹ.

Devidi-Anume 86:9

Tomikiri ḅẹ asịẹ mamgba tẹ ị́ tẹmẹ tẹ apụ ma ḅo iḅo ị́ pịrị ḅa; ini í opu tokini ḅa.

Ayịzaya 2:18

tẹ oru-afụḅara mamgba kịnị ḅarị arị ẹrị ḅịa.

Ayịzaya 2:20

Anị ene mẹ ḅụ, in golu na seleḅa na kẹ tẹmẹ ịna ḅụụ pịrị oru-afụḅara ma ịn kẹ gbin koroma so piri-ofunguru amẹẹ na poku amẹẹ na pịrị ḅa.

Ayịzaya 42:10

Ịwọ nume-su KỊNỊNYANAḄỌ ḅe pịrịị; bebe tomikiri mẹ su ò tokinii! Ò tokinii, ọmịnị tọrụ dọkụarịapụ; ò tokinii, tẹmẹ-aị mamgba tọrụ ḅio ḅụ Ó suu, sụma-yọ ḅẹ ama ma na arị anga ḅụ angarị apụ mamgba na!

Ayịzaya 42:4

Ò ḅiokpọmaye anịanịa ḅiokpọ fama ḅịa; Ọ̀ mịẹ tẹ tomikiri mẹ ḅụ ọrụḅọ-ọrụḅọ mḅọ la kiri nyana wẹrị ḅa. Sụma-yọ simearị amakiri ma ḅẹ apụ ḅio-sẹsẹ ḅara kẹ ò tolumaye koruarị.

Ayịzaya 49:1

Sụma anga simearị asịẹ, ọmịnị ì pokii, ọmịnị iḅere-iḅerea jụ angarị apụ! Tẹrẹmẹ àrị iyi paka-ḅo, KỊNỊNYANAḄỌ ḅe ị̀ sẹlẹ ọkị tẹ tọn tẹ arị ọ̀ fịrịmẹnjịḅọ sọọ.

Jerimaya 10:11

(Ọmịnị tomi, ó ḍuko ịn pịrị nyanam, mịnẹ tomikiri mẹ na So-tọrụ mẹ na tẹmẹ-a atamụnọ ma ini arị guluguluma ḅa. Ịn ḅarị jen kẹ tomikiri mẹ ḅẹ gbọrụ pakịrị anga ḅụ sọ sime ḅịa.)

Jerimaya 46:25

Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍukoarị, “À fomu-ḅara kẹ Amọnị pịrị ḅẹ-yearị, Tibesi tamụnọ ḅe, Ijiputi na anị ḅẹ atamụnọ ma na amadapụ ma na kẹ sụa. Àrị Ijiputi ḅẹ amadaḅọ ḅe na ọ̀ kẹ ḅiokpọmarị apụ mamgba na ọkị

Danẹlị 11:18

Anie ḅọrọtẹ so ori owu kẹ tọrụ akaka simearị ama ma paka tẹ arị ḅụ tọnwa aị nẹngịma ḅa. Kụma jen sịẹ ḅẹ sịḅịdaḅọ ọ̀ nẹngịma tẹ ori Opu ẹkwẹn ḅo kuno ḅa; karakaraye ḅụ ò Siriya ḅẹ amadaḅọ ḅe Opu ẹkwẹn mẹ pịkị ori ọgọnọ gbana ḅa.

Hosiya 2:17

À ḍụkụ tẹ á ḅarị jen kẹ ḅịḅị kẹ Balị ẹrẹ go ḅịa.

Jowẹlị 2:11

KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?

Zẹfanaya 1:4

“À Jeruselemu ḅẹ apụ na Juda mamgba na fomu ḅa. Kunoma ye tẹ kịnị kẹ nimi ḅarịye mịnẹ anịanga in Balị tẹkẹ-tẹkẹm ḅẹ ye sọ à guluguluma fama ḅa, tẹ gbọrụḅọ-sọ oru nimi agbamịẹapụ ma tẹ fịrịmẹnjị ọ̀ pịrị sime apụ ma kịngẹ sọ kẹ ḅiokoroma ḅịa.

Zẹfanaya 3:9

“Anịtẹso à sịẹ-sịẹ ma ḅẹ atomi ma ḍima tẹ ini yẹrị kịngẹ tẹkẹ ḅa; ịn ḅarị oru-atamụnọ tẹkẹ ḅịa. Inimgba ị̀ ḅịḅị poki ḅa.

Zẹkaraya 13:2

Anị ene mẹ ḅụ, àrị amakiri mẹ ḅụ oru-afụḅara ẹrẹ ma saakị siin ḅa, tẹ gbọrụḅọ-sọ ḅarị jen kẹ ịn kẹ ḅiokoroma ḅịa. Ịkịankoroḅọ kẹ amịna ḅụụ ọkịarị ḅọ goḅọ-goḅọ, arị mḅọ na mịẹ ye nyana ḅịa, tẹ oru-afụḅara tẹkẹ ḅioḅẹngbọ mẹ ọkị so ḅa.

Zẹkaraya 2:11

Anị ene mẹ ḅụ, tọnwa asịẹ KỊNỊNYANAḄỌ ḅe dama-ḅo tẹ ori atomi sọ ḅa. Ori ọmịna ogboku anga ḅa, tẹ ó nimi ḅa mịnẹ ori ị̀ kẹ ọ́ fịrịmam.

Zẹkaraya 8:20

Kụrọmamgba nyana KỊNỊNYANAḄỌ ḅe ḅẹẹarị, “Sakị mẹ ḅoarị, anie tọnwa-apụ opu ama-ama ma ḅụ sime tẹ Jeruselemu ḅo ḅarị sakị mẹ.

Zẹkaraya 8:23

Arị eneḅaka ma ḅụ, ja asịẹ ḅẹ oyi apụ gbọrụ Juu-ḅẹ ḅọ dama-ḅo tẹ ḅẹẹ ḅa, ‘Wa ḅiiarị ọ́ la ye wa la, wa naa tẹ mịnẹ Tamụnọ ọmịnị na emi ẹrẹsị.’”

Malakayị 1:11

Tomikiri mẹ ḅẹ gbọrụ ịkọlị ḅụ ọkị mu osi ịkọlị la tomi ị̀ kụn-arị. Anga-anga ḅụ ịn kụnụaị dọkịma ị̀ pịrị tẹ kẹ agba mịẹ-mịẹ ị̀ pịrịarị. Inimgba ị̀ kụn-arị!

Malakayị 1:14

Wori-nume sime kịnị-inomaḅọ ḅe tẹ yela-a nama kẹ agbamịẹ-mịẹ ị̀ pịrịarị ḅọ mẹ pịrịị, ori anama ogbo ḅụ iḅi nama tẹ ò minini ị̀ pịrị ye mẹ emi ogbo! Yẹrị anie Opu Amadaḅọ, tẹ sịẹ-sịẹ ma ḅẹ atomi ma ì kụn-arị.”

Ditẹrọnọmị 32:38

tẹ ịna agba ma ḅẹ ḅẹlẹkị taḅa, tẹ ịna iru agba mẹ ḅẹ iru ḅuu apụ ma? Yee ịn saakị tẹ ḅarasụa ọ́ pịrị, yee ini ó ḍikiḍiki apụ sọ!

1 Timoti 2:8

Sọsị wẹrịarị anga goyegoye ḅụ, à ḅiiarị owiapụ tẹkẹẹ, amịna aḅụụ wẹrị kpaịnma Tamụnọ pịrị tẹ owiapụ, tẹ inetẹ ịna aḅara saakị-gelema tẹ tẹkẹ ḅarị apụ, ịganị anịanịa nụnụa ye ofori ḅara.

Mịẹfinji 11:15

Anịtẹso sọnọma karama enjẹlị ḅe ori ọdụ ofurom, tẹ So-ḅio tọnwa apọkọ oloku-oloku tẹ ḅẹẹm, “Tomikiri ḅụ ḅẹrẹtọn kụrọ mẹ mịọkụ ḅo wa Nyanaḅọ ḅe na ọ̀ Mẹsaya ḅe na ḅara sọ tẹ, ọ̀ ḅẹrẹtọn mu ḅẹẹ-sakị ḅẹẹ-sakị la ḅa!”